الموضوع: دليل مشتري اللوجان

بجد موضوع جامد واحييك على اسلوب تفكيرك وعلى تفاعلك...........

فعلا فكرة ممتازة هتفيد كل الي بيفكر يشترى اللوجان و عاوز يعرف عنها كل حاجة
الله المستعان

كلام جميل وانا هبتدى


أفضل مكان تشترى منه التوكيل طبعا ومحمد ذكى دول فى القاهرة وفى اسكندرية الناس بتقول الطارق مع انى مش مقتنع لأنى شمعت عن مشاكل هناك فكده احنا بنقول فى الحالتين التوكيل



ساعة الإستلام هتشيك على العربية كلها جسم العربية مفيهوش خدش مستوى السوائل مظبوطة ولا لأ تتأكد ان فيه جنط وكوريك و وش الكاسيت والساماعات سليمة والبيبان كلها سلية واللوك بتاعها شغال و العدادت كلها مظبوطة وكل الأنوار شغالة تمام ولا لأ و الفرش بتاع الكراسى سليم ولا لأ وتتأكد ان فيه 3 كتالوجات والتكيف تمام ولا فيه مشكلة وهكذا دول اللى فاكرهم دلوقتى بس كان فيه فايل هنا هحاول ادور عليه فيه الحاجات ديه بالتفصيل وبعد متستلم العربية تروح تظبط الكاوتشات عشان الضغط فيهم بيكون زياده





هنا فيه اختلاف كبير بين الملاك بس مش لوجان بس لأ كل العربيات الكتالوج بيقول متعديش 3ونص ار بى ام او 135 على ما اذكر

وطريقة التلين اللى انا مجربها فى كا عربية وناس مجرباها انى هقرص على الموتور عشان يتفتح صح فلو مش فارق معاك الجرى كده كده خليك فى الأمان و متعديش 3 ونص ار بى ام وخلاص



عضة الفتيس ( بريك بيركب فى التوكيل ) - عازل ( برده بيركب فى التوكيل ) - التكيف ( بيقللوله فريون فى 10 دقايق فى التوكيل ) مفيش اى حاجه تانى فى دماغى



فرع العبور والمقطم ولو فى فرع المقطم فيه مدير خدمة العملاء راجل محترم جدا اسمه المهندس عمر ابو الفتوح ولو عندك اى مشكله أتأكد انه هيحلهالك ورقم تليفونه 0199916155 والإيمال cs.auto@eim-eg.com ومدير الفرع المهندس حسام شهاب فعلا ناس محترمة جدا ومعتقدش انك هتحتاج تروحلهم ان شاء الله لأن مش هيكون فيه مشاكل ومهندس الإستقبال انا بتعامل معاه مهندس عمرو سلامة قله انك من نايل موتورز

المشاركة الأصلية كتبت بواسطة dviper

[/center]
طيب بيبقي كام كيلو
أنا سمعت أول 3000 كيلو

وسمعت أنا في ناس مش بتعدي الأر بي أم في أول 3000 وبعد كده بتقرص علي الماتور علشان يفتح بعد التليين

هل ده صح ولا أيه ؟

وبالنسبة لمستوي السوائل ممكن توضيح وكمان ضغط الإطار

معلش أصل انا مهندس بترول

ودايما في المواقع في الصحرا كنا بنرمي العربية ونرجع نلاقيها متظبطة وكله تمام

يعني بسوق بس

المفروض اول الف كيلو ( بس برده انا مش مقتنع )

مش هيتفتح زى مهيتفتح فى فترة التلين

ضغط الإطارات انك هتروح تظبط الضغط قدام على 29 وورا على 32 فى اى بنزينة

والسوائل تشوف المياه قد إيه والفرامل والباور كل دول المفروض بيكونوا بين علامتين المينيمم والماكسيميم نفس الكلام على مستوى الزيت

المشاركة الأصلية كتبت بواسطة bishoy02010

ك عازل ( برده بيركب فى التوكيل ) - التكيف ( بيقللوله فريون فى 10 دقايق فى التوكيل )

كنت يوم الأحد اللى فات فى المقطم علشان العربية كانت متبرجلة لما بشغل التكييف ، وعلشان اركب العازل ..
وفعلاً تم تركيب العازل وظبطوا التكييف بحيث لما باسوق وانا مشغل التكييف العربية بتبقى طبيعية بس حاسس ان مستوى تبريد الهوا قل كتير والتكييف مابقاش فعال زى الأول .. هما كده بقه قللوا الفريون؟

المشاركة الأصلية كتبت بواسطة best2010

كنت يوم الأحد اللى فات فى المقطم علشان العربية كانت متبرجلة لما بشغل التكييف ، وعلشان اركب العازل ..
وفعلاً تم تركيب العازل وظبطوا التكييف بحيث لما باسوق وانا مشغل التكييف العربية بتبقى طبيعية بس حاسس ان مستوى تبريد الهوا قل كتير والتكييف مابقاش فعال زى الأول .. هما كده بقه قللوا الفريون؟

أيوة قللوا الفيريون بس شوية وهيتظبط تانى لوحده