اقتباس المشاركة الأصلية كتبت بواسطة hesham_tawfiq مشاهدة المشاركة
السلام عليكم
اسمحلى اختلفمع حضرتك تماماوكليا
انا خريج تجاره عربى دفعه 99 وكمان سقطت سنه رابعه ( يعنى كان المفروض اتخرج 98 ) وتقديرى مقبول واول مره فى حياتى اقعد على جهاز كمبيوتر كان لما اشتغلت
ايه رايك فى كل دا ؟
حاليا والحمد لله اشتغلت فى شركه كبيره ومعروفه من سنة تخرجى واشتغلت فى تخصصى وبقبض ولله الحمد مرتب محترم جدا وكل دا بدون اى وسايط يعنى اشتغلت باعلان فالجورنال وقدمت وامتحنت ونجحت
حكاية الواسطه دى مش موجوده فى شركات القطاع الخاص والاجنبيه لسبب بسيط جدا لان صاحب العمل يهمه المكسب على راس ماله فقط لاغير يعنى مش هيجامل حد على حساب مصلحته ويشغلواحد غير مؤهل بالواسطه
هتسألنى ازاى داكلله حصل هقوللك اولاطبعا من فضل الله عليا وثانيا بئه فيه حاجات كتير الشباب حاليا مبياخدش باله منها
كلية التجاره مثلا بتخرج كل سنه عشرات الالاف من المحاسبين وكللهم بياخدوالاسطوانه اللى كللنا حفظناها فاول سنه كليه ( خد كورسات كمبيوتر وانجلش وانت تبئى زى الفل ) الكورسات دى مش كفايه للاسف لان فيه حاجه زى مثلا learning curve بتاع كل بنى ادم انما مش اخش اى مقابله شخصيه ارص كل الكلام اللى حفظته كأنى جهاز كاسيت من غير حتى ما اكون فاهمه معظم الناس اللى كانودفعتى وكان يطلق عليهم متفوقين ومتخرجين بتقديرات عاليه اشتغلو فالحكومه وشركات قطاع عام
فيه حاجه اسمها interpersonal skills ومهارات الاتصال الفعال
فيه حاجه ان كل الشركات الكبيره دلوئتى شغاله بسستم غالبا هيكون erp الناس بتتخرج من الكليه متعرفش عنه حاجه
فيه ان كل واحد لازم يعرف يبيع نفسه للى يشغله ازاى عشان يفوز بالوظيفه اللى هو عاوزها
للاسف انا عملت انترفيوهات كتير لناس عشان تشتغل معايا كانت النتيجه صادمه ليا

السؤال اللى لازم كل واحد يسأله لنفسه انا عاوز اشتغل فى ايه وايه المؤهلات الحقيقيه للوظيفه دى وحط تحت كلمة الحقيقيه دى ماتشاء من الخطوط
حضرتك لازم تختلف معايا لانك اشتغلت اول ما اتخرجت فلم يتسنى لك معرفه الواقع الحقيقي الاليم
ولم تحتك بتجارب اشخاص في دائره حياتك اليوميه اقولك مثال صغير من حوالي اسبوع او اتنين
في خبر على مصراوي كان في تجمهر او اعتصام او وقفه حاجه كده من المتقدمين لشغل وظائف في وزاره العدل والمحاكم علشان محدش بعتلهم انهم اتقبلوا لعمل مقابله شخصيه معهم وهما عرفوا بالصدفه من موقع علي النت بس بعد مكان الميعاد فات ليه علشان في ناس تانيه مقبولين مسبقا . ده مش كلامي ده كلام موقع مصراوي . كمان في اعلانات بتنزل في اهرام الجمعه بيكونوا مغيرين حرف او نقطه في الميل علشان يبقى غلط والميل الحقيقي معروف لناس معينه وبكده يكونوا استوفوا الشروط القانونيه االاعلان في جريده قوميه بس طبعا الي حيتقبلوا معرفين مسبفاوالميل الحقيقي للحبايب بس
حضرتك بتسمع علي الشباب الي بينتحر علشان ظروفوا الماديه ومش لاقى شغل
الشباب الي بيموت في قوارب الهجره غير الشرعيه و الي واقفين طوابير قدام السفارات

انا ممكن اقولك عن تجارب شخصيه او لاناس من واقع الحياه المصريه بس ممكن الدموع تفر من عينك قصص مليانه ظلم وافترا ووسايط ناس علي حساب ناس وفساد بس ممكن اتوقف اسبوع ولا اتنين
ورغم قله مشاركاتي الا انني عضو قديم في نايل موتورز ولا عمري اتوقفت ولا حد كتبلي بالاحمر

فمفيش داعي اتوقف علي اخر الزمن