الموضوع: هو الكمبورسور ممكن يتصلح

المشاركة الأصلية كتبت بواسطة newhansol

لا طبعا وهوة يعنى الاستيراد دة مش كان شغال
ولا هاتجيبة فى كيستة
ولما تركبة وبعد شوية بيوظ ولا يحصلة حاجة هايقولك اة انت عملت كذا هاتقولة اة لية هوة غلط
هايقولك اخ ماينفعش كدة طبعا انت ازاى تعمل كدة كان المفروض تعمل كذا
طب الحل حضرتك
مش عارف والله كان معاك كمبروسر استيراد زى الفل ماتلاقيهوش فى عربيات اليومين دول بس انت بوظطة
معلش حضرتك بقى دة مش هاينفع نعملة حتى طقم اصلاح
ممكن تسيبهولى يومين نجرب ولو كدة هادخلهولك فى واحد تانى وتدفع ميت جنية وربنا يسهل
وطبعا تمشى من قدامة على امل انك تلاقى التكييف يشتغل تانى ويطلع هوا ساقع وتقعد فى العربية وتقفل الازاز وتقول احمدك يا رب على نعمة التكييف

بص هاقوك لحضرتك على حاجة من الاخر انا اتعودت اعملها مع الصنيعية
يقولك يمين خليك شمال يا عم يمين لا هية شمال باذن الله ومالكش فية هوة انت الى بتدفع ولا انا بس انت اعملة بما يرضة الله وسيبها على الله
قولة انا هاركبلة طقم جوانات ومش مشكلة لو مانفعش هابقى ارمية واجيب جديد

نصيحة بقى من واحد طلع عين اهلة عند الصنيعية
ركب طقم جوانات وغيرلة زيت وشوف الملف بتاع الكلاتش اية ظروفة شغال ولا ضعيف ولا عايز يتغير وبعدين يقفلة ويضغطة ويشوف فى تسريب ولا لا
كل الليلة دى ماتكلفش 60 جنية لو مانفعش بقى ابقى ارمية وخلاص وهات الى بيقولة علية دة استيراد

علشان ماتبقاش رميت الكمبروسر القديم وانت شاكك انة يكون فية نفس
ولا اية

متشكر جدا على الرد ان شاء الله هاروح اعمل كدا و اقولكم النتيجة

المشاركة الأصلية كتبت بواسطة dr_magdi2009

متشكر جدا على الرد ان شاء الله هاروح اعمل كدا و اقولكم النتيجة

رحت بتاع التكييف النهاردة قالى مافيش امل فى التصليح من غير فك
و قالى ان اليابانى استيراد احسن علشان هايكون خفيف على الميوتور معقولة ... ولا كلام بيقعنى بيه
و الى الان مش عارف اعمل ايه و ميعاده معايا بكرة على تكريب واحد جديد