الموضوع: لادا كما لم ولن تراها في مصر

المشاركة الأصلية كتبت بواسطة amt

أخي العزيز كلامك مظبوط وأنا موافقك عليه تماما بس الفرق هنا بين العربيات الى بتتكلم عنها حضرتك عربيات مقبولة أو بحد أدنى من التكنولوجيا
إنما اللادا !!!!!!!!!!!!!!!!!!!!!!!!!!!!!!!!!!!!!!!!!!!
ياعزيزى أنا أزعم ان البلد الوحيدة اللى بتتباع فيها الـ 2107 والـ2105 والنيفا القديمة هى مصر
والناس بتشتريها بالأسعار الفلكيه دى

ياسيدى العربيات اللى اتعرضت في الموضوع زيها زى أى عربيات من أوروبا الشرقية هتكون رخييييييصة جدا ، بس على الأقل فيها امكانيات معقولة وشكل عدل وعصري شوية بس العلب اللى بتنزلنا مصر أرخص كتير وأكثر إفادة للشركة الأم وللشركة المصرية يعنى كومبينة ياصاحبي
وأشكرك على مرورك الكريم

كلام الراجل ده عجبني اوي والله انت بتقول كلام زي الفل و صح 100%

المشاركة الأصلية كتبت بواسطة amt

إنما اللادا !!!!!!!!!!!!!!!!!!!!!!!!!!!!!!!!!!!!!!!!!!!
1- ياعزيزى أنا أزعم ان البلد الوحيدة اللى بتتباع فيها الـ 2107 والـ2105 والنيفا القديمة هى مصر
2- والناس بتشتريها بالأسعار الفلكيه دى

1- اللادا بتتباع زيرو فى روسيا إنتاج 2010 نيفا و 2107 و 2105
2- اللادا اللى ب 50,000 جنيه سعر فلكى على عربية زيرو أو 64,000 جنيه 4x4

طيب شوف الفيديو دوة كده عشان تعرف قيمتها فى روسيا نفسها
العربية دية ما فيش سيارة 4x4 فى العالم قدروا يعملوها فيها كم القدرات الموجود فيها , سيارة عسكرية و مدنية فى آن واحد
الجيب و الشيروكى و اللاندروفر و الإكسبلورو لم يصمدوا زمنيا صمود النيفا 4x4 حتى الهامر اللى طلعين بيه السما فشلت عسكريا و مدنيا و تحتاج لصيانة فوق المعتاد لتظل فى الخدمة
لا توجد شركة واحدة فى العالم صمدت سياراتها مثلما صمدت اللادا فى الطرق الوعرة طوال 30 عاما صيانة معتادة
[youtube]http://www.youtube.com/watch?v=3YsgG8YX7ts[/youtube]

انا مقولتش ان اللادا نيفا وحشة بالعكس انا شايف اها مناسبة جداً للمهام الشاقة و كل حاجة و سعرها تحفة بالنسبة لعربية دفع رباعي .. لكن اللادا 2107؟؟؟
مميزات اللادا 2107 :
1- فيها 4 ابواب
2- فيها 4 عجل و عجلة استبن
3- فيها دركسيون
4-فيها مراية للرؤية الخلفية
5- فيها شنطة
و فيها و فيها وفيها المشكلة ان مميزاتها كتير ة بحيث ان الواحد مش قادر يعدهم
انا رديت على حكاية السعر ده في مشاركة مش عارف ليه تجاهلتها
ده حتى شوف البرايد اللي عمرها 10 سنين بتنباع ب46 الف ارخص برده و كل العربيات اللي انا قولتها دي زيرو !! و انت كل شوية تقول 50 الف رخيص على زيرو رخيص على زيرو ياعم لما احنا بنجيب عربيات زيرو علشان نواكب العصر مش علشان نعيش في القديم

الف كتييييييييير اوي على عربية زي دي روح اشتري 128 مستعمل احسن و وفر ال35 الف جنيه زيادة و بلاش تتعب سمانة رجلك الشمال و تجيب لنفسك الام الضهر و تجيب كلو في صوابع ايدك من الحرب اللي انت فيها
50 الف جنيه ممكن تجبلك عربيات حديثة موديلات جديدة و بتكنلوجيا حديثا و على الاقل تبقى حاجات تواكب العصر بدل محنا عايشين في العصر الحجري .. عندك جيلي باندا و جريت وال بيري و كيا بيكانتو و شيفورليه سبارك و كمان التحفة جاك a107 و اللي هي تقريباً احسن حاجة في السعر ده و عمرها ما تتقارن بالمرحومة اللادة 2107
و حتى فيه سوزوكي ماروتي مش جديدة اوي بقالها بتاع 15 سنة بس بالنسبة لعربية عمرها 40 سنة فعلاً الواحد يضحك و يقول هأ هأ هأ و بعدين دي ب35 الف كمان ارخص
افهم بس حاجة ... عربية زي دي الواحد يدفع فيها 50 الف جنيه مرة واحدة لييييييه؟؟؟ ده لو صرفهم في مواصلات و تكاسي يبقى ارحمله نفسياً و جسدياً و كفاية بقى تخلوا الناس يضحكوا عليكو !!
فيه عربية تتعمل من حديد؟؟ ليه رايحين الحرب .. بقى العالم كله بيتفنن ازاي يخفف وزن العربية و يخلي خامتها فايبر و بلاستك مقوى علشان العربية تبقى خفيفة و احنا بنشتري عربية معمولة من حديد التسليح علشان لو جه صاروخ ار بي جيه من جيش العدو مش تدمرش و تفضل سليمة علشان تواصل المعركة
بيقولك العربية بتجيب ال100 كيلو في 17 ثانية .. ده لو جابتها اساساً

على قد فلوسنا يا ريس , شعب غلبان و فقير و اللى بيمشى بالحلال لا بيجيب شقة و لا بيتجوز , متخيل العربية اللى ممكن يجيبها زيرو و محترمة و منظر لعلمك , عربية ما يسوقهاش إلا مصارع , هيئة برضوه.

موتور و عربية زيرو موديل السنة ب 50,000 أجمد من مرسيدس مستعمل عمره 10 سنين و اللى يقولك إن المستعمل تمنه فيه يبقى بيوهم نفسه أن فلوسه ما راحتش فى الأرض.

المشاركة الأصلية كتبت بواسطة mnmmnmmnmmnm

على قد فلوسنا يا ريس , شعب غلبان و فقير و اللى بيمشى بالحلال لا بيجيب شقة و لا بيتجوز , متخيل العربية اللى ممكن يجيبها زيرو و محترمة و منظر لعلمك , عربية ما يسوقهاش إلا مصارع , هيئة برضوه.

موتور و عربية زيرو موديل السنة ب 50,000 أجمد من مرسيدس مستعمل عمره 10 سنين و اللى يقولك إن المستعمل تمنه فيه يبقى بيوهم نفسه أن فلوسه ما راحتش فى الأرض.

ونعم الكلام

كلام جميل