استخدام العربيه بشكل يومي للمسافات القريبه 2-3 كم هل ده مضر بالعربيه

**mahdyez** · 04-06-2010 01:13 AM

المشاركة الأصلية كتبت بواسطة mmamdouh

لو حتسيبها واقفة يبقى كل اسبوع تاخدها مشوار 25 الى 30 كيلو و يفضل طريق سريع... ركنة العربية بدون حركة خالص مش صح برضة

mmamdouh

ايه الاثار المترتبه من ركنه العربيه

**dr.hany** · 04-06-2010 09:01 PM

المشاركة الأصلية كتبت بواسطة MMamdouh

كل المكونات الكاوتش... سيور و اويل سيلات و خلافة... الاجزاء المعدنة بتصاب بالصداء... مية التبريد و الزيت ممكن تركيبهم يتغير بمرور الزمن

الموضوع اشبة بالانسان اللى بيجيلة تيبس فى العضلات نتيجة عدم الحركة

MMamdouh

الف شكر

**rouaame** · 08-06-2010 02:09 PM

من المهم أنك تطلع بالعربية مشوار طويل كل مدة ويستحسن يكون على سرعات عالية

**lobna_yaseen** · 08-06-2010 02:29 PM

أنا برضه عاوزه أعرف هو فيه مشكله من سواقة العربيه مسافات قصيره زى ماصاحب المشاركه سأل لأن أغلب مشاويرى قصيره جدا هل يضر بالسياره مش المهم إنها بتتحرك أحسن من الركنه؟ أرجو التوضيح

**MMamdouh** · 08-06-2010 04:00 PM

السير ببطء و قطع مسافات قصيرة بيطول الفترة اللى المكنة بتشتغل فيها فى وضعية التسخين و دى بيتحرق فيها بنزين كتير اكتر من المطلوب بهدف تسخين المكنة لكن بيبقى ليها نواتج ضارة بتتجمع فى الزيت و تاثر على فاعليتة فى تزييت الموتور و كمان بتتفاعل معاه و تسبب رواسب بتتراكم على مجارى الزيت و مع مرور الوقت ممكن تسدها

عدم السير بالسيارة مسافة كبيرة او بسرعات عالية بيمنع الزيت من الوصول الى درجة حرارة التشغيل الطبيعية اللى بتساعد على تبخير اى كمية من الوقود الغير كامل الاحتراق اللى امتصها الزيت فى فترة التسخين و دة بيبان احيانا لما واحد يقطع مشوار محترم فى سفر مثلا بعد ما كان معظم مشاويرة فى مسافات قليلة و يلاقى الزيت قل بشكل ملحوظ... هو الزيت مقلش... هو بس اتبخر منة كل المواد اللى امتصها قبل كدة و بالتالى ظهر مستوى الزيت الحقيقى

طبعا لو طبقنا الكلام دة على العربيات اللى فى صفحة الاعلانات بتاعت الجرنال و مكتوب تحتها "استخدام طبيب" حنلاقى ان دى اكتر مواتير متبهدلة بالرغم من ان العربية ممكن متكونش ماشية كتير

MMamdouh

**lobna_yaseen** · 09-06-2010 10:24 AM

المشاركة الأصلية كتبت بواسطة mmamdouh

السير ببطء و قطع مسافات قصيرة بيطول الفترة اللى المكنة بتشتغل فيها فى وضعية التسخين و دى بيتحرق فيها بنزين كتير اكتر من المطلوب بهدف تسخين المكنة لكن بيبقى ليها نواتج ضارة بتتجمع فى الزيت و تاثر على فاعليتة فى تزييت الموتور و كمان بتتفاعل معاه و تسبب رواسب بتتراكم على مجارى الزيت و مع مرور الوقت ممكن تسدها

عدم السير بالسيارة مسافة كبيرة او بسرعات عالية بيمنع الزيت من الوصول الى درجة حرارة التشغيل الطبيعية اللى بتساعد على تبخير اى كمية من الوقود الغير كامل الاحتراق اللى امتصها الزيت فى فترة التسخين و دة بيبان احيانا لما واحد يقطع مشوار محترم فى سفر مثلا بعد ما كان معظم مشاويرة فى مسافات قليلة و يلاقى الزيت قل بشكل ملحوظ... هو الزيت مقلش... هو بس اتبخر منة كل المواد اللى امتصها قبل كدة و بالتالى ظهر مستوى الزيت الحقيقى

طبعا لو طبقنا الكلام دة على العربيات اللى فى صفحة الاعلانات بتاعت الجرنال و مكتوب تحتها "استخدام طبيب" حنلاقى ان دى اكتر مواتير متبهدلة بالرغم من ان العربية ممكن متكونش ماشية كتير

mmamdouh

متشكره جدا جدا على توضيح حضرتك وعلى فكره أنا أول مره أعرف حكاية إن كلمة "إستخدام طبيب "دى عيب مش ميزه يعنى الواحد لما يشترى عربيه استخدام طبيب أو سيده يبعد عنها أحسن أو يعمل حسابه على شوية متاعب مع الموتور
والله الواحد ياخد باله بعد كده
أحسن حاجه فى المنتدى ده إن الواحد بيعرف معلومات جديده فى وسط الكلام عمره ماكان هيعرفها لوحده شكرا جزيلا

**مصطفى مغربي** · 09-06-2010 02:03 PM

المشاركة الأصلية كتبت بواسطة lobna_yaseen

أنا برضه عاوزه أعرف هو فيه مشكله من سواقة العربيه مسافات قصيره زى ماصاحب المشاركه سأل لأن أغلب مشاويرى قصيره جدا هل يضر بالسياره مش المهم إنها بتتحرك أحسن من الركنه؟ أرجو التوضيح

و أنا ظروفي متشابهة مع الزميل و يبقى السؤال ( عند هذة الحالة )

كل قد أيه نطلع بالعربية لمشاوير بعيدة بسرعات عالية
(((( أسبوع برضه و لا ممكن اكتر شهر مثلا ))))