الباسات tsi أم المرسيدس سي 180 كومبريسور

**tarekfar** · 06-07-2010 10:37 PM

هذه اول مشاركة لي في المنتدى ، وانا مصري اعيش في المانيا من 7 سنوات ولدي من العام الماضي سيارة باسات كومفورت لاين tsi موديل 2009 وهي سيارة رائعة بكل المقاييس واهم مزاياها استهلاك الوقود المنخفض ومساحتها المتسعة وخاصة صندوق الأمتعة وكذا السيارة بها نافيجيشن سيستم وشاشة dvd. وكنت انوي اخذها معي إلى مصر عند عودتي النهائية

الموضوع هو أن شركة مرسيدس في المانيا توقفت منذ مارس هذا العام عن انتاج السي 180 موتور 1600 سي سي وبسؤال الشركة افاد مسئول البيع ان سبب التوقف عن الانتاج هو ان انبعاثات العادم من هذا الموديل مرتفعة لذا توقف انتاجها من 4 اشهر وتم احلالها بالموديلات cgi ، ويوجد عدد قليل من السيارات في المخزون من موديلات 2010 بخصومات محترمة جدا قد تصل إلى 15% لذا افكر في بيع الباسات وشراء المرسيدس استفادة من الخصم وكذا اسم مرسيدس وحفاظها على قيمتها في مصر وشيء أخر يميز السي 180 وهو انه يكمن تزويدها بوقود بنزين 91 على عكس الباسات التي تأخذ على الأقل وقود 95 وسمعة توكيلها في مصر اللي مش ولا بد ولكني مستخسر التخلي عن الباسات خصوصا ان الأوبشن فيها ستكون اكثر من المرسيدس فضلا عن مساحة السي 180 الضيقة ومساحة صندوق الأمتعة الصغيرة مقارنة بالباسات وانا لدي طفلان كبيران في العمر 12 و 10 عام

أرجو الافادة من أصحاب الرأي والخبرة افادكم الله

**M7amD_7amDy** · 06-07-2010 10:46 PM

الأول أهلا وسهلا بيك معانا فى المنتدى وتيجى مصر بالسلامة :)

بص ياسيدى العربيتين طبعا لاغبار عليهم وطبعا انا لو مكانك هكون محتار جدااا جدااا

بس لو أنا مكانك فعليا هجيب ال سى 180 وخصوصا بعد الخصم أكيد هيكون مغرى

بصراحة مش عارف ليه بس كفاية انها من مرسيدس وبصراحة لما بكون ماشى وشوفت باسات معدية عادى ومش بتلفت نظرى عشان موجود منها كتير

إنما ال سى 180 بصراحة بتجننى لما بشوفها حاجة بسم الله ما شاء الله

أستخير ربنا وربنا معاك ويوفقك :))

**Nile Heart** · 06-07-2010 10:49 PM

غريبه قوى حكايه توقف انتاج ال 180 دى!!!

ماهى بتيجى مصر من المانيا والحجز عليها ييجى 3 شهور!

ولا التوكيل هنا بيستغل الموقف وبيجيب المخزون من المانيا ويعمل علينا نمره؟!!

**tarekfar** · 06-07-2010 10:58 PM

المشاركة الأصلية كتبت بواسطة Nile Heart

غريبه قوى حكايه توقف انتاج ال 180 دى!!!

ماهى بتيجى مصر من المانيا والحجز عليها ييجى 3 شهور!

ولا التوكيل هنا بيستغل الموقف وبيجيب المخزون من المانيا ويعمل علينا نمره؟!!

أخي العزيز ادخل على موقع مرسيدس المانيا www.mercedes-benz.de وبحث في الفئة سي ستجد ان الموتور الكومبريسور 1600سي سي غير موجود حاليا ويمكنك استخدام جوجل لترجمة الموقع الى اللغة الانجليزية حتى تستطيع التجول فيه

ثانيا سأخطرك بشيء اغرب يخص الباسات ، عندما اشتريت الباسات العام الماضي طلبتها 1600 سي سي اتوماتيك مثل الموجودة في مصر ففاجأني البائع انه لا يمكن ان تكون الباسات 1600 سي سي اتوماتيك هي مانيوال فقط ولما اعترضت وقلت له انها تباع هكذا في مصر قال لي مستحيل ميكانيكيا لا تصلح ، وفي النهاية قمت بشراء TSI تربو 1.4 نقل DSG 7 قل اذن من اين كانت تأتي الباسات 1600 سي سي الأتوماتيك

انا لا ادري ماذا تفعل التوكيلات في مصر اصلا

**esslynx** · 06-07-2010 11:04 PM

المشاركة الأصلية كتبت بواسطة nile heart

غريبه قوى حكايه توقف انتاج ال 180 دى!!!

ماهى بتيجى مصر من المانيا والحجز عليها ييجى 3 شهور!

ولا التوكيل هنا بيستغل الموقف وبيجيب المخزون من المانيا ويعمل علينا نمره؟!!

مش اول مره وكيل يعمل نمره فى البلد دى

**tarekfar** · 06-07-2010 11:14 PM

بالمناسبة انا ما قلتش السي 180 وقفت انا بأقول اللي بموتور كومبريسور 1600 سي سي اتوماتيك هي اللي وقفت في مارس لسة فية سي 180 بموتور CGI ولكن 1800 سي سي ومانيوال فقط مش اتوماتيك

**tarekfar** · 06-07-2010 11:49 PM

سؤال اخر يا جماعة الخير أي توكيل فيهم احسن من التاني انا سمعت ان توكيل فولكس تاعب الناس اخبار توكيل مرسيدس ايه

**Ahmed Selim** · 07-07-2010 12:38 AM

حسب معلوماتى توكيل فولكس متعب شوية....و توكيل مرسيدس أفضل منه.

تفكيرك فى موضوع البنزين سليم طبعاً.....و برضه الباسات واسعة أكتر و فيها كماليات أكتر.....يبقى الحل أنك تشوف أنت حابب أيه أكتر.....الوسع و الكماليات أم التوفير و برضه هتبقى راكب مرسيدس مش حاجة أى كلام.

و برضه شوف الموضوع حسابياً.......دى جماركها كام و دى جماركها كام....و قارن تكلفة الأتنين لما تنزلهم و تكلفتهم فى مصر....ممكن تلاقى المرسيدس واقفة عليك أرخص لو جبتها من الباسات ( مثلاً ) و فى نفس الوقت مرسيدس سعر أعادة بيعها فى مصر بيبقى ماسك نفسه كويس.

-

-

الموضوع: الباسات tsi أم المرسيدس سي 180 كومبريسور

LinkBack

أدوات الموضوع

عرض

-

-

-

المواضيع المتشابهه

صوت زنه في كومبريسور التكيف

الى متخصصى الباسات استفسااااااااار بسيييييط بخصوصو الباسات

كومبريسور التكييف

كومبريسور استيراد

الكلمات الدلالية لهذا الموضوع

المفضلات

المفضلات

ضوابط المشاركة