الموضوع: بوجيهات السيريون

اسف زي دي


وبعدين يا ابو حمزة انت عاوز دليل على ايه
البوجيهات اللي خرجت من عربيتك معاك
هو حط زيها ولا لأ
لو حط زيها يبقى جزاه الله كل خير
لو محطش زيها فهو بكده بيغير في اداء العربيه على حسابك انت
هو المفروض لو هيجط بديل يحط نفس النوع والتصميم
يعني لو ليزر ايريديوم يبقى يحط زيه
اما مش يحط بوجيه عادي وينزل اداء العربيه ويزود استهلاك البنزين ويقلل العمر الأفتراضي لك
كل ده مينفعشي يعمله بمزاجه الا لو انت وافقتك وهو كان اقترح عليك كده

ايه يا شريف انت زعلت ولا ايه
اصل الكلام كان هيكبر اكتر من كلامك معلش

ايوه العربيات العاديه ممكن تركب الأيريديوم عادي بس بالارقام
وفعلا البوجيهات العاديه بعد فتره حرقها بيبقى مش مظبوط زي الأيرديوم ولا حتى استهلاك البنزين والأداء كمان
بس ده بيبان في فترة الأستهلاك وليس وهيا جديده
الفكره كلها ان الليزر ايريديوم حرقها ثابت بدقه عاليه عن العاديه
وبالتالي ده بيخلي الاداء ثابت والأستهلاك ثابت عن العادية
لأن العاديه بتتأثر بالحرق بعد فتره والفجوة بتاعتها بتكبر وبتبقى الشرارة بتاعتها مش ثابته زي الليزر ايرديوم

شوف الفيديو ده في الدقيقة 2.40

[youtube]http://www.youtube.com/watch?v=aZy0Op0JvC0&feature=related[/youtube]

أهي الصورة يا بو عبد الله

المشاركة الأصلية كتبت بواسطة bmya

انا مزعلتش انا اتضايقت بس اصل انتم حسستوني ان انا بتبلى عليهم مثلا وانا زي ما قلت مختش بالي من الكلام اوي فحسبتهم حسبوه على الليزر وغيروهم عاديه
بس هما مش شايفين شغلهم صح برده وكمان مش عايزين يقتنعوا انهم غلطانين
طيب انا لو حبيت اجيب البوجيهات البلاتنيوم او الليزر ارديدوم مين فيهم افضل واي موديل يناسب الموتور عندي عشان انا ناوي اغير البوجيهات كمان شويه وهشتريهم انا من بره
وهل البوجيهات الليزر او البلاتينيوم بتحتاج برده السن بتاعها يتظبط لكل عربيه ولا هو بيركب وخلاص

شريف دي مشاركة ليا في موضوع سابق كنت كاتب البوجيهات الموصى بها في الكتالوج ولكن ده كتالوج 2006 و 2007 اما كتالوجات 2008 و 2009 ممكن انت بقه تنقلنا الأرقام اللي مكتوبة عندك في جدول الصيانة في الكتالوج بتاعك

المشاركة الأصلية كتبت بواسطة أبو عبدالله

موديلات البوجيهات الموصي بها في الكتالوج للسيريون هيا :

ماركة Ngk :
- Ifr6j11
- Ilfr6c11
-ilfr5c11

ماركة Denso :
- Svk20rz11
- Sk20hr11
-k20hr-u11
-sk16hr11

المشاركة الأصلية كتبت بواسطة أبو حمزة

أهي الصورة يا بو عبد الله

يا ابو حمزة دي بوجيهات عاديه فعلا
مش ليزر ايريديوم
يبقى كده موديلات 2008 و 2009 نازله كلها بوجيهات عاديه بس عاوزين حد معاه glx 1.5 يأكدلنا برضه علشان نتأكد ان كل الموديلات كده بتاعت 2008 و 2009

المشاركة الأصلية كتبت بواسطة أبو عبدالله

يا ابو حمزة دي بوجيهات عاديه فعلا
مش ليزر ايريديوم

زي ما توقعت فعلاً
كويس أوي مختلفناش
يبقى عندنا 3 مشاكل
الأولى هي ان اللي ركبت أقل في الكفاءة من اللي موجودة فعلاً (ده بفرض إن المشاكل اللي ظهرت بعد الصيانة كانت بسبب البوجيهات)
والدليل إن البوجيهات اللي في العربية قعدت 40 ألف كيلو (بالتحديد 47 ألف في حالتي) واللي اتحطت مكانها مفترض تقعد 20 ألف فقط
ثانياً عدم قيام التوكيل بواجبه في حتى محاولة حل الشكوى وتشخيص العيب
ثالثاُ خطأ التوكيل- وده شئ معتاد منهم- في ذكر معلومة إن الـ 1300 glx اللي راكب فيها بوجيهات غير الاستاندرد، وهي المعلومة اللي جميعنا هنا تداولناها على لسانهم والحمد لله طلعت خاطئة

عرفت بقى انا كنت بادور على شئ موثق ومكتوب ليه؟