راجع للشغل بشكل جديد وعايز مشورتكم ونصيحتكم.

**محمد محمد** · 07-06-2010 01:35 AM

السلام عليكم ورحمة الله وبركاته....
الفترة اللى فاتت كنت بشتغل في التسويق العقاري لوحدي بدون مكتب لقلة الأمكانيات وعدم التفرغ التام وبخبرة قليلة جدا.
الحمد لله ربنا وفقني لمعرفة احد الأشخاص شغال بنفس الأسم(الوليد) اتكلمنا مع بعض لقيت دمغنا نفس التفكير والتخطيط ولكن بفارق الخبرة لصالح هذا الشخص والحمد لله جه في وقت كنت ابحث فيه عن شخص مثل هذا...كلمته عني وكده فأعجب بدماغي وعرض عليا اشتغل معاه كشريك مقابل نسبة علي الأرباح والنسبة بتختلف من شغل للتاني ...كمان هو مش شغال في التسويق بس هو كمان بيشتغل في المقاولات وهياخد شغل تشطيبات قريب في مدينتي غير الشغل اللى في العبور وده مجال جديد عليا شوية وبرضه ليا نسبة عليه ...والحمد لله وضعنا اهداف وخطط طموحة للعمل وكمان وافق علي طلبي انه يكون للشركة سجل تجاري وبطاقة ضريبية علشان نبقي شغالين رسمي.
وقبل ما انزل الأعلان هذا الأسبوع علي صفحات المنتدي ان شاء الله ....فانا عايزكم تدوني رأيكم واللى ليه اي ملاحظة او اي تعليق او اي عيب هو بيشوفه في مكاتب او شركات التسويق يقول او اللى ليه افكار يقدر يفيدني بيها او اي حاجة تحبوا تشوفوها في شركة تسويق برضه قولولي عليها.
وجزاكم الله خيرا.

**KHALED AYMAN** · 07-06-2010 01:38 AM

انا مليش اى خبره فى الموضوع ده ...
انا بس داخل اقولك ..
الف مبروك و ان شاء الله ربنا يكرمك فى الشغل الجديد...

**الغزالى** · 07-06-2010 01:46 AM

المشاركة الأصلية كتبت بواسطة KHALED AYMAN

انا مليش اى خبره فى الموضوع ده ...
انا بس داخل اقولك ..
الف مبروك و ان شاء الله ربنا يكرمك فى الشغل الجديد...

سبقتنى يا دبشة

-----
الف مبروك يا ابو الوليد بس زى ماخالد بية قال انا برضو مليش فى الشغل دة ولا اعرف عنة بس ان شاء الله يكون فاتحة خير عليك وعلى شريكك

**mohamedrabia** · 07-06-2010 10:05 AM

ربنا يكرمك ويكلل نجاحك وبالتوفيق ان شاء الله

**احمد المصرى** · 07-06-2010 10:22 AM

الف مبروك يا باشا

والموضوع دا حلم حياتى انى اشتغل فى المقاولات وكنت برضوا بفكر اعمل شركه للتشطيبات والتسويق فى مدينه 6 اكتوبر

وربنا يباركلك يا رب

**wahba87** · 07-06-2010 10:38 AM

السلام عليكم

انا اقترح عليك ان يكون ليكم ويب سيت , يكون عليه reference لكل العقارات اللى عندك , متقسمة حسب الاماكن او حسب السعر او حسب المساحة , و معلومات عن الشركة و معلومات الاتصال بيكم و كمان ايه الحاجات اللى انت بعتها و بعتها لمين و ده هيكون مفيد جدا ليك و reference كويس ليك و هيعمل معاك فرق كبير فى التسويق و هيوفر الجهد عليك , كل واحد هيدخل يشوف اللى يناسبه و يتصل بيك

ممكن كمان يكون على الويب سيت database بالناس المهتمة بالتحديثات و تبعتلهم كل فترة بالجديد عندك

انا ممكن اساعدك فى الموضوع ده بحكم مجال عملى , لو عجبتك الفكرة ابعتلى , و بالتوفيق دائما ان شاء الله

**Ahmed Selim** · 07-06-2010 12:44 PM

السلام عليكم

أولاً ألف مبروك يا أبا الوليد......و ربنا يوفقكم إن شاء الله

حضرتك طلبت تعرف العيوب اللى الواحد بيشوفها فى مكاتب التسويق....خد عندك
1- عدم المصداقية فى الكلام
2- وجود كلام عايم
3- محاولة تجميل المعروض

نصيحتى ليك......عامل ربنا فى شغلك.....هتلاقى الزبون اللى جالك مرة بيجيلك على طول....حتى لو ما أشتراش منك أول مرة....و هتلاقيه بيبعتلك ناس معارفه.

للأسف معظم الناس اللى فى المجال ده بياخدوا الموضوع فهلوة.....يعنى بيعتبر أنه لو ضحك على الزبون فى حاجة و الزبون ما أخدش باله منها أن كده شطارة.....هتلاقى الزبون ده فيما بعد لو عاوز أى عقار.....مش هيهوب ناحية السمسار أو المكتب ده تانى.

بالتوفيق إن شاء الله.

-

-

-

الموضوع: راجع للشغل بشكل جديد وعايز مشورتكم ونصيحتكم.

LinkBack

أدوات الموضوع

عرض

راجع للشغل بشكل جديد وعايز مشورتكم ونصيحتكم. - انشر الموضوع فى :

-

-

-

-

-

المواضيع المتشابهه

لسه راجع من بورسعيد وعايز اخد رايكم

دية بلدى وانا راجع راجع

انا رجعت تاني بس بشكل جديد

انا رجعت تاني بس بشكل جديد

انا رجعت تاني بس بشكل جديد

الكلمات الدلالية لهذا الموضوع

المفضلات

المفضلات

ضوابط المشاركة