ايهما افضل بدون تحيز نيسان اي اكس فول اوبشين ولا الالينترا اول فئة اوتوماتيك

**AbuHusam2** · 12-06-2010 10:39 PM

أخي الكريم.. واضح من إن كفة الصني أرجح وجه للاعتبارات اللي ذكرها الزملاء:
موتور قوي
وكيل ممتاز
إعادة البيع أصبحت ممتازة لأن الطلب عليها زاد قوي بعد انتشارها في السنوات الأخيرة

وخليني أضيف ميزتين هايفرقوا معاك كتير لأنك بتسافر يومياً:
1-الثبات على الطريق.. ثبات الصني ممتاز وفوق الرائع مقارنة بالإلنترا
2- سيارة اعتمادية ومعمرة.. يعني تقدر تثق فيها وتسافر بيها في أي وقت بدون قلق.. ووقت ما تحتاجها فجأة ما تخذلكش أبدا..

آخر وأهم حاجة إن دركسيون الإلنترا خطر لأن الباور بتاعها ناعم جدااااااااااااااا.. ودي ميزة في الزحام داخل المدينة لكنها خطيرة في السفر.. وربنا يسترها معانا كلنا..

**eng_ahmedryad** · 12-06-2010 11:26 PM

المفروض يكون في قسم المقارنات لعدم التحيز

عموما هاختصر كالتالي :

مميزات الألنترا:
1. محرك أقوى 121 حصان 156 نيوتن (يتحمل السفر دون عبئ خصوصا مع تشغيل التكييف )
2. إتساع داخلي وصالون مريح
3. شكل أفخم ( أزواق ) وأحدث ( بدايته 2007 )
4. أنعم في السواقة من ناحية الباور والأحساس بالطرق وسحب المحرك وصوته
5. قطع غيار أكثر إنتشارا
6. إعادة بيع أفضل بكثير
7. إستهلاك بنزين أقل

مميزات الصني:
1. توكيل أفضل
2. صاج أقوى
3. ثبات أفضل ( بعد 120 لـ 160 )
4. سيارة ياباني بتقفيل مصري
5. وسائل أمان

**abou_ruqi** · 12-06-2010 11:33 PM

المشاركة الأصلية كتبت بواسطة salma2001

أنا معاك بس الصني ضيقة عن الالينترا و بعدين بأحسن انها تقبله شوية في البيع
وبصراحه أنا اول مره اشتري عربيه فمحتار جداً
وكمان أنا بسافر كتير لان شالي في الشرقية و أنا من سكان القاهره فأيهما افضل للسفر يعني تستحمل البهدله و المطبات ربنا يكفيني شرهم

بتسافر كتير ؟؟؟ يبقى أكيد مش هيونداي !!!

**mkelio** · 27-06-2010 02:57 PM

الالنترا باور كهرباء لذلك هو خفيف جدا و على السرعات العالية بيبقى مية و ده عيب مش بسيط ، كماليات الصني أعلى و عشان تجيب الكماليات دي فى الالنترا حتوصل ل 118 الف جنيه تقريبا ، ثبات الصني أعلى بكتير عن تجربه ، نيسان عشان تخرج من موضوع تقفيل مصري و بتاع عملت حاجة انا شايف انها منتها الثقة فى عربيتها و هى انها نزلت كل عربيتها تحت شعار made in nissan يعني نيسان هى الي عمله العربية دي حتى لو فى المريخ

**bmya** · 27-06-2010 04:56 PM

انا سوقت الالنترا ومعايا صني 2008
الالنترا نعمه جدا
عزلها ممتاز
موتورها سلس وسحبه ممتاااز
من جوه شكلها مودرن اكتر وواسعه جدا ومريحه قوي في الصالون
الباور بتاعها كهربه ناااااااااااااااااااااااع م من هنا لبكره بس بيتقل لما العربيه تسرع (سيبك من الكلام اللي ملوش لازمه بتاع البارو ناعم وخطر على فكره انا معايا دايهاتسو سيريون 2008 وباور كهربه برده والعربيه بمشي بها 160 وبكون سايب الدركسيون خالص وعمره ما يتهزز ولا يروح يمين ولا شمال عكس الباور الزيت )
عفشته طريه زياده عن اللزوم وبتهبط قوي على الارض لما حد يركب وره

الصني
ناشفه شويه تحس فيها انك راكب اوبل قديم مثلا
يعني عفشتها ناشفه بس تستحمل جدااااااااااااااا
موتورها شدييييييييييد جداا ماشاء الله وسحبه روعه بس خشن شويه
عزلها جيد بس اقل من اللنترا
تقيله على الطريق
الباور بتاعها تقييل اتقل من البومه ! بس معقول
الفرش بتاعها ناشف ومش مريح
التابلوه بتاعه كلاسيكي قوي
لكن تتفوق على الالنترا في الثبات والصاج وعوامل الاماااااااااااااان ودي بجد ميزه متديش بالساهل وكمان تغطي عىل كل عيوب الصني

بالنسبه لقطع الغيار الصني موجوده في كل حتتتتتتتته
وعلى فكره بتتتباع حلو جدااا لان سعرها منافس جدا جدا
وعلى رأي واحد تاجر عربيات وما ادراك بقه بالتجار قالي بالحرف كده الصني دي ركووووووووووبه وتحس فيها بنشوفيه الاماني

**mdouglas** · 27-06-2010 10:02 PM

اخى الفاضل الرد ده مش انا شغال فى نيسان بس ده للضمير الهيونداى بجميع فئاتها لا يوجد بها وسائل امان واكثر حوادثها لا يريك الله يارب لا السيارة ورق فعلا واسئل واحد مجرب عربيه هيونداى

**tefafathy1** · 28-06-2010 09:42 AM

انا حاسس انكم متحاملين على الالنترا زيادة عن اللزوم ..

الصنى عربية جميلة فعلا و كل حاجة .. بس العيوب أكتر من المميزات .. أسأل كده عن عيب الدفيرة بتاعة الكهرباء ؟؟!!
والله واحد صاحبى معاه صنى بيلعن اليوم اللى جابها فيه .. و بيقولوا والله العظيم لو معايا 128 كانت هتبقى أرحمله من اللى شافه .. من مشاكل فى الكهرباء ( وده بأعتراف التوكيل أنها كانت مشكلة فى معظم الصنى و إتعالجت :s ) بالأضافة الى شوية حاجات كده غريبة بتحصل لوحدها .. زى فتح تنك البنزين لوحده و مش بيرضى يتقل .. مع تقفيل سئ .. مع إستهلاك بنزين عالى .. مع حك فى معظم المطبات اللى موجودة فى الشارع ..

على فكرة أنا مش بقول إن الصنى وحشة . لأ طبعا الصنى إسم كبير. بس بقالها فترة عيوبها كتير اوى ومش زى زمان ..

الإنترا عربية جميلة بشهادة كل اللى راكبينها .. اما بالنسبة لوسائل الأمان فا معاكو حق طبعا .. الثبات رائع العربية ناعمة بشكل كبير جدا .. قطع الغيار منشرة جدا و كل قطعة عندك منها 4 أنواع .. كورى أصلى و صينى و تايوانى ..
الوسع الداخلى جميل , شكل أحلى , موتور رائع و سعر إعادة البيع مرتفع ..

إستخير الله وشوف متطلباتك إيه وربنا يكرمك بالخير.

**Memo_Lancer** · 28-06-2010 02:10 PM

نيسان و توكل علي الله
مع ان الش كل الجديد وشه مش انسيابي
بس عربيه تحفه

**golf2010** · 29-06-2010 12:20 AM

انا هتكلم بمنتهى الأمانة وماليش أي مصلحة في أي شركة من الإتنين الي أنا سوقتهم لفترات طويلة لأن عربية الشغل نيسان صني, وابن خالي سافر السعودية وسايب الإلنترا بتاعتو عندنا بسوقها كل فترة شوية وأنا هقولك الي انا شايفه:
الإلنترا:-
1-أشيك
2-أوسع
3-أنعم على الطرق والمطبات.
4- باور أنعم.
5-عزل أكبر.
6-تسارع أكبر.
8-انا جبت بيها والله العظيم 180 وكان ثباتها معقول بس أقل من الصني برضو.
9-قطع غيارها أرخص.
10- سعر إعادة بيعها أعلى.

الصني:
-ثبات اعلى.
-صاج أقوى.
-عمر إفتراضي أطول (للموتور فقط).
-وسائل أمان.
-ده راكب "ياباني" هههههههه.

انا بنصحك بالإلنترا للأسباب الي قولتها بالإضافة الى أن شكل الصني مش عاطفي خالص وضيقة وتقيلة شوية في السحب عن الإلنترا.
انا على فكرة دايماً بقول الياباني أفضل من الكوري بس اما تيجي تقارن بصراحة بين الصني والإلنترا هتحس ان في فرق في الموديل حوالي 4 او 5 سنين لصالح الإلنترا.
خلاصة الكلام رأيي هو هيونداي النترا واستخير الله