ازمة المحاميين تأخذ بعدا جديدا

**elassar2010** · 10-06-2010 07:17 PM

تعليق منقول على رفض مجلس الشعب التدخل لحل ازمة المحامين والقضاة

الحل هو البشعة
لما مجلسنا الموقر لايتدخل فى حل اكبر نزاع فى تاريخ مصر الحديث داخل المنظومة القضائية , يبقى نروح الجبل ونعمل قعدة رجالة ونلبس طرح ويلحسوا البشعة وبعد كدة يقوم شيخ القبيلة ويلطش للاثنين ويقولهم قوم ياد انت وهو حبو على راس بعض واتحلت يامعلم .وبكدة نخف الاعباء على المجلس الموقر

**mr_sameh** · 10-06-2010 07:18 PM

طبعا الموضوع انا عارفه كله من الاول للاخر وبالحكم اللي طلع في 24 ساعه ده بين القضاه علي حقيقتهم قدام الشعب واعرفكم كمان ان مفيش صراع حصل بين القضاه والمحامين الا بينتهي لصالح المحامين والتاريخ بيقول كده وخبرتي بتقول كده واذا كان القضاه قوتهم في الحصانه فالمحامين قوتهم في اتحادهم مع بعض والموضوع لان ينتهي الا بخروج المحاميين من محبسهم

**Abdo_Eldesokey** · 10-06-2010 07:28 PM

الأزمة دي فتحت عيون الناس على حقيقة مرة ، وهي إن وكلاء النيابة الي المفروض إنهم بيمثلوا العدالة متعينين بالكوسة والوسايط

يبقى فين العدالة ؟

" فيك الخصام وأنت الخصم والحكم "

بس أنا شايف إن الأزمة دي حاجة كويسة ، أول مرة نقابة تقوم باضراب ناجح زي ده

وبالنسبة للعنف الي حصل ، مش لازم نعمم ده تصرف فردي

يعني الراجل الي ضرب واحد بمطواة ده تصرف فردي

لكن المفروض المحامين يبقوا متعقلين شوية عشان ميدوش لحد فرصة يمسك عليهم زلة

**mostafabakry** · 10-06-2010 07:28 PM

المشاركة الأصلية كتبت بواسطة Ahmed Anwer

و خمس سنين سجن عشان اعتدي علي واحد !!!!

ده بتاع العبارة مخدهاش ،،،

انت جيت علي الجرح و دوست يا باشا

يبقي انت اكيييييييييييييد اكيييييييييييييييييييد في مــــصــــر

**M.almaghraby** · 10-06-2010 07:35 PM

بصراحة مصر مفيهاش حاجة عدلة......

**thedeveloper87** · 10-06-2010 07:49 PM

طب واللي ضرب المحامي بالقلم؟ مايتحبسش ليييييييييييييييييييييييي يييييييييييه؟؟؟؟؟؟؟؟؟؟

يمكن يكون اللي بيحصل ده بداية فاتحة خير للجميع

**mahmoudselim** · 10-06-2010 07:58 PM

تلاتة بالله العظيم المحاميين دول رجاااالة وال بيعملوة دا هو صح الصح في الظروف ال فيها البلد دلوقتي,, انسي مفواضات والكلام دا, ولازم الشعب يقف معاهم في أذمتهم دى, حتي لو ماكنش مقتنع انهم صح بس هما في الاول في الاخر بيقفوا امام رمز الظلم في البلد دي .

**sherif_taher** · 10-06-2010 07:59 PM

الناس بتقوا ان القضاء المصري عادل هو فعلا عادل لما يبقى بعيد عن حد مهم....بس لو حد مهم او معاه حصانه من اي نوع لو عمل مشكله هتلاقي المحضر متقطع و لو راح النيابه يكلم سياده النائب العام و الموضوع يخلض يعني مش هيوصل انو يتحط تحت السكينه .........ده غي وكلاء النيابه اللي معظمهم دلوقتي متعينين بالواسطه و غير كده استحاله الا لو طالع من الاوائل و تروح تفضحهم عشان تخش..وبعدين لما يدخل تكيه القضاء يترقى لدرجه انو بيوصل رئيس نيابه و هو حوالي 30 سنه (من الواقع واللي مش مصدق يسأل)....و شويه يبقى قاضي و حاسب الباشا و الباشا جه و راح.....طيب ما طبيعي انو يكون و اخد الحساه بالكتف ما هي حياته كلها كانت مشايه كده......احنا بس اللي مش واخدين بالنا...

**mr_sameh** · 10-06-2010 08:38 PM

المشاركة الأصلية كتبت بواسطة akramlail

لو حد فيكم شاكك ان المحامين مش من حقهم يعملوا كدة اظن كلنا عارفين وشايفين فى الشارع بس الظباط الى هما اقل من النيابة وتعاملهم مع الناس وشايفين عربياتهم وملصقاتهم اللى بتقول لكل واحد اوعى تقرب منى
ياريت الشعب يتعلم من المحامين ويطلب حقة زيهم وكفايانا اهانة من مجموعة المفروض انها بتخدم الناس مش تذلهم وتتحكم فيهم

مشكور علي تعاطفك مع المحامين لكن اللي بيحصل لينا في المحكم من بتوع النيابه اهانات يوميه ومستمره وبتوع النيابه كلهم اول ناس مخالفين للقانون

المشاركة الأصلية كتبت بواسطة akramlail

اما بالنسبة لوكيل النيابة غير تعاملو فى الشارع مع الناس اللى احنا عارفينة
فى المحكمة بقى انت اصلا متقدرش تدخلوة تعاملك كلو مع الخادم بتاعة برة عالباب يديلو الورق وهوة يتعامل وممكن تديلو قرشين
اما لو مروح او ماشى فى الطرقة فى واحد قدامو بيوسع عشان مفيش حد يخبط فى او يعطلوة
اما عربياتهم اللى ركنا فى الشارع تحت المحكمة وقافلة الشارع والونش واقف ولا كانو شايفهم
اقولكم روحو اتفرجو بنفسكم

عندك حق في كل كلمه وكمان اكتر من كده تخيلو ان وكلاء النيابه معفيين من دفع المخالفات وده بقوة القانون

المشاركة الأصلية كتبت بواسطة mohamedbook

هل من العدل ان واحد لما يعتدي علي واحد سواء بلفظ سيء او بالايد وكمان لم يحدث له عاهه مستديمه اسجنه 5 سنوات
في قضايا في المحاكم واحد بيقتل واحد يباخد 3 سنين ويقولوا مشاجرة
واحد بيعمل عاهه مستديمه لواحد بياخد ممكن6 شهور سنه سنتين 3 سنيين
عشان هو وكيل نبابه وتقريبا لمس الجاكت بتاعة اعطاله 5 سنين
حاجة تجيب شلل رباعي

الحكم ده بين الحقيقه المره اللي كلنا عارفينها لاكون مش قدرين نلمسها بايدينا لكن الحكم ده بين الحقيقه

المشاركة الأصلية كتبت بواسطة ahmed nouh

يعنى لما وكيل النيابه ضربه كان هو المفروض يروح يقدم بلاغ فيه كدا علطول ؟
كان ساعتها وكيل النيابه هيتحبس 5 سنين صح !!!
نخلى الكلام يعقل , الله اعلم مين بدأ بس حصل ان الاتنين ضربو بعض ده بعيدا عن ان المحامى اتعمل عليه حفله هل يبقى العقاب لطرف واحد بس حتى بدون حق الدفاع عن نفسه

اللى عملوه المحاميين ده اقل بكتير من الواجب ومش بلطجه ولا همجيه طالما السلطه اساسا بدأت التعامل معاهم بأسلوب اخبط دماغك فى الحيطه يبقى حق الرد بأى وسيله مكفول

للاسف احنا مش في ادينا حاجه غير اننا متحدين مع بعض

المشاركة الأصلية كتبت بواسطة abdo_eldesokey

الأزمة دي فتحت عيون الناس على حقيقة مرة ، وهي إن وكلاء النيابة الي المفروض إنهم بيمثلوا العدالة متعينين بالكوسة والوسايط

يبقى فين العدالة ؟

" فيك الخصام وأنت الخصم والحكم "

بس أنا شايف إن الأزمة دي حاجة كويسة ، أول مرة نقابة تقوم باضراب ناجح زي ده

وبالنسبة للعنف الي حصل ، مش لازم نعمم ده تصرف فردي

يعني الراجل الي ضرب واحد بمطواة ده تصرف فردي

لكن المفروض المحامين يبقوا متعقلين شوية عشان ميدوش لحد فرصة يمسك عليهم زلة

المشاركة الأصلية كتبت بواسطة thedeveloper87

طب واللي ضرب المحامي بالقلم؟ مايتحبسش ليييييييييييييييييييييييي يييييييييييه؟؟؟؟؟؟؟؟؟؟ :i_angr1[1]:

يمكن يكون اللي بيحصل ده بداية فاتحة خير للجميع

للاسف متعينين بتقديرات مقبول وكمان دور تاني لكن للحق هما كمان فيهم ناس محترمه جدا

المشاركة الأصلية كتبت بواسطة mahmoudselim

تلاتة بالله العظيم المحاميين دول رجاااالة وال بيعملوة دا هو صح الصح في الظروف ال فيها البلد دلوقتي,, انسي مفواضات والكلام دا, ولازم الشعب يقف معاهم في أذمتهم دى, حتي لو ماكنش مقتنع انهم صح بس هما في الاول في الاخر بيقفوا امام رمز الظلم في البلد دي .

الحمد لله ان ربنا معانا والناس كمان معانا

**mr_sameh** · 10-06-2010 08:50 PM

المشاركة الأصلية كتبت بواسطة mostafabakry

الموضوع مش هيعدي بالساهل لو الحكومة نشفت دماغها و امطلعتش المحاميين المحتجزين
و اظن ان الموضوع فيه نوع من المجاملة للنيابة
انا اللي سمعته ان وكيل النيابة بدأ بالغلط و المحامي رد الإهانة يبقي المفروض الإتنين يتحاكموا و يتعاقبوا مش بس المحامي
و بعدين لما الحكومة بتحترم و بتحمي القضاء و رجاله أومال الكلام دا كان فين لما مستشار كبير و رئيس محكمة و قضاة كتير انضربت و اتسحلت تحت احذية مجندين الأمن المركزي في الإنتخابات اللي فاتت
و بعدين رئيس الوزراء مستني البلد تولع و تبقي فضيحة عالمية عشان يدخل
انا مش معارف البلد دي ماشية ازاي
انا مش محامي و لكن لازم يبقي فيه احترام لكل مواطن مهما كان وضعة ووظيفته و حتي لو مش شغال القانون فوق الجميع من اصغر بني آدم في البلد لغاية رئيس الجمهورية
محدش خرب البلد غير الحصانات المتخلفة الللي بتعطي لكل من هب و دب
ربنا يرحمنا برحمته و يخلصنا من كل الهم دا انا خلاص قرفان من البلد و من اللي عايشين فيها و جوايا غل و كره لكل حاجة فيها

الموضوع كبير جدا وكمان لما القضاه انضربو واتسحلو علي الارض من عساكر الامن المركزي موقفش معاهم غير المحامين واحنا اللي رفعنا ليهم قضايا علي الحكومه لكن للاسف الواضح انهم بينسو

المشاركة الأصلية كتبت بواسطة dojuar

انا خلاص مبقتش مؤمن بالجملتين دول بشكل تام:

- هيبة القضاء المصري
- لا تعليق على احكام القضاء

مفيش حاجه في القانون تمنع التعقيب علي الاحكام بالعكس من حق اي مواطن ان يتناول الحكم ويتحدث عنه كيفما يشاء بدون المساس بالقاضي والتشكيك في الذمم

المشاركة الأصلية كتبت بواسطة tyler_durden

أسرع قضية في التاريخ
الموضوع حصل يوم الأحد تقريبا نزلت جلسة يوم الأربع و إتحكم في الجلسة ..
فين الشهود ?
فين المرافعة ?
هل يوم أو يومين كافية للإطلاع على ورق القضية سواء للدفاع أو حتى للقاضي ?
هو ده وجه الإعتراض بالنسبة للمحامين ..لم يحدث من قبل أن تم حسم قضية بهذه السرعة مما يثير علامات إستفهام !
هل لو كان الطرف الخر ساعي في المحكمة بدلا من وكيل النيابة هل كنا سنرى مثل هذا التشدد و السرعة في الحكم ?
يؤسفني أقول إن دي نقطة سوداء للقضاء و تؤكد شكوك كانت عند الكثيرين ..

وكمان في بطلان في تشكيل المحكمه لان الهيئه المعتدي عليها هي التي نظرت الدعوي يعني حكم باااااااااااااااااااااااا ااااااطل

المشاركة الأصلية كتبت بواسطة elassar2010

+9999999999
وضيف على دة كمان ان المحامى اتهم وكيل النيابة انة تعدى علية
ووكيل النيابة اتهم المحامى انة تعدى علية
يعنى الاتنين متهمين ومجنى عليهم
حققوا مع المحامى فقط واتهموة فقط
يعنى هما الى غلطانين

وده لان البهوات ليهم حصانه لكن هيتحقق معاهم عند ربنا ان شاء الله

المشاركة الأصلية كتبت بواسطة tyler_durden

زائد مين اللي حقق مع المحامين ..
هو وكيل نيابة زميل !
كان يجب إنتداب قاضي تحقيقات ليحقق مع اطرفين..
لكن تم التعامل مع كلام وكيل النيابة على إنه الحقيقة المطلقة !

لا المفروض يحقق معاه من قبل النقابه زي وكيل النيابه بيتحقق معاه من قبل التفتش

المشاركة الأصلية كتبت بواسطة elassar2010

اصلا فى المحاكمة امبارح هيئة الدفاع طلبت اجل للاطلاع !!!!!!!!!!!!!!1
علشان يقروا مواد الاحالة
يعنى اصلا المحامين ماترفعوش يجى رئيس المحكمة يحكم !!!!!!!!!!!!!!!!!!!!!!!!
والدفاع برضة ذكر موضوع قاضى تحقيق
دة غير ان حبسهم مخالف للقانون لان دى مش جرائم جلسات

الحمد لله ان الحكم ده طلع بالشكل ده علشان الناس تعرف العداله في مصر ماشيه ازاي

المشاركة الأصلية كتبت بواسطة tyler_durden

الموضوع شابه الكثير من التعنت بل و إستعراض القوة في غير موقعها تماما ..
المحامون هم أحد طرفي العدالة مع القضاة و لم يكن يجب معاملتهم على أنهم درجة أدنى و تفضيل طرف آخر عليهم ..حتى لو كان النيابة ..

عمرنا ماكنا اقل من بتوع النيابه وده لاننا مش بناخد تعليمات من حد ضميرنا هو تعليمتنا وان شاء الله اذكركم بان الموضوع سينتهي في النهايه لصالح المحامين لان لوحصل عكس كده هتكون النتائج وخيمه جداااااااااا

الموضوع: ازمة المحاميين تأخذ بعدا جديدا

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

30 موديلا جديدا فى مهرجان السيارات الهندى هذا الشهر

ازمة بنزين لا ازمة ضمير

رجاء من الأخوة المحاميين || استفسار قانوني | بخصوص قانون المصاعد الكهربائية

الى اخونى المحاميين

ملاحظات تأخذ فى الاعتبار وانته بتركن عربيتك

الكلمات الدلالية لهذا الموضوع

المفضلات

المفضلات

ضوابط المشاركة