الموضوع: مشكلة في الدبرياج ام في الفتيس

و انت سايب دبرياج بتبقى سوست الدسكم ضاغطة الدسك شخصيا فى مواجهة ترس الفلام و بالتالى بتبقى الاسطوانة معصورة بين الاتنين و نتيجة للضغط الشديد و التتماسك بين الاجزاء التلاتة (الفلام و الاسطوانة و الدسك) بيدوروا كانهم قطعة واحدة... و بالتالى الحركة بتتنقل من الفلام الى الاسطوانة و الى عامود الدرك من خلال المشرشر بتاع الاسطوانة اللى راكب على عامود الدرك

حلو أوى كده ومتفق معك تماما لحد هنا

كل دة البلية برة اللعبة تماما

هنا بأه السؤال

أمال البليه بدور أمتى وبتبطل دوران أمتى ( لأنها بليه ) .....؟

ماهى بدور كمكونات داخليه والدبرياج معشق وبتبطل دوران لما بسحبها لورا

بس لحظة الفصل ....هى اللحظه الخطيره على البليه

لما بتدوس دبرياج الفورش بيتحرك من مكانة و يبداء يضغط على ريش السوست بتاعت الدسك... طبعا لو التلامس دة حصل بشكل مباشر بين الفورش الثابت و الدسك المتحرك حيحصل تصادم و حينتج عنة تدمير للفورش و ريش الدسك و هنا بيجى دور البلية ( و اى بلية بطبيعتها هى نقطة الاتصال بين اى جسم ثابت و جسم متحرك بشكل دائرى) و هنا الجزء الثابت من البلية بيبقى محمل على الفورش و الجزء المتحرك بيحمل على ريش الدسك لتسهيل عملية التلامس بينهم

أوك معاك برضه فى النقطه دى

بس لاحظ أن فيه شوية ظبط مطلوبين فى الجزئيه دى

الفورش ملوش دخل بالسوست خالص

دا يادوب بيبقى مجرد كرسى حامل للبليه ( اللى محمله على السوست والمفروض بدور وشغاله برضه )

لما الفورش أو الشوكه ( اللى عامله زى الهلال ) بتسحب البليه لورا جهة الفتيس

هنا البليه بتكون أساسا كانت بدور ( بحمل دوران عادى شبه منتظم )

بس لحظة سحبها لورا بالفورش بتتعرض لرد فعل سوست الديسك

السوست بتزغدها بقوه أفقيه للخلف

تخيل بأه لو كانت البليه مشخشخه أساسا وماشي حمل الدوران يادوب ومش باين أثر تلف البليه لسه

ولكن لما السوست زغدتها راحت مشخشخاها لورا ( البلى أو الكور اللى جواها حيرعش علشان مشخشخه )

أيه اللى ممكن يحصل

الوره اللى بنسمع عنها وبتظهر مع فصل الدبرياج فى حالة خفية وشخشخة البليه شخصيا

و لو تلاحظ تلاقى ان الناس بتنبة السواقين الجداد انهم ميحملوش رجلهم على الدبرياج عشان ميحرقوش البلية... لان فى الحالة دى البلية بتلمس الدسك و تفضل تلف على الفاضى طول الوقت و دة بيقلل عمرها الافتراضى بشدة

أعتقد يا أبو يوسف بيكون السبب أعمق من هذا

وهو الحفاظ على قوة تماسك مكونات الدبرياج وعدم سخونة الأسطوانه وأحتراقها

لأنها حتفوت ( مع تحميلة الرجل على الدواسه ) وحتتظفلط بين وش الديسك ووش الفلام

وده اللى بيقولوا عليه تفويت أو أنزلاق فى الدبرياج بسبب التحميل الخطأ على الدواسه والواحد سايق

بس أنا متفق معاك تماما أن البليه بتكون معرضه برضه لحمل خطر أيضا