الموضوع: حصرياً: All New Opel Astra In Egypt (صور, مواصفات, اسعار, مقارنه)...

175 ألف عفريت يركبوهم ... هما مش واخدين بالهم انها أسترا

ليه ما يبقوش محترمين زي محمد نصير الله يرحمه

الكيا السيراتو الجديدة لما نزلت سعرها نفس سعر السيراتو القديمة ونزلو سعر الموديل القديم

وكمان الفلوانس نزلت بنفس أسعار فئات الميجان وقبلها على طول عملو تخفيض على الشكل القديم

باقي الوكلاء مش ناويين يتعلموا ويعرفو ان فيه عربيات فئات أعلى في نفس السعر زي الأوكتافيا ودي أكيييييييييييييييييد أفضل من الأسترا بمراحل حتى لو زودو المواصفات في الاسترا

امال البيه ناوي ينزل الفيكتر الجديدة بكام 250 ألف

المشاركة الأصلية كتبت بواسطة wawoo

[/center]

شكرا مهندس غازى على الموضوع ...السيارة فعلا جميلة ...لكن هو الفتيس اللى نازل دة اوتومتك عادى و لا ايزى ترونك يعنى فية مانويل مود ..

و هى السيارة نزلت بالفعل فى معرض فورمولا اللى فات و كل الناس شافوها ..يمكن الجديد هو تحديد السعر اللى غالى طبعا عشان صناعة الامانية

يا باشا انا شفتها في المعرض الي فات وركبت جواها بس كانت مانيوال وكان لونها فضي كمان والتابلوه تحفة واضاءتة تجنن ودريكسيون وهمي بس مانيوال والسوسته بتاعه المارشيير معموله بنظام تحفة اوي علي شكل زرار تدوس عليه لفوق مش سوستة بس انا اللي حسيته ان صاجها خفيف اوي وكانوا بيقولوا هيسعروها في شهر 7 وقتها بس هي هتكون غالية لما الكورسا 1400 تبدا من 110 ولغاية 150 يبقي الفاضية من الاسترا هتنزل 170 ولغايه 220
دا منصور يا شباب

السلام عليكم،

ما شاء الله على مجهودك في عرض كل مواصفات العربية وعلى العربية الجامدة جداً.

بس أنا فعلاً شايف إن سعرها عالي جداً خصوصاً إن كل المواصفات اللي فيها، تقريباً موجودة في معظم العربيات دلوقتي.، اللي فعلاً حيخلي العربية دي تتباع، هو شكلها الجامد جداً عن الجولف وعن معظم اللي موجود برضو، وعشان ألماني بالكامل والغربال الجديد له رنا.
يعني ممكن بأل من ١٧٥ ألف أجيب فوكاس، برافو وشكلهم جامد جداً برضو وأرخص، أو حتى ممكن ميجان ومليانة مواصفات برضو. في الاول والاخير دي وجهات نظر طبعاً.
أنا بتخنك جداً من التوكيلات اللي بيكتب مصباح ستوب خلفي وحامل أكواب، طب ما كل العربيات باءة فيها كدة يعني.

الف شكر ع اتقرير الجامد دا ياباشا
هوا ليه منصور مش منزلها بفتحه سقف وبدون حساسات ركن ؟؟؟؟؟؟؟!
ع فكره سعرها حلو اوي ع الموااصفات دي
175 الف بسسسسسسسسسسس
الله ينور يا منصور ع الاسعاردي
طب تعالو هنا شوفو سعرها 200 الف جنيه ف الفئه دي وشايفنها رخيصه اوي
ليه يا جماعه بتقولو عليها غااليه طب اركبو العربيه دي وجربوها قولي رايك ايه ف السعر دا
مع انها طلعت الاولى ف فئتها ............!!!

المشاركة الأصلية كتبت بواسطة wawoo

تمام يا بشمهندس و طبعا وجود الاى اس بى مؤثر فى الثبات و خصوصا على الطرق الزلقة ...
واتفقك معاك ان شكلها جميل فعلا وكمان من جوة تصميم المقصورة جميل جدا و عجبنى ..و تجهيزتها االميكانيكية ممتازة ايضا
هى السيارة ممتازة و تليق باسم الجيل الجديد من الاسترا و منافس قوى فى فئتها بلا شك .

التحفظ الوحيد فى رايى هو التوكيل و قدرة على تسوقها بشكل افضل من الجيل السابق .و دة مش متوقع للاسف مع فشلة فى تسويق حتى الشقيقة الصغرى ليها الكورسا الجديدة

لكن هو فعلا النقض الموجة ليها ان سعرها مرتفع حتى فى الخارج و وات كار مدينها 3 نجوم مش عارف لية
ليهم بعض الملاحظات عليها بعد تجربتها عمليا و دة لينك التقيم لو تحب تشوفة ..

Vauxhall Astra Hatchback - Summary - New Car Review - What Car?

بعد كل دا ياباشا ومستغرب ليه مدينها 3 نجوووم اكيد طبعا عشان جربو العربيه دي وعرفوها كويس حضرتك جربها وح تعرف ليه مدينهااااااا جوايز كتيره مش بس 3 نجووووووووم كماان