الموضوع: يا ريتني ما رحت القاهره

المشاركة الأصلية كتبت بواسطة kemoelord

ايه الشغل الجامد ده خريطه وتفاصيل عن المكان شغل كاس عالم ده ههههههههههههههه وشوية وهتقوليلي القوات هتنزل على الحدود وفيلم الطريق الى ايلات يشتغل ههههههههههه
بجد الف شكر ليكي , طيب على كده انا لو سافرت الغردقه هل هلاقيها قبل ما ادخل الغردقه ولا دي طريق وراس غارب دي ليها طريق تاني ؟

* وعقبال لما ربنا يوفقك في باقي الامتحانات زي الامتحان الاول

راس غارب قبل الغردقة يعنى هى اول مدينة فى البحر الاحمر

ولعلمك غارب بلد مش سياحية

الهروب من القاهره هو الحل

المشاركة الأصلية كتبت بواسطة hmatchy

ههههههههههههههههههههههههه هههههههه بسيطة جدا ندى الناس اجازة وفلوس يصيفوا 3 سنين عقبال ما يعملوا كدة بس المشكلة لو سكان القاهرة اتوزعوا على المحافظات هتلاقى كل محافظات مصر القاهرة








معاك حق والله العظيم الروح اللى موجودة فى مصر هى اللى مصبرا الناس الجميلة اللى فيها بجد بلد جميل بس محتاج اننا نراعى ربنا فى معملتنا ليه

انا بقا حصل معايا موقف كنت مسافر السويس وماشى مع صاحبى من السويس عند سينما رينسانس كنت ماشى 60 او 70 ومرة واحدة لقيته بيقولى يخريب بيتك كسرت الاشارة:i_angr1[1]:
بقولو اشارة ايه؟؟؟؟؟؟؟؟؟؟
قالى اللى عديت عليها دى و اسمعلك صوت سارينة و ابوص فى المراية الاقى امين شرطة جايلى على موتوسيكل رحت مشغل انتظار وركنت يمين نزل وكان بصراحة محترم اوى قالى رخصك لو سمحت قلتلوا اتفضل قالى كنت بتجرى ليه وكسرت الاشارة قلتلوا حضرتك خدمت فى القاهرة؟؟؟؟؟
قالى طبعا ليه؟؟؟
قلتلوا تبقا اكيد عارف اشارة روكسى راح ضاحك وقالى هو فى حد اشتغل فى المرور وميعرفش اشارة روكسى
قلتلو ماهو حضرتك انا دا مفهوم الاشارة عندى عربيات زحمة من 4 اتجاهات و أحيانا ال 8 بيكونوا واقفين
عسكرى بينط قصاد العربيات علشان يوقفهوم
و أمين شرطة ماسك الدفتر وبيشاور للعربيات تمشى بسورعة
لكن هنا انا لقيت مفرق بصيت فى الاتجاهات كلها لقيتها فاضية فا موش حطيت فى دماغى يكون فى اشارة
راح باصصلى وقالى طب امسك رخصك يا محمد و اول ما تخرج من القاهرة تانى مرة انسا اللى اتعلمتوا فيها قلتلوا دانا هنسا اسمى اول ما اطلع منها و ادانى الرخص ومن ساعتها بمشى اسئل دى اشارة ولا لأ لحد ما ركبوا عيون القط اللى بتنور دى الحمد لله:b4_007:

الامين ده محترم جدا جدا والموقف بتاعه ده فكرنى بواحد اعرفه عايش فى امريكا اسمه محمد بردو

كان ماشى على الطريق السريع (الهاى واى) وطلع من مخرج بس اول ماطلع منه اكتشف انه الى بعديه مش ده

راح جايب ورا وهايرجع وهو عارف انها جريمه زيها زى كسر الاشاره بالظبط بس قال بسرعه محدش هاياخد بالو

المهم مفيش مكملش خطوتين وسمع ويييييييئ راح واقف ..

نزلو الظابط وطلب منه الرخص واول مابصلها لقى النهارده تاريخ عيد ميلاده .... !


سال محمد انت ليه عملت كده قلو معلش اسف نسيت المخرج ... سكت شويه وقلو انت عيد ميلادك النهارده صح
قلو اه ... بصلو كده وابتسم وقلو كل سنه وانت طيب يامحمد وماتعملش كده تانى

وسابو ومشىىىىىى !!!!! هههههههههههههه

يار اجل جاي من الغردقة تتفسح في القاهرة قول نازل تتخنق تعبي شوية دخان تتخانق كام خناقة اوعي تيجي هنا تاني وصلي وصوم انك في الغردقة

المشاركة الأصلية كتبت بواسطة ahmed_h_g

أنا شامم ريحه غريبه بخصوص رأس غارب بلد الجدعان .

يا عم مفيش بس كنا بنفكر لو غيرنا جو اننا نسافر لراس غارب وكنت بسال عن الطريق وتبعد كام كيلو من القاهرة وهل هي ممتعه ؟ وهل هي بتقع على البحر