بوجيهات السيريون

**aliabutaleb** · 09-06-2010 07:31 PM

المشاركة الأصلية كتبت بواسطة motorizer

طب عايزين نعرف الغلط فين عشان انا زعلان بجد عالسيريون الرشيقة تبقي مكتومة و بتشحر كدة
انا متأكد إنها حاجة تحت الكبوت .. غيرت بنزينات و حطيت منظف رشاشات و عملت كل الحوارات و برضه مفيش.

ده إلي جانب إن إستهلاك البنزين زي ماهو لا زاد ولا نقص و لو إتغير يبقي أقرب لأنه زاد!
مع إن انا عامل صيانة 40 لسة يا جدعان و عند 50 كمان!!

انا شخصياً شاكك في البوجيهات
الحاجات التانية اللي اتغيرت مفترض إنه تفوّق العربية مش العكس
حتى لو افترضنا إن روايتهم صحيحة إن البوجيهات بتاعتي ستاندرد هما حطوا الـ ngk وواضح جداً إن الاستاندرد الدينسو غير الاستاندرد ال ngk

**MoToRiZeR** · 09-06-2010 07:36 PM

طب نعمل إيه دلوقت :d

**bmya** · 09-06-2010 09:09 PM

ايوه بس في فرق يا جماعه
محمود انت عربيتك xl يعني بوجيهاتك كده كده استاندرد يعني المفروض متحسش بفارق
ابو حمزه عربيته glx المفروض بوجيهاته بلاتيينيوم يعني لو غير استنادرد هيحس بفرق

بس كده بقه بانت الفوله

الوكيل بقه عايز يوفرر وبقه بيغير كله ستاندرد ويحوط الفارق في كرشه (والله اعلم) بس الواحد هنا بقه يفترض السئ فالاسوء

مش عارف المفروض نعرف منين بقه

**MoToRiZeR** · 09-06-2010 10:33 PM

يا شريف منا المفروض محسش بفرق بس انا كمان حاسس العربية خشنة و مكتومة!

**aliabutaleb** · 10-06-2010 08:50 AM

أظن جوهر المشكلة يا شباب إن البديل ngk اللي بيحطه التوكيل أقل في الأداء عن الدينسو الأصلي
حتى لو كان بيحط بديل ستاندرد للأصلي الاستاندرد
ده طبعاً بفرض إن المشكلة من البوجيهات مش من حاجة تانية بتتعمل بالغلط في صيانة الأربعين ألف
جهل يعني
وطبعاً هما لهم في الجهل سوابق، فاكرين طبعاً مشكلة كمية الزيت والباور الزيت بتاع السيريون، يعني سوابق ما يعلم بيها إلا ربنا
وكمان إنهم مش مقتنعين بالمشكلة
ناهيك عن سوء المعاملة اللي بتخليهم يسيبوا عميل غاضب يمشي من غير ما حتى يعرضوا يحاولوا تشخيص مشكلة عربيته

**aliabutaleb** · 10-06-2010 08:52 AM

المشاركة الأصلية كتبت بواسطة bmya

الوكيل بقه عايز يوفرر وبقه بيغير كله ستاندرد ويحوط الفارق في كرشه (والله اعلم) بس الواحد هنا بقه يفترض السئ فالاسوء

هي أكيد مش مسالة توفير
هما مش خسرانين حاجة خالص
لما يحط البلاتينيوم أو الليزر أيريديوم هو كدة كدة محملها للعميل
وكمان هو بيحط ستاندرد وبيحسابك على تمنها ستاندرد مش مثلاً بيدفعك تمن ليزر أيريديوم
دي في رأيي مش سرقة
سميها استسهال، أو جهل زي ما قلت قبل كدة، سميها زي ما تسميها إنما هي مش سرقة، خلينا نقول اللي لينا واللي علينا

**أبو عبدالله** · 10-06-2010 09:37 AM

يا جماعه براحه
هو ليه احنا لما نلاقي حاجه مش مفهومة نروح نرمي اتهامات عالطول
الموضوع بسيط
انت تعرف حقك فين وتاخده بمزاجهم او مش بمزاجهم المهم تعرف حقك علشان تعرف تتكلم به
زي ما انا وضحت من قبل

موديلات 2006 و 2007 كلها glx , gl , xl :
بتنزل ببوجيهات ليزر ايريدوم ماركة ngk

موديلات 2008 و 2009 كلها بتنزل ببوجيهات denso :
ولكن
.... Glx بتنزل ببوجيهات ليزر ايريدوم او بلاتينيوم مش فاكر انهي واحده بصراحه
والمفروض لما تتغير تتغير بنفس البوجيه

.... Gl , xl بتنزل ببوجيهات دينسو ولكن عادية والبوجيه الواحد بــ 40 جنيه

خلاص دي القصة كلها .

المشكلة دلوقتي في انهم يحطوا للعربيات اللي كان راكب فيها ليزر ايريدوم يحطلهم بوجيهات عاديه
هيا دي المشكلة علشان منتفرعشي لكلام مالوش لازمة
ويا حاج شريف هما بياخدو تمن البوجيه الحقيقي
مش بيحاسبوك على ليزر ويركبولك بوجيه عادي الموضوع مش للدرجة دي شركة برضه ولها نظام مش محل بقاله مع احترامي لكلامك ولكن مبحبش نخرج عن الحيادية
هما غلطوا نتكلم في غلطهم الواضح لنا مش هنفتري ونشكك في ذمتهم لأن اولا دي مؤسسة مش محل يعني فيه نظام ماشي والموظف اللي انت بتتعامل معاه مش صاحب التوكيل علشان يقرر انه يسرق بورق مسجل يدينه والموضوع بيعدي على اكتر من موظف فالموضوع مش للدرجة دي

سؤال لأبو حمزة مهم جدا :::

فين البوجيهات اللي خرجوها من عربيتك
لأن المفروض انك بتاخد البوجيهات اللي اتغيرت
فين هيا وياريت لو هيا معاك تصورهالي وتحط صورتها

وفي انتظار ردك ان شاء الله

**aliabutaleb** · 10-06-2010 10:33 AM

المشاركة الأصلية كتبت بواسطة أبو عبدالله

سؤال لأبو حمزة مهم جدا :::

فين البوجيهات اللي خرجوها من عربيتك
لأن المفروض انك بتاخد البوجيهات اللي اتغيرت
فين هيا وياريت لو هيا معاك تصورهالي وتحط صورتها

وفي انتظار ردك ان شاء الله

باتفق معاك يابو عبد الله في إنها مش سرقة طبعاً

هاصور البوجيهات بكرة إن شاء الله
بس لغاية ما أصورها الموديل بتاعها هو (Denso XU22PR9)
دورت على صورة لها على النت بس ملقيتش

على فكرة انا بافكر أركبها تاني يا بو عبد الله
إيه رأيك؟

**أبو عبدالله** · 10-06-2010 12:10 PM

ابو حمزة لو البوجيهات اللي طالعه من العربية زي اللي في الصورة دي يبقى ليزر ايريدويم

وممكن تركبها تاني بس تحاول تنظفها بفرشة حديد علشان تزيل اثار الحرق عليها
وهتشتغل تمام ان شاء الله
بس برضه انت لك حق في التوكيل وانا رايي تروح تاخده

-

الموضوع: بوجيهات السيريون

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

عايز اغير بوجيهات السيريون اجيب نوع ايه و منين و عادى ولا ايريديوم

بوجيهات السيراتو 2008 وكمان بوجيهات البيكانتو ...رجاء المساعدة

بوجيهات NGK platinum وسلوك بوجيهات سبليت فاير

غيرت رشاشات وغيرت بوجيهات وسلوك بوجيهات وبرضة لسة بتأخر في الدوارة؟؟؟؟

يا ملاك السيريون و خبراء السيريون

الكلمات الدلالية لهذا الموضوع

المفضلات

المفضلات

ضوابط المشاركة