الموضوع: تعديلات تراها واجبة في سيارتك ( ادخل وادلي برأيك )

طيب الموضوع حلو و كل حاجه بس احنا هنا يعتبر بنكلم نفسينا لازم حد يوصل صوتنا ده لبروتون الام علشان يتم التعديل علي السيارات في المستقبل

بما ان انا معايا ساجا هزود كمان كام حاجه كدا علي اللي قالوه الاخوه الافاضل الاخ سيد و الاخ megarekab

ان يكون الكاسيت به فتحه اي يو اكس و يو اس بي زي الشكل الجديد للساجا اللي مش هتنزل مصر دلوقتي و ان يكون الزجاج الخلفي بينزل للأخر و ان يكون المدي بتاع السنتر بتاع المفتاح كبير شويه لأنو المدي صغير اوي وجود مخادع للكنبه الخلفية و كونسول بين الكرسيين الاماميين و مالتي فانكشن في طارة الدركسيون

الله ينور عليك ياباشا

هو ده الكلام الصح اللى يفيد الكل وله هدف مش اى كلام فى اى كلام وهجص وخلاص

المهم

أحب أضيف على كلامك..

بالنسبه للساجا طبعا ...

المفروض يبقى فيه إضاءة أسفل الحروف الخاصه بعصا الفتيس الأتوماتيك مش مجرد علامه فسفوريه....

خاصه للناس الجديدة زى حالاتى فى الاتوماتيك ماتعرفش مكان كل غيار فين..

أنا بضطر إنى أشغل نور الصالون وأنا سايق عشان أشوف ..

هتقولى أبص على التابلوه أقولك ماينفعش لأنى كده هضطر إنى أجرب الحروف كلها رايح جى لغايه مالاقى اللى انا عاوزه ....

حاجة كمان مهمة أوى ....

تزويد الزجاج الخلفى بماكينه رفع .. يعنى ازاز العربيه كله يبقى كهربا ...

دى مهمة جدا خاصة للى عنده أطفال زى حالاتى ....

أحب أضيف كمان ...

يبقى حلو أوى أوى لو إنضاف مخدع فوق عصا فرامل اليد .....

هتفيد جدا فى الاحتفاظ بالسيديهات او ماشابه....
بس كفايه كده ولو افتكرت حاجة تانية هقول على طول

سلام يا كبير الساجاويهمحمد عبد المجيد

يا سلام اهو كده بدأنا بخطوة ورا خطوة ايوا كده يا رجالة حسسوني اني معقد واني عمال ادور على اي حاجة في العربية وخلاص
والله يا اخي احنا بقى ها نبص عليهم خطوة خطوة ..
حتة الإضائة فكرة ممتاااااااااااااازة فعلا ومش عارف ازاي فاتتني ولكن يمكن انا أقلمت نفسي معاهم يعني بقيت حافظهم الى حد كبير جدا يعني تقدر تقول كده اني مثلا حافظ اني مثلا على الـ D يبقى اللي فوقو على طول N وهكذا .... ولكن برضوا هيا اضافة معتقدش ها تبقى غالية اوي في العربية وها تفيد جدا للإخوة اللي مش حافظين ..
وحتة الإزاز دي برضوا انا معاك وانا اللي تاعبني انه التوكيل مانع اللعب في كهربة العربية نهائيا الا تحت اشراف مباشر منهم لضمان انه العربية ها تكون سليمة 100% ولكن معاهم حق بصراحة في الحتة دي ..
هوة والله مسند او مخدع الإتنين ها يوفوا وزيادة خصوصا وانه اوتوماتيك والإنسان بيحب يسند ايدوا وهوة سايق ..

وخليني اضيف حاجة افتكرتها حالا غريبة جدا جدا جدا جدا
دلوقتي لو حد راكب جنبي وعمااااااااااال يلعب في الإزاز بكل بساطة ها ادوس على زرار منع الأطفال من العبث وده ها يخلي الزرار عندوا ميشتغلش !! ولكن الأغرب انه عندي انا كمان بيقف يعني انا بردوا مقدرش اتحكم في افزاز بتاعوا :D طيب ايه الفكرة في كده مش عارف الحقيقة المفروض بدوستي للزرار الزرار اللي عندوا يتلغي واصبح انا المتحكم الوحيد في الزجاج مش يبقى زي زيو !!!!

إسمحولي أشارك في الموضوع الرائع ده يا شباب
بصراحة أنا أتنى لو يزودو مكن رفع للإزاز وغير كده يخلو الإزاز بتاع الأربع أبواب ينزلو من ضغطة واحدة على الزراز متهيألي مش مش محاجة صعبة بس مريحة ولا إيه رأيكم يا شاب

انا مع حضرتك في حتة الإزاز ينزل لحد الأخر دي لأنو عندي ورا برضوا مش لحد الأخر وليه ليمت معين فقط .. وحاجة جميلة ومنتظرين اضافات اخرى من حضرتك ..

طيب الموضوع حلو و كل حاجه بس احنا هنا يعتبر بنكلم نفسينا لازم حد يوصل صوتنا ده لبروتون الام علشان يتم التعديل علي السيارات في المستقبل

بما ان انا معايا ساجا هزود كمان كام حاجه كدا علي اللي قالوه الاخوه الافاضل الاخ سيد و الاخ megarekab

ان يكون الكاسيت به فتحه اي يو اكس و يو اس بي زي الشكل الجديد للساجا اللي مش هتنزل مصر دلوقتي و ان يكون الزجاج الخلفي بينزل للأخر و ان يكون المدي بتاع السنتر بتاع المفتاح كبير شويه لأنو المدي صغير اوي وجود مخادع للكنبه الخلفية و كونسول بين الكرسيين الاماميين و مالتي فانكشن في طارة الدركسيون

اعتقد بأنه ايصالها لن يكون شئ صعب يا لبيد يعني ببساطة لو اجمعنا انه ملاك الساجا مثلا الـ 30 واحد عايزين كذى وكذى وكذى ببساطة ايميل فيه ارقام الشاسيه عشان يتأكدوا انو احنا ملاك للسيارة ونناقشهم في التعديلات دي هية مش ها تبقى لينا ولكن ها تبقى لمجرد الإضافات الجديدة في الأجيال القادمة من مستخدمين سابقين ...وانا مع حضرتك جدااااااااااااااااااااااا في حتة مدى الريموت دية جدا جدا جدا انا تقريبا العربية مش بتفتح الا وانا واقف في بقها بس اكتشفت انو ده في كل سيارات بروتون يعني مش في الساجا فقط وده واضح ويبدو انه لغرض ما ولكن معايا واحد صاحبي معاه سيراتو الحقيقة بيبقى في الدور الرابع = 4 * 3 = 12 متر اللهم صلي على النبي وشغالة برضوا ولكن احنا برضوا بنتكلم في انه دي شئ لازم يضاف لأنه شئ مفيد وليس له ضرر ولا اعتقد انه ذو قيمة كبيرة ..

ياريت يضيفو للانوس جي بي اس وفرامل اي بي اس ومرايات وكراسي كهربا وجنوط سبور ودي في دي لانها حاجات مهمه
ههههههههههههههههههههههههه هههه

ياباشا اللانوس بقالها 10 سنين مغيرتش شكلها حضرتك عايزها تنزل بالكلام ده كلوا يبقى العربية سعرها ها يبقى في الهوا خالص ههه + الفرامل الـ ABS ها تحتاج نظام فرامل كامل وتغير في الـ ESU والجنوط دية بقى حاجة اوبشن لحضرتك ممكن انتا تركبها لكن كل سيارات بروتون والحمد لله بتنزل بجنوط وشيك جدا الحقيقة .. وتحياتي لك ياباشا ويا مسهل ونراسلك شركة شيفروليه ...

انا هتكلم بالنسبة للواجا
كان نفسي تبقى ثباتها احسن من كدة زي الواجا القديمة
هتقولولي ازاي هقولكو العربية لازم تبقى واطية اكتر من كدة بكتير وكمان جنوط 16 زي زمان وياريت لو فيه فتحة سقف يبقى حلو اوي كدة

اتصدق فعلا يا فيلكس مش عارف ليه بروتون مش عامله عربيات هاي لاين بفتحة سقف خالص مع انو انا شايف انها هتبقي ملهاش حل لأن برتون اساسا عربياتها ذات شكل رياضي فتحة السقف بقي هتدي للعربيه شكل احلي كمان بكتير

السلام عليكم ورحمة الله وبركاته

انا معايا جين 2 2009 , انا فعلا كنت اتكلمت قبل كده عن موضوع الساعه والجراب النظاره
ومثبت السرعه , وكمان كان نفسي يزودو الكنبه الخلفيه بمسند , و الحاجه اللي بدايقني
اني ساعات ببقي في مكان مظلم واجي ادور العربيه مابقاش شايف مكان المفتاح ليه ميعملوش
رينج نور حوالين المفتاح وهو موجود فعلا بس مش بينور ...