تجربتي مع شراء وتعمير الـ127 .. لحظه بلحظه

**Ahmad_Nawwara** · 23-03-2008 12:01 AM

الحمد لله وفقني الله في العثور على سياره 127 بعد بحث وسؤال ولف ودوخه .. وكان بصحبتي سمكري وعفشجي وميانيكي .. هتسألوني ازاي لقيتهم وخدتهم بسهوله كده ؟؟؟ . الحقيقه همه جيران لي في المنطقه وعلى مااعتقد بيحترموني ويعزوني شويه لأني أعاملهم بكل ذوق واحترام في الراحه والجايه وخدمت اولادهم في المدرسه اللي انا باعمل فيها .. المهم .ز قالوا لي السياره كويسه دواخل وسليمه والحمد لله ومافيهاش لعب ولا لحام ونمر كارتير .. بس الماكينه محتاجه عمره وده لايعيب العربيه ..
اتفقنا مع البائع وبعد الفصال تم الشراء والحمد لله ..
بعد كده ذهبت للتسجيل وسجلنا .. بس لم اوقع كمشتري وانتظرت حتى ميعاد فحصها وتجديد الرخصه لنقل الملكيه ..وبعدين أخذت السياره ورحت للميكانيكي وكانت المره الأولى التي أشعر فيها بقيمة هذه المهنه وعظمة من يعملون فيها .. بجد حاجه تثير الأحترام للناس دول .. فتحنا الكبوت وشد وارفع ياعم الماكينه ( طبعا بعد فك كل أجزاء السياره) وتم الرفع ثم فك الماكينه حته حته ومسمار مسمار .. منظر مخيف أصابني بالرعب .. سألت نفسي .. ياترى هيعرف يرجعها زي ماكانت ؟؟؟
بدأنا نسجل بالورقه والقلم ماسنحتاجه .. طقم بستم .. طقم شنابر .. فلاتر زيت وهوا .. كوع مياه .. بلية دبرياج .. قاعده ماكينه .. جوانات مختلفه ... الخ .. الخ ..
وبعدين رحنا لورشة الخراطه علشان نظبط البستم مع الماكينه مع الشنابر .. وقعدنا ييجي اربع ساعات لغاية انتهاء المهمه .. تكلفت هذه العمليه ( شراء القطع والخراطه )900 جنيه بالتمام والكمال .. رجعنا للورشه وغسلنا الماكينه والأجزاء بالجاز والبنزين غسيل محترم .. وغسلنا السياره برضه بنفس الطريقه .. وبعدها جلست اشاهد عملية ارجاع الحال لما كان عليه وتظبيط كل حاجه في مكانها .. مواااااااااااال
بصراحه احنا عندنا في مصر عباقره .. بعد حوالي خمس ساعات تخللهم شرب الشاي والعشاء تم التجميع والحمد لله .. ثم تسقيط الماكينه في السياره مره أخرى ..
وجاءت المهمه الأخيره والأهم وهي تجربة السياره وتليينها والتي ستستمر ليومين ان شاء الله .. وانا الآن في انتظار النتيجه وعلى احر من الجمر لرؤية عزيزه اللذيذه في ثوبها نصف الجديد .. في انتظار الجزء الثاني من عملية النيو لوك .. ألا وهي السمكره والدهان ... ان شاء الله سأخبركم بالتطورات تباعا

ملحوظه : الموضوع ده اتعمل على مدار يومين .. بس حبيت احكيه بهذه التسلسل علشان نقدر نلم الموضوع دون ملل

**ahmedsrs** · 23-03-2008 12:05 AM

الف مبروك هى عربية اكثر من رائعة عن تجربة

**Ahmad_Nawwara** · 23-03-2008 12:08 AM

الله يبارك فيك .. الحقيقه شعرت من خلال الساعات القليله التي قدت فيها السياره قبل ذهابها لأجراء العمليه الجراحيه انها سياره مناسبة جدا لنا نحن المصريون في حالتنا الأقتصاديه الراهنه وظروف المرور وحالة الشوارع الموجوده عندنا

**Karim_Monir** · 23-03-2008 12:44 AM

مبروك يابوحميد
بس هيا مش كان لونها احمر
ايه اللي خلاها ابيض تاني
وبالراحة في التللين بعد العمرة
في تللين واقف وده بيتحرق فيه صفحتين بنزين على الواقف
وفيه تليين ماشيى وده لمدة 1000 كم تمشي بالراحة بدون قرص ولا وزن زيادة
ربنا يباركلك فيها

**Karim_Monir** · 23-03-2008 12:45 AM

اه صحيح
بلاش سمكرة دلوقتي
خليها شوية لما تاخد العين عشان ما تاخدش عين جامدة

**aliabutaleb** · 23-03-2008 06:08 AM

المشاركة الأصلية كتبت بواسطة anawwara

قالوا لي السياره كويسه دواخل وسليمه والحمد لله ومافيهاش لعب ولا لحام ونمر كارتير .. بس الماكينه محتاجه عمره وده لايعيب العربيه ..

ملحوظه : الموضوع ده اتعمل على مدار يومين .. بس حبيت احكيه بهذه التسلسل علشان نقدر نلم الموضوع دون ملل

ربنا يبارك لك فيها يارب
ماشاء الله لا قوة الا بالله
الفترة اللي أخدها في العربية توضح إن الميكانيكي بتاعك واضح إنه بيعزك فعلاً :)
انا فاكر إني عملتها في شهر شفت فيهم الأمرين :D

بالمناسبة أنا نفسي أعرف يعني ايه نمرة كارتيرة؟
دايماً باشوفها في اعلانات بيع ال 127 ونفسي اعرف يعني ايه؟

**OlaOsman** · 23-03-2008 06:16 AM

الف مبروك عليك ال 127 :)

انا عن نفسي أخدت ال 127 و ما حطتش فيها مسمار.. باتعلم عليها السواقة زي ما هي.. هو انا ناقصة كمان افكر في سمكرتها و عفشتها؟ خليني اركز في السواقة بس احسن انا متشحورة :(

**Nader** · 23-03-2008 06:31 AM

المشاركة الأصلية كتبت بواسطة AboRoqaiaa

بالمناسبة أنا نفسي أعرف يعني ايه نمرة كارتيرة؟
دايماً باشوفها في اعلانات بيع ال 127 ونفسي اعرف يعني ايه؟

دة بيبقى رقم الشاسي بيكون في الجنب اليمين

من حوض العربية. من كتر الرش او المعجنة الرقم

دة بيتطمس فينقلوة بمعرفة المرور طبعاً.

بس في العربيات الحديثة غيروا مكان رقم

الشاسية من الكارتيرة لتحت البربريز.

-

الموضوع: تجربتي مع شراء وتعمير الـ127 .. لحظه بلحظه

LinkBack

أدوات الموضوع

عرض

تجربتي مع شراء وتعمير الـ127 .. لحظه بلحظه - انشر الموضوع فى :

-

-

-

-

-

-

المواضيع المتشابهه

تجربتي في شراء فلتر K&N من Amazon

تجربتي في شراء سيارة ابيزا 94

تجربتي في شراء وتركيب طقم مساعدين لسيارتي

تجربتي في شراء 318i

الكلمات الدلالية لهذا الموضوع

المفضلات

المفضلات

ضوابط المشاركة