الموضوع: كارثه حقيقيه فعلا فى البلد

يا جماعه انا قولت اشركوا معايا فى محنتى لأن انتوا زى اخواتى الكبار انا جدى جاله جلطه فى المخ من حوالى سنه كده وللأسف حالته كل يوم بتدهور زياده وانهارده حالته بقت سيئه جدا جدا جدا التنفس بطىء رأسه مدلدله كده مش واعى خالص بالى حواليه بيرجع ماء المهم جبناله دكتور و حاول يركبله انبوبة اكسيجين على اساس انه يظبط التنفس و كده المهم لقى الموضوع ده مش جايب نتيجه قلنا ان احنا المفروض ننقله العنايه المركزه فالإجراء الطبيعى ان احنا نتصل بالاسعاف علشان ييجوا اتصالنا بالأسعاف تصوروا كان ردهم ايهقالولنا انتوا بتهرجوا و قفلوا السكه فى وشنا اتصلنا بيهم تانى برضه نفس الموضوع اتكرر و قفلوا السكه فى وشناودلوقتى خالى راح يجيب الاسعاف بنفسه يعنى انا عمرى ما اعترضت على اى حاجه فى البلد و كل ما تحصل حاجه اقول سايس امورك بكره الدنيا هتبقى حلوه انما الموضوع يوصل لحد الاستهتار ده يبقى فعلا حرام
حرام انى لما الاقى حياة بنى ادم بتروح قدامى و اقول دول بيهرجوا ما اعتقدش ان فيه حد ممكن يهرج فى مواضيع زى ديه انا خلاص يا جماعه بعد كد مش هسايس امورى انا اساسا هستحمل لحد ما اخلص جامعه و اهاجر انما قعاد هنا لأ رجوع هنا تانى لأ معلش يا جماعه انا دوشتكوا معايا بس قولت اكتب الموضوع د ليكوا علشان اذا حد بعد كده احتاج الاسعاف ما يبقاش يحط امل كبير عليهم و على رأى كريم منير رايحه على فين يا بلد بس انا خلاص اكتشفت يا كريم هى راحت فين