المرأة التي حلمت برؤيتها !! (وائل عطية)

**TaoTao** · 17-02-2008 11:41 PM

بمناسبة بقى ماما نجوى، كنا في العيد، وخالتي عمالة تبستف في أطفال العائلة من شقاوتهم، وقالتلهم انتو جيل البوكيمون وعالم سمسم، ماشوفتوش ماما نجوى وبقلظ :d
قمت أنا بقى مشاكسةُ ليها قلتلها "طب تقدري تقولي أغنية برنامج صباح الخير؟" قالتلي قول انت يا فالح، رحت اندمجت وبدأت أغني:
"زي الشمس ما مالت على كل الأمامير (جمع أمور بتشديد الميم)
قلنا زي ما قالت قلنا صباح الخير"
وهنا انضمت إلي زوجتي العزيزة وصرنا كورال
"زي فراشة ما لمست وردة بقلب حرير
قلنا زي ما همست قلنا صباح الخير
صباح الخير صباح الخير صباح الخير صباح الخيييييييييييييييييييييي ييير"

وهنا وجدنا نظرة مش قادر افسرها من جميع أفراد العائلة، أظن إنها نظرة تقدير واحترام، مش كدة ولا إيييييييييه :d:d:d
يا جماعة الحاجات دي بجد شكلت جزء كبير من وجداننا وثقافتنا، وانا باكون مبسوط جداً كل مافتكرها.

**وائل عطية** · 18-02-2008 08:56 AM

[quote=TaoTao;170232]
من ساعتها مابقتش أداري ميولي الكارتونية ..
quote]

حلوة قوي ميولي الكارتونية ههههههههههههههههههههههههه
أنا أعرف إن في ميول عدوانية ..ميول عدائية ..ميول عباسية ..لكن كارتونية دي جديدة :):)

**Powert** · 18-02-2008 09:28 AM

واللهي انت ظريف أوي يا استاذ TaoTao
:):)

**TaoTao** · 01-03-2008 07:09 PM

المشاركة الأصلية كتبت بواسطة hefnawy77

بصراحة مش قادر امسك نفسى ... اولا لانى افتكرت الاغنية و اثارت فيه ذكريات جميلة جدا.
ثانيا من التعليق اللى انت كتبته ...مش عارف ليه فضلت اضحك من قلبى ... يمكن تصورت فى مخيلتى رد الفعل بتاعهم و نظرة التقدير و الاحترام..

عن نفسى انا كنت و مازلت بحب كل افلام الكارتون و الانمى و جريندايزر و مازنجر و غيره..
افتكر و انا طفل من شدة تعلقى بمازنجر عملت له ماكيت من الورق المقوى و الملون و فضلت اعدل فى تفاصيل المجسم من رأس و ارجل و اذرع ..
و بعدها بفترة فى معرض الكتاب شفت هناك العاب بلاستيكية صغيرة لشخصيات جى اى جو "لو فاكرينها" ..المهم لقيت انى و صلت بالتعديلات فى المجسم الورقى بتاع مازنجر بتاعى لنفس اللى موجودة فى اللعبة الجاهزة بدون ما شوفها قبل كده.!!
حركة الرأس و حركة الاقدام و الاذرع و مفاصل الجسم ...مكنتش مصدق نفسى ساعتها..!!

بصراحة فرحت جدا ...ايام لذيذة.

طبعا فاكر جي آي جو بس ماكنتش باحب التفرج عليه.
بس موهبتك جميلة أنا أقدر المبدعين والإبداعات الطفولية جدا انت شغال ايه دلوقت؟.

**محمد ابراهيم 1** · 02-03-2008 04:34 PM

وهل الحلم لما تحقق كان جميل ولا ؟

**Noha.M** · 02-03-2008 08:32 PM

انا كمان بموت في الكارتون و بحب اوى توم و جيرى

الست دى برصه كان حلم حياتى اشوفها برضه

بجد ميرسي يا وائل حققت حلمى :)

**modux** · 02-03-2008 08:43 PM

انا كنت بمووت في سنشيروووو و حممارو
و اللي مش فاكرهم

هوا كارتون ياباني و سنشيروا ده ولد باباه عملوا دمية بتحارب ( زي المصارعة )

و الدمية او الاسان الالي اسموا جمارو
اه افتكرت الاغنية

سبشيروا البطل المغوار سنشيروا
احب العلم و تعلم و اخترع دميته جمارو
و راح يحارب من اجل الخير اه اه اه اه اه
و لفعل الخير و يحارب الاشرار
----------------

هههههههههههههه

انا كنت بشوفها في السعودية و انا صغير

حد شافها غيري ؟

**tutankhamoun** · 02-03-2008 08:43 PM

أنا بحب الكرتون جدا
و أشاهده دائما ........... و كان عندي شرائط فيديو لأغلب أفلام توم و جيري :D :D
و النينجا .......... و مازنجر
و بالذات مازنجر ........... لأنه كان له تأثير جامد جدا في حياتي
كنت بعد ما نتفرج عليه أنا وواحد صحبي نقعد نقول ياه لو الأقي المصنع بتاع مازنجر ده اروح أشتري واحد و أنزل على فلسطين أدمر اليهود و نرجع فلسطين تاني

الموضوع قلب جدا
و لكن بمناسبة توم و جيري
تقريبا أنا و مراتي بنحب توم و جيري جدا حتى والدتي بتحبه جدا و كلنا بنقعد نتفرج عليه
و كمان فيه بكار و اللي كويس

**tutankhamoun** · 02-03-2008 08:45 PM

و لا أنسى كرتون عبقرينو و الكلب الكسول و القط المشاكس مشاكس
الكرتون ده يا جماعة بأعشقه جدا

الموضوع: المرأة التي حلمت برؤيتها !! (وائل عطية)

LinkBack

أدوات الموضوع

عرض

-

-

-

-

-

المواضيع المتشابهه

صفات المرأة التي ينجذب لها الرجل

المرأة التي بكى ملك الموت عندما قبض روحها

من الأمور التي يغفل عنها كثير من الناس !! (وائل عطية)

10 نكت !! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة