الموضوع: الفيرنا عاوز رأى قاطع

عايز رأي قاطع و نهائي ..... لا ثم لا ثم لا للفيرنا
هات أي حاجة ألا الفيرنا ..... علي رأي واحد صاحبي معاه فيرنا مسميها الاسكوتر
حرام فيها الفلوس و بسعرها شوف أي حاجة تانية حتي و أن كانت فئة أقل في السي سي لأن السرعة مش مهمة اوي بقدر أهمية توافر وسائل الامان

مع خالص تحياتي
م/ سمير الشهاوي

المشاركة الأصلية كتبت بواسطة dayun

ابعد عن الفيرنا و هتدعيلى بعد كدة و اللانوس برقبتها و من نفس الفئة لان تقفيل الفيرنا سىء و نسبة الانتاج المحلى بها اكثر من اللانوس بكثير و بها عدم اتزان على السرعة العالية و هل يعقل ان تشرتى سيارة جديدة و تذهب لشراء جنوط اخرى لعلاج هذه المشكلة !!!!دة غير انها واطية على الارض و التوكيل السىء كان هيدمر موتور عربيتى بس ربنا ستر و اذا كان الموتور قوى بس عمره الافتراضى اقل من اللانوس و اسئل اى ميكانيكى محترم فى كلامى اذا كنت شاكك فيه

لاطبعا موتور الفيرنا افضل من موتور اللانوس بكتير ازاى موتور 1500 و كامة واحدة 8 صباب احسن من موتور 1600 2 كامة 16 صباب ده بالنسبة للموتور بالنسب لعزم العربية افضل من اللانوس بكتير ومن ناحية انها واطية على الارض تقدر ترفعها عن الارض بجنوط او سوست انما لما تكون موتورها تعبان هاتعملها ايه الحاجة الوحيدة الحلوة في الديو لانوس مش الشفروليه هي التقفيل بالنسبة للدايو وحاجة كمان من جوة شيك عن الفيرنا ومريحة عن الفيرنا و الفيرنا واللانوس مفيهمش ثبات بعد ال 120 بالنسبة للعمر الافتراضي ده بيرجع للاستخدام في فرق بين واحد بيهلك في العربية وواحد بيحافظ عليها وده للدايو وللفيرنا

انا هاديلك الراى النهائى عن تجربة الفيرنا 1600 وهى عاملة معايا لحد دلوقتى 33 الف
والله والله عربية تحفة طالما انك مالكش فى الشد لانها بصراحة مغرية جدا فى هذا المجال
انا فى عربيتى مفيش اى عيوب تقفيل ملحوظة مع انها معايا من سنتين
هى الكنبة الخلفية بس ضيقة وطبعا كتير بتحك فى المطبات لكن اسمع ان الاتوماتك الجنط بتاعها اكبر
بالنسبة بقى للانوس فدى برده قعدت معانا 3 سنين وطبعا الفيرنا تكسب
اللانوس دايما فى مشكلة فى الكهربا بتاعتها ودى ناس كتير اشتكت منها واحنا كمان كنا بنشتكى منها
ميكانيكا الفرنا افضل
لكن ثبات اللانوس افضل
بص من الاخر انا جربت الاتنين مدة طويلة والفيرنا تكسب ومش هاتندم