عايز أقولك على مفاجئة يا باشا ... لو عربيتين زي بعض و فرملو من على نفس السرعة و واحدة لفت و التانية لأ ... العربية إللي لفت هتقف قبل إللي مالفتش ... لأن جزء من فرملة العربية هايتم بجنب العربية وجنب الكاوتشات. :colsmil:
عرض للطباعة
ازاى عربيه ماشيه على 280 تقف فى كيلو طب كده بقى الفرامل ملهاش لزمه حتى لو عربيه موديل اربعينات مش هتقف فى المسافه ديه ده كلام مبالغ فيه ياريت متزعلش
أنا طلعت الآلة الحاسبة وحسبت
دلوقتى لو عربية ماشية على سرعة 160 كم / س ودى سرعة واقعية مش تخيلية لأن كتير مننا بيجوها أحياناً
العربية دى هتقطع فى (الثانية) الواحدة 45 متر
يعنى اللى سايق لو شاف الخطر وفكر جزء من الثانية وبعدين أخد قرار إنه هيفرمل ، نقول الكلام ده حصل فى ثانية ونص
وبعدين الراجل ده رفع رجله من على البنزين وداس على الفرامل فى ثانية واحدة
ده معناه إنه أخد ثانيتين ونص بس عشان يشوف الخطر و يحلل وياخد قرار وينقل رجله ويدوس كمان ـ العربية فى خلال الثانيتين ونص دول هتكون قطعت 111 متر بحالهم قبل ما تكون أخدت فرامل حتى ، يعنى طول 25 عربية واقفين ورا بعض !!! وهى لسة ماشية 160 كم / س لسة مأخدتش فرامل ومبدأش نزول السرعة ل 140 ل 100 ل 80 وكلها سرعات لسة عالية لو حصل التصادم عليها هتبقا مشكلة
حاجة مرعبة
طيب لو العربية ماشية على 220 كم / س
فى الثانية الواحد هتقطع 61 متر ، يعنى لما يشوف الخطر ويبدأ يفرمل هتكون العربية قطعت 153 متر بحالهم !!! قبل ما تبدأ تفرمل يعنى طول 35 عربية واقفين ورا بعض
لو على سرعة 300 كم / س ، هيقطع فى الثانية 83 متر ، وقبل ما يدوس فرامل هيكون قطع 208 متر !!! يعنى أكتر من طول 45 عربية يعنى ربع كيلو يا حضرات قبل ما العربية تاخد فرامل ، ده لو شوفت و فكرت واتصرفت فى ثانيتين ونص بس على السرعة دى !!
عشان كدة أنا شايف إن الأرقام المكتوبة منطقية ، أما الفيديوهات بتاعت اليوتيوب أعتقد السواق بيبقا عارف إنه هيرفل طبعاً عند نقطة معينة ويمكن تبقا رجله جاهزة وفوق الفرامل عشان يجيب أرقام كويسة وكمان حالة الطريق والكاوتش وضغط الهوا بتبقا مثالية والحمولة أخف ما يمكن
هيثم باشا هو إنت ممكن تضربني لو قلتلك إن لو العربية إتقلبت هتحتاج مسافة أكبر عن لو بتفرمل وهي ماشية على الأرض؟ :khd:
مافيش زعل إن شاء الله ... طبعا حضرتك حر في إختيارك إنك متصدقش ... و الهدف من الموضوع ليس فرض المعلومة على الناس.
تقبل تحياتي.
ده كلام سليم.