الموضوع: تنظيف الرشاشات بالالترا سونيك هل فيد ولا حل مؤقت

المشاركة الأصلية كتبت بواسطة shankosi

مفيش يا جماعة حد بيعمل الحوار بتاع الألتراسونيك ده في اسكندرية؟

موجود في أخر شارع خالد بن الوليد وانتا رايح ناحيه البحر أخر شارع من ناحيه اليمين ع اوله حمامه بتاع الحلويات ادخل الشارع ده وفي أوله اسأل فين الدكتور اسامه هيدلوك عليه

المشاركة الأصلية كتبت بواسطة samirayad

يا أهلا بيك
يا أستاذ : رامى

شوف يا أخى

أنا كل كلامى السابق عن حالة الرشاشات القديمه بالفعل

لأن مع كثرة فتح وقفل الرشاش بتضعف السوسته الداخليه للرشاش فى

أحكام قلب الرشاش من نهايته على فتحات فونية التزرير

يعنى ضعف السوسته هنا بيرجع للعمر الأفتراضى لفقدان السوسته لقوة

مرونتها نتيجة شغلها الكتير ( داخت السوسته وتعبت من كثرة الفرد والضم )

بتبقى طريه ومعندهاش القوه الكافيه لضبط الأحكام وقت قطع الأتصال

الأرضى عن الرشاش بواسطة وحدة التحكم ( يعنى مفيش كهربه ماشيه فى ملف الرشاش من الداخل والمفروض مفيش

بنزين يترش أو يسيل ويهرب من عند نهاية الرشاش )

الحقيقه أنا مش عاوز أخش معاك فى تفاصيل فنيه شديدة التعقيد فى

الأمور دى

__________________________

المهم

ممكن فعلا تنجح معاك عملية التنظيف نظرا لأن رشاشاتك لسه مكوناتها

بخيرها برضه


وأكيد السوست لسه قوتها كويسه على ضم المكونات

والمشكله فقط تكمن حاليا

فى وجود رواسب شديده داخل الرشاشات

والصح حاليا ( علشان حرام ترمى رشاشات بالمبلغ ده )

أنك تعمل محاولة التنظيف دى

وتتفق معاهم أنك بتشترط عليهم (قبل دفع المصنعيه )

أنك تاخد شغل تمام ويختبرولك الرشاشات بعد النظافه كمان

ووارد فعلا تاخد نتيجه طيبه بعد النظافه ( نظرا لظروف وحالة

الرشاشات الجديده بتاعتك )

وفعلا أنا عاوزك تعمل التجربه دى

وحتلاقى خير إن شاء الله

وأبقى طمنا برضه بعد التنظيف على النتيجه

اللى أنا حاسس بنجاحها بإذن الله

وححتفظ لنفسى بالتفسيرات الفنيه اللى ملهاش لزمه حاليا علشان الأمور

متوهش معايا ومعاك

الحمد الله يا استاذ سمير روحت للراجل اجرب الحهاز ده طلع جهاز حكايه احكيلك ع اللي شوفته بعنيا
الجهاز عبارة عن قطعتين جهاز كبير ومتوصل بيه جهاز صغير الالترا سونيك والحهاز احلي حاجه صناعه ايطالي
اسمه brain bee
الراجل شال الرشاشات وحطهم علي المسطرة بتاعت الجهاز بعد كده الجهاز عمل تيست ع الرشاشات كذه عمليه اول حاجه قاس الفتحات بتاع كل رشاش طلع كل واحد غير التاني بعد كده الحهاز فيه ماده كده والرشاشات متوصله بكهربه الجهاز واشتغلت كأنها في العربيه بالظبط وفي الحهاز كان كل رشاش محطوط ع انبوبه واسعه عليها ارقام علشان تقيس الماده اللي موجوده بالحهاز كأنها بنزين اللي هايرشا الرشاش فمن ضمن العمليات اللي قاه بيها الجهاز ان قعر الانبوبه اتسدت والحهاز قام يشغل الرشاشات بالماده وقعدت الانبوبه تتملي لقيت المفاجاه ان كل مستوي ماده بيرشها كل رشاش مختلف عن التاني ففي كان رشاش بيرش كتير التلاته التانين بيرشوا اقل منه شويه بس كان واحد بس مظبوط بعد كده الحهاز اقعد يعمل شويه حاجات كتير مش فاهمها بس اللي الراجل قالي عليه انه بيعمل تيست التسييل وضغط الرشاشات واالي انا لاحظته في تيست من التيستات ان في حاجه اسمها ايدل اوبريشن ودي كان الرشاش شغال في العربيه بالظبط بعد كده الحهاز قعد يشتعل لمده ساعه كده يشوف شغله ............................ كل ده لسه مدخاناش مرحله التنظيف

الراجل شال الرشاشات بالكهرباء اللي متوصله بيهم وحطهم علي حهاز متوصل بالجهاز الأولاني وشغل الجهاز التنظيف بعد كده شغل أخر مرحله في الحهاز الأولاني وهي الالترا سونك كلينج بعد كده الجهاز التاني اشتغل لمده نص ساعه

وبكده الرشاشات اتنظفت بعد كده الراجل شال الرشاشات وركبها في العربيه وقام بص علي فلتر الهوا كان كله اسود فغيرته

بعد كده الراجل قام حط العربيه علي الاسكنر وظبط العربيه وعمل كل حاجه ريست

الراجل خد مني 100 جنيه


الصراحه حسيت بفرق شاسع العربيه بقت بتسحب سحب جامد اوي وتحس انها مش مكتومه

ياريت تقولي ايه رأيك يا استاذ سمير وياريت تقولي التفسيرات الفنيه اللي مقولتليش عليها

اول حاجه قاس الفتحات بتاع كل رشاش طلع كل واحد غير التاني

ده شىء طبيعى وأنا متوقعه بالفعل


طالما كان فيه رشاش بيسيل عندك ورشاش بيقول ها

وأثنين تانيين الله أعلم بحالتهم

بعد كده الحهاز فيه ماده كده والرشاشات متوصله بكهربه الجهاز واشتغلت كأنها في العربيه بالظبط وفي الحهاز كان كل رشاش محطوط ع انبوبه واسعه عليها ارقام علشان تقيس الماده اللي موجوده بالحهاز كأنها بنزين اللي هايرشا الرشاش

الخطوه دى علشان يقيس معدل التدفق flow rate لكل رشاش

والأنبوبه اللى بتبقى تحت كل رشاش ( شبه أنبوبة الأختبار المدرجه )

بيجمع فيها شويه من السائل اللى بيضخه الرشاش وهو راكب على الجهاز وبعد كده يقسم الكميه دى على الزمن المستقطع فى الضخ

ومن هنا بيعرف الرشاش بيضخ كام جرام سائل فى الثانيه

مجرد حسابات معينه بتتعمل فى ميكانيكا الموائع

لمعرفة معدل التدفق للسوائل أو الموائع

الصراحه حسيت بفرق شاسع العربيه بقت بتسحب سحب جامد اوي وتحس انها مش مكتومه

حلو

وهل عملك أختبار تسييل تانى بعد مرحلة النظافه الأخيره ولا لا

ولا الراجل نظف وركب على طول

لأننا مش عارفين برضه ( ضمائر الناس )

ياريت تقولي ايه رأيك يا استاذ سمير وياريت تقولي التفسيرات الفنيه اللي مقولتليش عليها

سأنتظر على ماتجاوبنى على نجاح كفاءة التنظيف فى الحصول على رشاشات مسيله من عدمه

لكى يكون تحليلى وتوقعاتى مبنيه على تجربه ناجحه أو لا

والكوره معاك دلوقتى

وأنت اللى حتحدد
عملية التسييل اللى كانت موجوده عندك

بتاعة واحد بيسيل وواحد بيقول ها

راحت ولا الراجل قلب العمليه

لكى يكون حكمنا عادلا على الأمور

_________________

وكده كده ألف مبروك ليك طبعا طالما الآداء تحسن من جهة السحب ( لأن ده المهم )

فى أى آداء لأى سياره

وياريت تطمنى برضه على أخبار الدواره عندك ( بدور تمام من أول مره ولا فيه مشاكل )

وأبقى برضه أطمن على البوجيهات فيما بعد

وشوف أخبار أستهلاك البنزين ( معقوله ولا لا )

المشاركة الأصلية كتبت بواسطة mostwanted2008

الحمد الله يا استاذ سمير روحت للراجل اجرب الحهاز ده طلع جهاز حكايه احكيلك ع اللي شوفته بعنيا
الجهاز عبارة عن قطعتين جهاز كبير ومتوصل بيه جهاز صغير الالترا سونيك والحهاز احلي حاجه صناعه ايطالي
اسمه brain bee
الراجل شال الرشاشات وحطهم علي المسطرة بتاعت الجهاز بعد كده الجهاز عمل تيست ع الرشاشات كذه عمليه اول حاجه قاس الفتحات بتاع كل رشاش طلع كل واحد غير التاني بعد كده الحهاز فيه ماده كده والرشاشات متوصله بكهربه الجهاز واشتغلت كأنها في العربيه بالظبط وفي الحهاز كان كل رشاش محطوط ع انبوبه واسعه عليها ارقام علشان تقيس الماده اللي موجوده بالحهاز كأنها بنزين اللي هايرشا الرشاش فمن ضمن العمليات اللي قاه بيها الجهاز ان قعر الانبوبه اتسدت والحهاز قام يشغل الرشاشات بالماده وقعدت الانبوبه تتملي لقيت المفاجاه ان كل مستوي ماده بيرشها كل رشاش مختلف عن التاني ففي كان رشاش بيرش كتير التلاته التانين بيرشوا اقل منه شويه بس كان واحد بس مظبوط بعد كده الحهاز اقعد يعمل شويه حاجات كتير مش فاهمها بس اللي الراجل قالي عليه انه بيعمل تيست التسييل وضغط الرشاشات واالي انا لاحظته في تيست من التيستات ان في حاجه اسمها ايدل اوبريشن ودي كان الرشاش شغال في العربيه بالظبط بعد كده الحهاز قعد يشتعل لمده ساعه كده يشوف شغله ............................ كل ده لسه مدخاناش مرحله التنظيف

الراجل شال الرشاشات بالكهرباء اللي متوصله بيهم وحطهم علي حهاز متوصل بالجهاز الأولاني وشغل الجهاز التنظيف بعد كده شغل أخر مرحله في الحهاز الأولاني وهي الالترا سونك كلينج بعد كده الجهاز التاني اشتغل لمده نص ساعه

وبكده الرشاشات اتنظفت بعد كده الراجل شال الرشاشات وركبها في العربيه وقام بص علي فلتر الهوا كان كله اسود فغيرته

بعد كده الراجل قام حط العربيه علي الاسكنر وظبط العربيه وعمل كل حاجه ريست

الراجل خد مني 100 جنيه


الصراحه حسيت بفرق شاسع العربيه بقت بتسحب سحب جامد اوي وتحس انها مش مكتومه

ياريت تقولي ايه رأيك يا استاذ سمير وياريت تقولي التفسيرات الفنيه اللي مقولتليش عليها

نسيت اقولك اني جربت ادور العربيه بعد 3 ساعت اتأخرت شويه وسيبتها تسخن بعد كده جربيت ادورها بعد 2 ساعتين دارت علي طول بس انا جربت حاجه لما جيت ادورها فتحت الكونتاك 3 ثوان ودورت دارت علي طول لكن لما دورت المرة الأولانيه كنت فاتح الكونتاك 5 ثوان
بص العربيه مغيرلها البوجيهات من 7500 كيلو بالسلوك بتاعتها ومغير سير التقسينه وبليه الشداد وغير سير التكيف وطاره السير علان كانت خشنه

ياريت تطمني يا اشتاذ سمير وده رقمي لو عايز تستفسر عن جاجه تطمنيني 0143950236

ياريت تطمني يا اشتاذ سمير

طيب ماهو كده كويس برضه

بعد كده جربيت ادورها بعد 2 ساعتين دارت علي طول

والمفروض الراجل كان يطمن على التسييل تانى بعد النظافه اللى تمت

لأن أنت مش موضح ده فى كلامك

وطبعا وضع الدواره حيبان مع الأيام

لو كنت مأخدتش بالك من نقطة أعادة التشييك على التسييل بعد النظافه

لأنه ممكن يكون نظف وخلاص

ولو لسه فيه تسييل مثلا وأنت مخدتش بالك أو الراجل عاوز يعمل شغل وخلاص

فكده معملناش حاجه غير تحسين السحب فقط


أما لو كان عمل أختبار تسييل تانى ( بعد النظافه ) كنا أطمنا على نجاح التجربه من عدمه

عموما الأيام حتبين نقطة التسييل تانى
بمتابعة وضع الدواره ووضع أستهلاك البنزين

أما لو دارت معاك على طول وسحب وآداء كويس وبوجيهاتك معقوله فى الحرق ومش مهببه

يبقى التجربه نجحت يالفعل

ومش حنبص على أستهلاك البنزين لو كان زاد عن قبل النظافه

لأن ده حيبقى وضع طبيعى

الراجل معملش اختبار بعد العمليه دي وقالي بعد كل ده هايبقي الرشاشات هتسيل استحاله

وقالي بعد كل ده هايبقي الرشاشات هتسيل استحاله

لا متصدقوش طالما معملش أختبار تسييل بعد النظافه

ألا أما نشوف الأيام حتقول أيه

يهمنى دلوقت أنك تلاحظ مستقبلا

1- دواره طبيعيه

2- بوجيهات بتطلع معقوله بعد الحرق

وكده كده السحب عرفناه

حيتحسن وده شىء طبيعى بعد النظافه


وأنا متابع معاك

لأن الموضوع ده يهمنى برضه ويهم كل زميل معاه عربيه رشاشاتها

لسه جديده

وما أستغلتش كتير أوى زى ماهو عندك بالضبط

لأن حالتك وارده معانا كلنا من مالكى السيارات الجديده

المشاركة الأصلية كتبت بواسطة samirayad

طيب ماهو كده كويس برضه



والمفروض الراجل كان يطمن على التسييل تانى بعد النظافه اللى تمت

لأن أنت مش موضح ده فى كلامك

وطبعا وضع الدواره حيبان مع الأيام

لو كنت مأخدتش بالك من نقطة أعادة التشييك على التسييل بعد النظافه

لأنه ممكن يكون نظف وخلاص

ولو لسه فيه تسييل مثلا وأنت مخدتش بالك أو الراجل عاوز يعمل شغل وخلاص

فكده معملناش حاجه غير تحسين السحب فقط


أما لو كان عمل أختبار تسييل تانى ( بعد النظافه ) كنا أطمنا على نجاح التجربه من عدمه

عموما الأيام حتبين نقطة التسييل تانى
بمتابعة وضع الدواره ووضع أستهلاك البنزين

أما لو دارت معاك على طول وسحب وآداء كويس وبوجيهاتك معقوله فى الحرق ومش مهببه

يبقى التجربه نجحت يالفعل

ومش حنبص على أستهلاك البنزين لو كان زاد عن قبل النظافه

لأن ده حيبقى وضع طبيعى

بص الراجل معملش احتبار تسييل بعد كده فقولتله اعمل اختبار تسييل فقالي بعد كل ده وتسيل استحاله

انا عايز ايميلك ده ايميلي
police.2008@hotmail.com
fayad_2004@yahoo.com