الموضوع: المسافة اللازمة لتوقف السيارة.

أ. سامح اخبارك اية ، انا فاهم وجهة نظرك انت والاستاذ احمد، بس اللى انا عايز اقولة ان لو العربية الكاوتش بتاعها قافش بيدى فرصة اكبر للتزحلق وده اللى بطول مسافة التوقف، اما العربية اللى مفيهاش abs لو متزحلقتش هيكون توقفها اسرع اكيد.

المشاركة الأصلية كتبت بواسطة Sameh

هيثم باشا واحشنى والله
الفرامل ال abs بتفرمل أقل فعلاً على الأرض الزلقة والرملية ، كل ميزتها إنها هتديك تحكم بالعربية أثناء الفرملة أما زمن التوقف ومسافة التوقف غالباً هتكون أكتر من الفرامل العادية
عايز تعرف ليه
عشان ال abs ببساطة بتفرمل العربية لحد قبل ما العجل يقفش ، والعجل على الأرض الزلقة بيقفش بسهولة أوى لأن الإحتكاك مع الأرض ضعيف خالص فبلتالى ال abs هيدى فرامل ضعيفة أوى للعجل عشان مايقفش وبالتالى العربية تفضل متحم فيها بس هتقف بعد مسافة أطول ، بس الميزة إنك ممكن تفادى الحاجة اللى قدامك ! بس دى نقطة تانية غير الموضوع بتاع بشمهندس أحمد

واحتمال تقف اسرع بردة عشان اتقلبت

المشاركة الأصلية كتبت بواسطة Horsepower

عايز أقولك على مفاجئة يا باشا ... لو عربيتين زي بعض و فرملو من على نفس السرعة و واحدة لفت و التانية لأ ... العربية إللي لفت هتقف قبل إللي مالفتش ... لأن جزء من فرملة العربية هايتم بجنب العربية وجنب الكاوتشات.

ازاى عربيه ماشيه على 280 تقف فى كيلو طب كده بقى الفرامل ملهاش لزمه حتى لو عربيه موديل اربعينات مش هتقف فى المسافه ديه ده كلام مبالغ فيه ياريت متزعلش

المشاركة الأصلية كتبت بواسطة haythamkmal

واحتمال تقف اسرع بردة عشان اتقلبت

هيثم باشا هو إنت ممكن تضربني لو قلتلك إن لو العربية إتقلبت هتحتاج مسافة أكبر عن لو بتفرمل وهي ماشية على الأرض؟

المشاركة الأصلية كتبت بواسطة amrseba

ازاى عربيه ماشيه على 280 تقف فى كيلو طب كده بقى الفرامل ملهاش لزمه حتى لو عربيه موديل اربعينات مش هتقف فى المسافه ديه ده كلام مبالغ فيه ياريت متزعلش

مافيش زعل إن شاء الله ... طبعا حضرتك حر في إختيارك إنك متصدقش ... و الهدف من الموضوع ليس فرض المعلومة على الناس.
تقبل تحياتي.

المشاركة الأصلية كتبت بواسطة Sameh

أنا طلعت الآلة الحاسبة وحسبت
دلوقتى لو عربية ماشية على سرعة 160 كم / س ودى سرعة واقعية مش تخيلية لأن كتير مننا بيجوها أحياناً
العربية دى هتقطع فى (الثانية) الواحدة 45 متر
يعنى اللى سايق لو شاف الخطر وفكر جزء من الثانية وبعدين أخد قرار إنه هيفرمل ، نقول الكلام ده حصل فى ثانية ونص
وبعدين الراجل ده رفع رجله من على البنزين وداس على الفرامل فى ثانية واحدة
ده معناه إنه أخد ثانيتين ونص بس عشان يشوف الخطر و يحلل وياخد قرار وينقل رجله ويدوس كمان ـ العربية فى خلال الثانيتين ونص دول هتكون قطعت 111 متر بحالهم قبل ما تكون أخدت فرامل حتى ، يعنى طول 25 عربية واقفين ورا بعض !!! وهى لسة ماشية 160 كم / س لسة مأخدتش فرامل ومبدأش نزول السرعة ل 140 ل 100 ل 80 وكلها سرعات لسة عالية لو حصل التصادم عليها هتبقا مشكلة

حاجة مرعبة

طيب لو العربية ماشية على 220 كم / س
فى الثانية الواحد هتقطع 61 متر ، يعنى لما يشوف الخطر ويبدأ يفرمل هتكون العربية قطعت 153 متر بحالهم !!! قبل ما تبدأ تفرمل يعنى طول 35 عربية واقفين ورا بعض

لو على سرعة 300 كم / س ، هيقطع فى الثانية 83 متر ، وقبل ما يدوس فرامل هيكون قطع 208 متر !!! يعنى أكتر من طول 45 عربية يعنى ربع كيلو يا حضرات قبل ما العربية تاخد فرامل ، ده لو شوفت و فكرت واتصرفت فى ثانيتين ونص بس على السرعة دى !!

عشان كدة أنا شايف إن الأرقام المكتوبة منطقية ، أما الفيديوهات بتاعت اليوتيوب أعتقد السواق بيبقا عارف إنه هيرفل طبعاً عند نقطة معينة ويمكن تبقا رجله جاهزة وفوق الفرامل عشان يجيب أرقام كويسة وكمان حالة الطريق والكاوتش وضغط الهوا بتبقا مثالية والحمولة أخف ما يمكن

ده كلام سليم.