إلنترا .. نيوسيراتو .. نيسان تيدا .. لانسر 1600 ..!!

**amrseba** · 10-06-2010 12:56 PM

بص انا رأى ما دام دخلت لانسر 1600 يبقى السيراتو متخشش ولا الانترا تخش

اولا الانترا مفهاش ثبات عشان الدركسيون الباور بتاعو ناعم جدا فاتحكم بتاع العربيه سئ وكمان الانترا من غير كوتش عريض ضايعه
وده اول سبب يخلى الانترا خارج المنافسه

السيراتو
عفشه سيئه كعاده كيا وبعض العيوب الى انتشرت فى الفتره الاخيره واصحابها يقولو ديه عيوب فرديه وكمان العربيه لسه متجربتش محدش عارف لما تجيب فوق 100 الف كيلو اى المشاكل الى هيحصل فيها بس ثابتها جيد قطع غيراها غاليه نسبيا سحب الماتور جيد وصوته العزل بتاع العربيه جيد جدا

الانسر عربيه موجوده فى مصر بقالها اكتر من 7 سنين والعربيه لاغيت دلوقتى اصحابها بيشكرو فيها جدا حتى 1300 كويسه جدا وقويه وسريعه و كمان ال 1600 ديه حاجه تانيه خالص وكمان العفشه كويسه والثبات معروف عن لانسر الثبات وبصراحه ثباتها يكسب التلاته وتقفل بيها عداد والعزل جيد جدا والتكييف جيد جدا كعاده اليابان فى صناعه التكييف وسحب الماتور جيد جدا

التيدا معرفش فيها اى حاجه وانا معنديش معلومات عنها بس التيدا ثباتها مش زى لانسر خالص وميزتها كمان اننها واسعه جدا من ورا وقدام

على فكره افضل حاجه الانسر بنسبالك عشان هتقعد معاك العربيه 5 سنين وعايز قطع غيار كويسه وتوكيل محترموكل حاجه يبقى لانسر من غير متفكر

**ICE_MAN** · 17-06-2010 03:12 PM

المشاركة الأصلية كتبت بواسطة amrseba

حتى 1300 كويسه جدا وقويه وسريعه و كمان ال 1600 ديه حاجه تانيه خالص وكمان العفشه كويسه والثبات معروف عن لانسر الثبات وبصراحه ثباتها يكسب التلاته وتقفل بيها عداد

اسمحلى اختلف معاك بشدة لان اللانسر البومة مش بتاعة جرى والا سحب ولا تقفيل عداد تماما

ده مايمنعش انها تقفيلها ممتاز و سعر اعادة البيع كمان ممتاز لكن الموتور ضعييف جدا فى ال 1300 و ال 1600 كمان