السلام عليكم ورحمة الله وبركاته
كل عام اونتم بخير يا اخواني وتحياتي لكم جميعا ..
ثانيا :
انا فكرت النهاردة انو احنا لازم نعمل مرجع فيما قد نطلبه من حيث تحسين الإستخدام يعني ها اشرح وجهة نظري دي ببساطة شديدة جدا .... شركة . auto desk كل مرة بتعمل برنامج بتخليك تستعلمه وبعدين توزع استمارات على العملاء ايه رأيكم في واجهة البرنامج ايه رأيكم في وجود الزر الفلاني في المكان الفلاني طيب شايف البرنامج ناقص ايه انتا تحب تشوف فيه ايه في المستقبل وبعدين بتجمع الإستمارات وبتدرس وبتلاقي 60% من التعديلات نازلة في النسخة الجديدة ... وبكدا بتحس الشركة انها بترضي العميل بشكل او بآخر ... فقولت احنا كمان ممكن كل واحد فينا يقول هوة حاسس العربية اللي بيمتلكها سواء كانت ( جين 2 - بيرسونا - ساجا - واجا ... الخ ) نفسوا يشوفها في المستقبل نازلة بأي او فيها حاجات مش موجودة هة شايف انها من الكماليات الأساسية التي لا يمكن الإستغناء عنها ...
زي مثلا ملاك الجين 2 كلهم بيطالبوا بمثبت السرعة ... - السااعة ... اماكن المالتي تتبدل .. وهكذا ياريت الكل يشارك بأراؤو ... ممكن تبدوا بالنسبالك تافهة ولكن بالنسبة لناس كتير ممكن تكون مهمة ... واعتقد شركة كبروتون تهتم بعملائها لن تتوانا عن انها تتباع التعديلات المطلوبة منها ..
زي مثلا انا اول واحد ها ابدء من ملاك الساجا ...
- مكان شاحن او فتحة الولاعة لا يتناسب تماما مع اماكن وضع الكبايات ...
- عدم وجود مسند للقدم اليسرى في الفئة الأوتوماتيك منها مع ان كل السيارات الأوتوماتيك تتوافر فيها مساند للقدم اليسرى ......
- وجود مشغل MP3 في كاسيت السيارة يعني السي دي مش بيشغل Audio فقط وكان المفروض يكون فيه mp3
وهذه الأشياء كبداية فقط وانتظر مشاركة المزيد من الأخوة معنا في الموضوع وكل واحد يدلي بالأراء ونناقش كل واحد فكرتوا ليه وازاي
المفضلات