كلامك سليم فعلا وأدق ياباشا
وفعلا واضح أنها كانت لفه معايا فى نقطة الفصل والوصل
وأنا طبعا بأعتذر عن هذا
وحراجع نفسى تانى بطريقتى الخاصه
ولو لقيت جديد بعد هذا حقول عليه
وحقا
جل من لا يسهو
عرض للطباعة
كلامك سليم فعلا وأدق ياباشا
وفعلا واضح أنها كانت لفه معايا فى نقطة الفصل والوصل
وأنا طبعا بأعتذر عن هذا
وحراجع نفسى تانى بطريقتى الخاصه
ولو لقيت جديد بعد هذا حقول عليه
وحقا
جل من لا يسهو
شوف ياسيدىاقتباس:
يا هندسة لما بتدوس دبرياج البلية بتتحرك فى اتجاة الدسك مش الفتيس... بص على الفورش فى عربيتك ووضعية الماستر الفرعى حتلاقى ان الماستر لما بيفتح بيلف العامود بتاع الفورش بحيث البلية تروح فى اتجاة الدسك مش العكس
كده تمام ويبقى دور البليه بيفيد فى لحظة فصل التعشيق بين الأعضاء القائده للحركه فى الدبرياج ( وش فلام + وش الديسك )
وبين العضو المنقاد ( أسطوانة الدبرياج )
أذا البليه لا تعمل فى أى وضع سواء الدبرياج مفصول أو معشق
ودورها فقط بيفيد فى لطش سوست الديسك الورقيه ( كما فى الصوره لحظة الفصل )
__________________________
طيب ما البليه مكنتش شغاله والدبرياج معشق
ولكن حصلت الوره لحظة الفصل ( وهى بتحمل على السوست ) وراحت الوره تانى بعد ما فككنا أجزاء الدبرياج
يبقى أيه اللى دخل معانا لحظيا فى القصه دى
وقام بدوره وركن على جنب
البليه طبعا ....لأن ده اللى واضح معانا أهو
_______________________
أما قصة بلية عمود الدريك شخصيا فدى كانت موجوده فى الملعب أساسا
والدبرياج معشق
ولو العيب فيها ( كفرد من ضمن مكونات الفتيس )
كان عيب الوره حيبان برضه قبل مانفصل الدبرياج لأن بلية الدريك
شغاله
أذا العيب بيبقى فى هذه الأحوال ( وره وتروح مع فصل الدبرياج )
هو عيب بلية دبرياج وليس بلية دريك
___________________________
على فكره أنا عارف من زمان أوى أن دور البلى فى الكلاتشات بيفيد
ودوره بيظهر كنعصر تحميل وقت الفصل للمكونات
لأن أنا عندى فى الشغل كلاتشات كهربيه وهوائيه وهيدروليكيه ومانيوال ( شبه بتاع العربيه )
وعارف قصة البلى فى أحوال الفصل
بس فعلا كنت متلخفن شويه فى بلية دبرياج السياره
والحمد لله كده النقط أتحطت على الحروف وترسخت المعلومه
وكل اللى حصل ده بسبب أن الأعضاء المنقاده ( الأسطوانه بوجهيها بتبقى فى السياره بتدور جوه الأعضاء القائده أى الفلام والديسك )
ومن هنا حصل اللبس اللى أنت شوفته فى أتجاه الفصل والوصل
معلش يا هندسة انا حاسس بلخبطة...
دلوقتى العضو بيشتكى من صوت مستمر بيروح مع ضغط الدبرياج و يرجع مع ترك دواسة الدبرياج
و احنا وصلنا الى ان بلية الدبرياج مبتلفش (مبيبقاش عليها حمل) الا لما ندوس دبرياج و دة وضع معاكس لحالة صدور الصوت بالتالى مينفش تكون بلية الدبرياج
مع ضغط الدبرياج بتتفصل حركة الموتور عن الفتيس... بالتالى عامود الدرك بيتوقف عن الحركة و بالتالى الصوت بيروح... و مع ترك الدبرياج الصوت بيرجع نتيجة دوران عامود الدرك
بلية الدبرياج برة الموضوع لان الصوت بيطلع و هى متوقفة عن العمل و بيختفى لما بتشتغل بالتالى مصدر الصوت جاى من مكون بيتوقف عن الحركة مع ضغط الدبرياج و فصل حركة الموتور
MMamdouh
اقتباس:
منذ شهر بدات اسمع صوت خفيف وهو اثناء التسخين وعلي السلانسية في اي وقت اسمع صوت ورة اضغط علي الدبرياج يختفي الصوت ارفع رجلي من علي الدبرياج يرجع الصوت
فعلا معك حقاقتباس:
دلوقتى العضو بيشتكى من صوت مستمر بيروح مع ضغط الدبرياج و يرجع مع ترك دواسة الدبرياج
فى هذه الحاله خصيصا
بلية الدبرياج بره الموضوع والعيب كما بينت أنت
فى بلية عمود الدريك على أساس أنها أول بليه محمله بالفتيس
وكده لا داعى للخبطه
أيوة... الفلاشة دي أنا كنت شفتها من كام شهر كده و هي الحاجة الوحيدة اللي فهمتني الدبرياج و إكتشفت إن الصنايعية اللي شرحوهولي فاهمينه غلط!!! و للأسف ناسكتير بتبقى فاهمه الحوار ده غلط لأنه يلخبط فعلاً... أنا خدتلي أسبوعين أو أكتر كمان لمجرد إني أفهم الـ Dry friction clutch اللي عليه الكلام دلوقت....
مناقشة جميلة قوي يا جماعة... ربنا يزيدكم علم..
في رعاية الله...
طيب كده أنا اللي إتلخبط.... ماهو ممكن أكون فاصل دبرياج و جايب آخر الدواسة... بس العربية واخده غيار و بتتحرك بفعل الـ Inertia بتاعتها و في ترسين معشقين ... في الحالة دي الـ Output shaft هو اللي بيدور الـ Input shaft يعني برضه بلية الدريك هتكون بتلف... ولو العيب منها يبقى هيسمع الصوت في الحالة دي
"الفتيس معشق على غيار+ العربية ماشيه بفعل القصور الذاتي ليها+الدبرياج مش معشق".. والله أعلم..
أعذروني إني إتجرأت و إتكلمت في وجودكم بس عاوز أفكر معاكو بصوت عالي :U_thin1[1]:
في رعاية الله..........:E_braces[1]:
كلامك صح... بس دى مش طريقة اختبار صح
الاختبار الصح بيتم فيه فصل كل عنصر لوحدة تماما و متابعة تغير العرض مع تغير حالة العنصر دة بالتالى مينفعش تختبر حاجة زى كدة و العربية ماشية لان عندك مليون مكون اخر شغالين فى الوضعية دى... لكن و العربية واقفة و ممورة و الدبرياج فقط هو اللى حالتة بتتغير بيتم حصر المكونات اللى بيتم اختبارها فى الدبرياج و عامود الدرك
يا باشا مفيش حاجة اسمها "انى اتجرأت" و كدة... احنا اخوات و كلنا بنتعلم من بعض و مفيش شخص محتكر القسم او المنتدى لنفسة... المنتدى ملك للجميع و كلنا لينا الحق فى المشاركة فى اى موضوع طالما بنشارك بموضوعية و فى حدود الادب و الذوق مع مراعاه قوانين المنتدىاقتباس:
أعذروني إني إتجرأت و إتكلمت في وجودكم بس عاوز أفكر معاكو بصوت عالي :U_thin1[1]:
في رعاية الله..........:E_braces[1]:
MMamdouh
شكرا للعملاقين
بس تفرق برضه أن بلية الدريك تتلقى الحمل كآخر مكون فى المجموعات الدواره وأنت ممور
عن ماتكون أول عنصر وأنت معشق
بالطبع الحمل حيبقى عليها وأنت معشق أكبر وحيبان عيبها لأنها واخده من بعد الدبرياج والمكنه اللى بتغذيها
ومش حتبقى محمله ( فى حالة التموير ) على أساس أنها آخر عنصرفى مجموعة الحركه وبيغذى بطاقه حركيه من العجل
لأن ممكن على مايروحلها الحمل ميبنش فيها العيب
ويكون عيب الوره حاجه تانيه ( زى بلى عجل مثلا )