ايهما افضل بدون تحيز نيسان اي اكس فول اوبشين ولا الالينترا اول فئة اوتوماتيك

**zkralla** · 29-06-2010 02:42 PM

ارشح النيسان ...

**zezmograby** · 03-07-2010 03:44 AM

الالنترا متعة في السواقة
النيسان صوت الموتور عالي اوي مع الكيك داون تحس ان الموتور هينفجر بس بيرمي ل100 بسرعة
الانترا احسن بكتر في السواقة وانعم انصحك بيها بشدة
لو اترددت سنة بسيطة
فكر في اللانسر كسر الزيرو مفهاش كلام

**SAMEH_FOUAD** · 03-07-2010 04:37 PM

المشاركة الأصلية كتبت بواسطة tefafathy1

انا حاسس انكم متحاملين على الالنترا زيادة عن اللزوم ..

الصنى عربية جميلة فعلا و كل حاجة .. بس العيوب أكتر من المميزات .. أسأل كده عن عيب الدفيرة بتاعة الكهرباء ؟؟!!
والله واحد صاحبى معاه صنى بيلعن اليوم اللى جابها فيه .. و بيقولوا والله العظيم لو معايا 128 كانت هتبقى أرحمله من اللى شافه .. من مشاكل فى الكهرباء ( وده بأعتراف التوكيل أنها كانت مشكلة فى معظم الصنى و إتعالجت :s ) بالأضافة الى شوية حاجات كده غريبة بتحصل لوحدها .. زى فتح تنك البنزين لوحده و مش بيرضى يتقل .. مع تقفيل سئ .. مع إستهلاك بنزين عالى .. مع حك فى معظم المطبات اللى موجودة فى الشارع ..

على فكرة أنا مش بقول إن الصنى وحشة . لأ طبعا الصنى إسم كبير. بس بقالها فترة عيوبها كتير اوى ومش زى زمان ..

الإنترا عربية جميلة بشهادة كل اللى راكبينها .. اما بالنسبة لوسائل الأمان فا معاكو حق طبعا .. الثبات رائع العربية ناعمة بشكل كبير جدا .. قطع الغيار منشرة جدا و كل قطعة عندك منها 4 أنواع .. كورى أصلى و صينى و تايوانى ..
الوسع الداخلى جميل , شكل أحلى , موتور رائع و سعر إعادة البيع مرتفع ..

إستخير الله وشوف متطلباتك إيه وربنا يكرمك بالخير.

هو حضرتك متاكد ان الصنى فيها مشاكل فى الضفيرة اصلى انا مديرى وصاحبى معاهم العربية واحد من الزيرو وواحد شاريها استعمال والعربيتين مافيهومش مشاكل من النوع دة خالص
ثانيا الصنى عالية مش واطية خالص