الموضوع: تسقيط مكنة قوية فى كريستالة ((هااام للى بيفكر يسقط))

بسم الله الرحمن الرحيم

انا هحكيلكم حكايتى مع التسقيط ويارب افيد اللى بيفكر يسقط

اولا انا معايا كرستالة 98 1300 cc طبعا العربية جميلة وبيبان فيها التظبيط علشان كدة انا فكرت انى اسقطلها مكنة قوية تستحمل اللى بعملو فيها لان المكنة اللى فيها اتفرمت منى فرك وجرى ومشاء الله مكنتش بتشتكى ودى ميزة اليابانى

فكرت فى كذا مكنة

الفكرة الاولى
انا فكرت فى المكنة 1500 ال2 كامة ..هى سعرها تقريبا 2000 جنية بضفيرتها وكرتتها من غير جير بوكس........ورايى انها مكنة قوية بس فى السرعات الاولى وبرضو مش القوة اللى انت عاوزها تظبط بيها الطريق.. ودة رايى نتيجة ان واحد صاحبى مسقط المكنة دى

الفكرة التانية
المكنة 1600 كامة واحدة ....كانت موديل 2002 كانت عاملة 3000 من غير جير بوكس وبكل حاجاتها طبعا ...وكانت ميزتها ان قطع غيارها متوفرة اوى غير 1500 (استعمال خارج) واستهلاكها فى البنزين موفر نسبيا .... بس برضو مش القوة المطلوبة (بمعنى انك لما تسقط تسقط مكنة مش ماتور فى كل العربيات) دة رايى الشخصى يعنى

التالتة
المايفك 1600 ...كانت عاملة 6500 جنية بكل حاجتها(ضفيرة وكارتة وجير بوكس وعفشتها الاسبور امامى وخلفى )وهى فعلا مكنة اقل كلام عليها انها جباااااااااااااااارة 175 حصان يعنى مفيش كلام

المهم فشلت الفكرة لعدة اسباب منها ان لسة فية مصاريف كتير هتتصرف وكانت الفلوس مش هتكفى


الرابعة
المايفك 2400...بصراحة قعدت احسبها لقيت انها 165 حصان بس بعزم اقوى يعنى مفرقتش كتير عن المايفك 1600 المهم الفكرة فشلت برضو علشان الفلوس


الخامسة
1800 gdi كامتين وبتطلع 135 حصان وعلشان صعب اووووى تلاقيلها قطع غيار لانها نادرة اوى فكبرت دماغى

السادسة والسابعة

انا بعد انا الصراحة تعبت اوى من التدوير على المكن المناسب المهم لاقيت المكنتين دول 1800 كامة واحدة 120 حصان وال 2000 كامة واحدة 130 حصان المهم كانت مشكلتهم انهم كانو جير بوكس اوتو ماتيك وانا عاوز مانيوال مينفعش يركبو عندى علشان الفلان بتاع الجير بتاعى 5 مسمار والمكنتين دول 7 مسمار المهم
لاقيت واحد ابن حلال قاللى ممكن الفلان دة يتعدل عند الخراط ويبقى 7 مسمار فالمشكلة كدة اتحلت
ال1800 بسعر 2000
فقررت اجيب ال 2000 سى سى كانت بتاعت لانسر 2003 وعملت 2500 جنية بضفيرة المكنة وكرتتها والضفيرة بتاعت التابلوة ......وركبت الجير بتاعى
والحمد لله بعد عناء وتعب كبير ريحت دماغى وتوصلت لمعادلة كانت صعبة انى الاقى قوة بسعر قليل ...


معلومات للافادة

غيرت التنك بالطرمبة جبت بتاع المكنة 400 جنية
دراعات النور بدلتها ببتاعتى ودفعت 200 جنية
كارتة الريداتير 250 جنية
...استهلاك البنزين فى المشى الطبيعى حلو قوى بعيد عن اوقات الحرق
ممكن لعبة صغيرة فى المرور وتسبتها 1600 cc وتريح دماغك





ودى صورة لماتور اخو اللى مركبو عندى 4g94





كل اللى انا قلتو دة رايى الشخصى مش اكتر وكل واحد على حسب دماغو
وانا تحت امركو فى اى استفسار