السفر بالتمبرا و الدروس المستفاده

**hobaz** · 02-06-2010 04:24 PM

حمد الله على السلامة ياباشا والف شكر لنقل التجربة ياباشا.......

**ZALABANY** · 02-06-2010 04:25 PM

المشاركة الأصلية كتبت بواسطة bonanza

الله يسلمك يا محمد بك ، ربنا يسهلك انت كمان و تظبط العربية

بالمناسبة صحيح

انت كنت عامل موضوع عن المدافع اللي كانت بتطلع من شكمان العربية

انا نسيت اقول الموضوع ده

حصل معايا كام مدفع بردو لما ببقي دايس بنزين و ماشي علي سرعة عالية علي 120 مثلا و اجي اريح رجلي من علي البنزين شوية الاقي مدفع من الشكمان

عملت ايه انت في الموضع ده

والله يا أسامه موضوع المدافع قل لوحده لما بقيت يحط بنزين 92 بس من امارات مصر او شل بس كل فتره برده بتضربلها مدفع ولا حاجه وبرده ما اعرفش شببه ايه بس من ساعة ما غيرت الفلتر ونضفت الكاربيراتير وظبط المكنه الدنيا اتظبطت نوعا ما

ياشباب عايزين نعمل موضوع
نقول فيه الصيانات الدورية وقطع الغيار اللي المفروض تتغير في العربية على حسب الكيلومترات اللي مشيتها زي كاتلوجات وجداول صيانة العربيات الجديده مش لازم نستنى لما الحاجه تبوظ عشان نغيرها
امثله على القطع
طرمبة مياه
طرمبة بنزين
طرمبة زيت
بوجيهات
فلاتر
سيور
مقصات
مساعدين
دينامو
كومبريسور تكييف
طرمبة باور
كبالن
وغيره من قطع الغيار
اكيد كل حاجه ليها عمر والافضل اننا نغيرها بعمرها الافتراضي بدل ما تفاجئنا في وقت نتورط فيه ما نعرفش نغيرها

**Bonanza** · 02-06-2010 05:10 PM

المشاركة الأصلية كتبت بواسطة yoko

حمد لله على السلامة وأنا مش عارف حضرتك غامرت المغامرة دي إزاي أنا معملش حركة زي دي بالعربيه إلا لو موديلها جديد يعني مش أقدم من 10 سنين في أسوء الأحوال ولازم أكون مشيك على كل حاجة

الله يسلمك يا يوكو و ياباشا هاتنورنا في المقابلة .. بس ابقي اديني لفة باللينيا بقي ... ربنا يحفظهالك

بس انا مش فاهم ايه المغامرة اللي انا عملتها و حركة ايه اللي متعملهاش الا لو موديل العربية مش اقدم من 10 سنين ؟؟؟؟؟؟؟

**Bonanza** · 02-06-2010 05:12 PM

المشاركة الأصلية كتبت بواسطة hobaz

حمد الله على السلامة ياباشا والف شكر لنقل التجربة ياباشا.......

الله يسلمك يا باشا ... انا بنقل التجربة عشان الافادة .. انا عارف ان كل الناس سافرت

بس بيبقي في تفاصيل كده ممكن تفتح مجال لكلام و تجارب تانية كلنا نتعلم منها

**yoko** · 02-06-2010 05:15 PM

المشاركة الأصلية كتبت بواسطة bonanza

الله يسلمك يا يوكو و ياباشا هاتنورنا في المقابلة .. بس ابقي اديني لفة باللينيا بقي ... ربنا يحفظهالك

بس انا مش فاهم ايه المغامرة اللي انا عملتها و حركة ايه اللي متعملهاش الا لو موديل العربية مش اقدم من 10 سنين ؟؟؟؟؟؟؟

الله يسلمك يا باشا وإعتبر اللينيا بتاعتك
وحركة إني أدب سفريه ٥٠٠كم مرة واحده ومعملتهاش غير مرتين مرة بفورد جراند مرقيس ٩٤ ومرة بباثفيندر ٢٠٠٥ وطبعا المرتين بره مصر
أنا بعتبر الي حضرتك عملته مغامرة وعملتها مرة واحده بال١٢٨ لحد الساحل بس أخدتها في ٥ ساعات عشان الشكمان إتكسر مننا والعربيه سربت زيت وكان يوم ما يعلم بيه إلا ربنا

**heshamzaky** · 03-06-2010 02:54 AM

معلش بس قبل الشراء و التغير برجاء مراحعة مع الميكانيكى للتأكد و بعد كدة توكل على الله و غير براحتك

**semsem_uno** · 03-06-2010 03:52 AM

موضوع جميل والله
و الف حمدا لله عالسلامة يا باشا

**ZALABANY** · 03-06-2010 08:52 AM

أنا امبارح غيرت الماستر العمومي مايلي ب 180 جنيه وكان فيه ايطالي بنفس السعر وكان فيه بوش اصلي ب 300 جنيه
وجبت تيل خلفي بوش ألماني ب 150 جنيه شكله نظيف واكتشفت ان عندي بلي العجل ورا في الناحيه الشمال خشنه وصوتها عالي حد عنده فكره بيتغير البلي ولا البلي والصرة وسعرها حوالي كام
على فكره يا أسامه سألت على الاسطوانة والدسك لقيت عنده الفاليو التركي ب 330 وفي نوع تاني تركي ب 225 وقالي في الايطالي الاصلي ب480 بس هو رشحلي الفاليو التركي قالي ده كويس ومعمر كمان وسألته على النوع اللي الدكتور ضياء جابه قلتله في نوع بحوالي 680 جنيه لأني ماكنتش فاكر اسمه قالي ده برازيلي والفاليو التركي هايبقى كويس زيه بالظبط ده كلام الراجل بالظبط زي ما قالهولي

**Bonanza** · 03-06-2010 10:50 AM

المشاركة الأصلية كتبت بواسطة zalabany

أنا امبارح غيرت الماستر العمومي مايلي ب 180 جنيه وكان فيه ايطالي بنفس السعر وكان فيه بوش اصلي ب 300 جنيه
وجبت تيل خلفي بوش ألماني ب 150 جنيه شكله نظيف واكتشفت ان عندي بلي العجل ورا في الناحيه الشمال خشنه وصوتها عالي حد عنده فكره بيتغير البلي ولا البلي والصرة وسعرها حوالي كام
على فكره يا أسامه سألت على الاسطوانة والدسك لقيت عنده الفاليو التركي ب 330 وفي نوع تاني تركي ب 225 وقالي في الايطالي الاصلي ب480 بس هو رشحلي الفاليو التركي قالي ده كويس ومعمر كمان وسألته على النوع اللي الدكتور ضياء جابه قلتله في نوع بحوالي 680 جنيه لأني ماكنتش فاكر اسمه قالي ده برازيلي والفاليو التركي هايبقى كويس زيه بالظبط ده كلام الراجل بالظبط زي ما قالهولي

مبروك اولا علي الحاجات اللي ركبتها ، انا كمان عاوز اغير الصرة بالبلية للعجلة قدام يمين عشان مسامير ربط العجلة بتطلع و تدخل بالعافية و بتبقي منحوله
و يا باشا كتر الف خيرك علي السؤال
بس بيتهيألي ان الفاليو التركي ده اي كلام ، انا سمعت كده من حد تقريبا هنا في المنتدي بردو بس مش فاكر مين

-

الموضوع: السفر بالتمبرا و الدروس المستفاده

LinkBack

أدوات الموضوع

عرض

-

-

-

-

-

-

المواضيع المتشابهه

الدروس المستفاده فى الغلاسه والرخامه

سلسلة الدروس التعليمية المرئية لساجا - الدرس الثاني ضبط الكاسيت-

تقرير معاينة سيارة مستعملة: الدروس المستفادة والخسائر

الدروس المستفادة من السير في قوافل أثناء الضباب الكثيف

الدروس المستفادة من شرائك لسيارتك ؟؟

الكلمات الدلالية لهذا الموضوع

المفضلات

المفضلات

ضوابط المشاركة