الموضوع: إستغاثة من أولاد الحلال

المشاركة الأصلية كتبت بواسطة hobaz

ياااااه جيت عالجرح انا في موقف حصلي ولسه لغاية داوقتي بفكر فيه....
انا كنت واقف مرة في اشارة رابعة والمهم العربية اللي قدامي مشيت بتاع 2 متر وطبعا مينفعش في مصر تبقى واقف وقدامك 5 سم فاضيين وكان واقف جمبي اوتوبيس كبير المهم لسه بدوس بنزين وهطلع لقيت حاجة جت صاروخ من ورا الأتوبيس وخابطة في الرفرف الشمال ورا وحتة من الباب والمصيبة كانت وحدة ست والعجلة اللي ورا داست على رجليها......

انا فعلا ساعتها جتلي صدمة ومش قادر استوعب ازاي ده حصل انا عمري ماخبط حد من المشاة قبل كده وانا مش من هواة الجري والغرز والكلام ده اطلاقا والحمد لله...

المهم مجرد ما الست رجليلها فلتت قامت واخدة بعضها وماشية على طول من غير ولا كلمة ولا حتى بصلتي....
المهم حسيت بالذنب اوي اومت نازل من العربية جري وروحتلها اطمن عليها وعرضت عليها نعمل اشعة وكشف في رابعة رفضت اوي وكانت الحمد لله كويسة والمشكلة بتقولي انت ازاي مشوفتنيش كنت لسة هقولها ازاي ده حضرتك اللي داخلة في نص العربية والشارع شبه مبيتحركش اصلا بس بصراحة سكت وكبرت دماغي...

انتو ايه رايكو انا فعلا غلطان ولا ايه النظام لأني لسة لغاية دلوقني مش مسامح نفسي على الموقف ده....؟؟؟

اسف جدا للأطالة....

نصيحة لما تعمل حادثة .. غلطان او مش غلطان .. ادخل شمال فى اللى قدامك حتى لو واحدة ست او بنوتة دلوعة .. بس بالمصطلحات اللى تناسبه .. يعنى لو اللى قدامك سايق الصياعة .. خليك شوارعجى .. اما لو اللى قدامك بيزعق او متنرفز بس باحترام .. ادخل فيه شمال بس بلباقة (علشان ما تحسش بالذنب لو شتمته مثلا و طلع راجل محترم و مش بتاع مشاكل) .. حتلاقى الناس كلها بتهديك .. اعمل كانك هديت و شوف الاضرار و مين كان غلطان .. المبدأ هو (خير وسيلة للدفاع هى الهجوم) .. و لو حد اتدخل (و ده كتير فى حالة وجود بنت فى الحادثة) تقوله جملة واحدة (خليك فى حالك و ماتحشرش نفسك و اتكل على الله من هنا) .. و جه حايخلى اى حد تانى من اللى عاوزين يجاملوا يتلموا و يمشوا من سكات .. او يهاجموا اللى عامل شهم و عاوز يجامل

لا حول و لا قوة الا بالله

محدش يسخني أنا مولع أساسا ...... و نفسي أمشي قبلك