الموضوع: تنظيف الرشاشات بالالترا سونيك هل فيد ولا حل مؤقت

المشاركة الأصلية كتبت بواسطة mostwanted2008

الحمد الله يا استاذ سمير روحت للراجل اجرب الحهاز ده طلع جهاز حكايه احكيلك ع اللي شوفته بعنيا
الجهاز عبارة عن قطعتين جهاز كبير ومتوصل بيه جهاز صغير الالترا سونيك والحهاز احلي حاجه صناعه ايطالي
اسمه brain bee
الراجل شال الرشاشات وحطهم علي المسطرة بتاعت الجهاز بعد كده الجهاز عمل تيست ع الرشاشات كذه عمليه اول حاجه قاس الفتحات بتاع كل رشاش طلع كل واحد غير التاني بعد كده الحهاز فيه ماده كده والرشاشات متوصله بكهربه الجهاز واشتغلت كأنها في العربيه بالظبط وفي الحهاز كان كل رشاش محطوط ع انبوبه واسعه عليها ارقام علشان تقيس الماده اللي موجوده بالحهاز كأنها بنزين اللي هايرشا الرشاش فمن ضمن العمليات اللي قاه بيها الجهاز ان قعر الانبوبه اتسدت والحهاز قام يشغل الرشاشات بالماده وقعدت الانبوبه تتملي لقيت المفاجاه ان كل مستوي ماده بيرشها كل رشاش مختلف عن التاني ففي كان رشاش بيرش كتير التلاته التانين بيرشوا اقل منه شويه بس كان واحد بس مظبوط بعد كده الحهاز اقعد يعمل شويه حاجات كتير مش فاهمها بس اللي الراجل قالي عليه انه بيعمل تيست التسييل وضغط الرشاشات واالي انا لاحظته في تيست من التيستات ان في حاجه اسمها ايدل اوبريشن ودي كان الرشاش شغال في العربيه بالظبط بعد كده الحهاز قعد يشتعل لمده ساعه كده يشوف شغله ............................ كل ده لسه مدخاناش مرحله التنظيف

الراجل شال الرشاشات بالكهرباء اللي متوصله بيهم وحطهم علي حهاز متوصل بالجهاز الأولاني وشغل الجهاز التنظيف بعد كده شغل أخر مرحله في الحهاز الأولاني وهي الالترا سونك كلينج بعد كده الجهاز التاني اشتغل لمده نص ساعه

وبكده الرشاشات اتنظفت بعد كده الراجل شال الرشاشات وركبها في العربيه وقام بص علي فلتر الهوا كان كله اسود فغيرته

بعد كده الراجل قام حط العربيه علي الاسكنر وظبط العربيه وعمل كل حاجه ريست

الراجل خد مني 100 جنيه


الصراحه حسيت بفرق شاسع العربيه بقت بتسحب سحب جامد اوي وتحس انها مش مكتومه

ياريت تقولي ايه رأيك يا استاذ سمير وياريت تقولي التفسيرات الفنيه اللي مقولتليش عليها

ممكن تقلنا فين مكان الراجل وعنوانه

شكرا ..............ياباشا

المشاركة الأصلية كتبت بواسطة samirayad

نفترض البوبينا سليمه والرشاشات سليمه

وفيه تأخير دواره أو صعوبه والمكنه سخنه ( بس بدور حلو وهى بارده )

دى علطول معروفه بيبقى عيب فى جلب المارش أو ضعف فى أوتوماتيك المارش بسبب سخونته من جو الغرفه

وطبعا أى شغل فى المارش مينفعش وهو راكب على المكنه

لازم يطلع بره العربيه

وقبل ماتطلعه بره المكنه

ممكن تجرب تدور المكنه بطريقة الزق والرمى على التانى

نفترض المكنه دارت

يبقى تطلع المارش للصيانه وأنت مطمن أن عيب تأخير الدواره والمكنه ساخنه منه هو

ممكن صورة لجلب المارش او اوتوماتك ......
وهل الجلب بتتغير .......وثمنها كام ..........وبتاخد وقت اد ايه فى الاصلاح
ووكم تكون التكلفه الاجماليه تقريبا
ولا الافضل اغير المارش ......ولا الموضوع مش مستاهل تغيير المارش ونكتفى بالجلب

المشاركة الأصلية كتبت بواسطة samirayad

المهم أنت أتأكدت الأول أن عندك مشكلة دواره بمجرد تبطيلك للمكنه

وأتأكدت أن العيب من المارش ولا لا

زى ما أتفقنا قبل كده

لأن مينفعش نقول العيب من جلب المارش أو الأوتو ماتيك أو توصيلاته الكهربيه مثلا

إلا أما نحصر العيب فى المارش فعلا

ان انا اجرب الخطوة اللى قلت عليها

ممكن تجرب تدور المكنه بطريقة الزق والرمى على التانى

نفترض المكنه دارت

يبقى تطلع المارش للصيانه وأنت مطمن أن عيب تأخير الدواره والمكنه ساخنه منه هو
يبقى كدة اكيد العيب فى المارش ولا فى حل تانى