بإي ذنب قتل خالد (ضحية جديده للتعذيب بالاسكندرية ) و السبب رفض التفتيش !

**akramlail** · 11-06-2010 03:46 AM

متعرفش الشاب دة كان ممكن يكون انت او انا او اخوك وممكن بعد كدة الدور عليك
لابد من رفع صور خالد مع المحامين عشان اللى بيحصل مع المحامين او اللى حصل هوة نفس اللى حصل للشاب دة
بس المحامين اتجمعوا ووقفوا ضدهم والمحامى خد حقة وضربة قدام الناس كلها لو كان مواطن عادى اكيد مصيرة كان هيبقى زى خالد عشان كدة الحكومة معتبرة نفسها هيا اللى اتضربت وبتنتقم

المحامين هم رمز للشعب ضد السلطة الغاشمة والنظام الفاسد
لازم نقف معاهم

**SHNORY** · 11-06-2010 04:42 AM

عدد المشتركين في صفحه خالد وصلوا ل22584
وكل ما بعمل ريفريش للصفحه العدد بيزيد من 10 ل30 عضو
في الثواني اللي الصفحه بتحمل فيها

انا عديت الساعه 1 ونص كده من قدام قسم سيدي جابر
وكان فيه عربيات بوكس واقفه حوالي 7 عربيات
وتواجد امني من ظباط وعساكر ملفت للنظر
بس مكانش فيه تجمهر قدام القسد ولا حاجه
وحسبي الله ونعم الوكيل
-------------------------
انا بدات افكر جديا في موضوع السفر
يعني اخرتها لما تروح دوله عربيه حيحصلك ايه ؟؟؟
حنضترب بالجزم وانت شغال؟؟
ماهو انت هنا بتنضرب بيها ومش لاقي شغل
حتتهان بفلوسهم؟؟؟؟
ما انت هنا بتتهان بفلوسك
علي الاقل
حتتعامل كبني ادم
طول ما انت شايف شغلك كويس حتتعامل كويس وحتاخد اجرك وفلوسك
هنا طول ما انت كويس حتاخد بالجزمه انت واهلك واللي يتشددلك
هنا اهالينا اشتغلوا 40 سنه علشان معاش ياكلنا كويس ولا يلبسنا ولا يضمن اي حاجه
اعلي درجه علميه فينا مرتبه كام؟؟؟؟؟؟؟؟
ولا حاجه
بنتهان بكام وادميتنا وكرامتنا بتتهدر بكام ؟؟؟
الناس اللي راحو اسرائيل واخدوا الجنسيه بتاعتها اظن اننا كلنا ظلمناهم
وقولنا عليهم خونه
لا دي ناس عاوزه تعيش وعاوزين حد يحميهم
مش خونه
الخونه هنا الي بيقطعوا فينا ويحرقونا ولا كاننا كلاب
حسبي الله ونعم الوكيل فيهم واحد واحد

**M.almaghraby** · 11-06-2010 05:05 AM

حسبي الله و نعم والوكيل

**SHNORY** · 11-06-2010 05:07 AM

المشاركة الأصلية كتبت بواسطة dr.almaghraby

عندك حق يا شنوري

انا مش حلوم اي حد ممكن يفكر يروح لليهود تاني

احنا منفرقش كتير عنهم......

لا بالعكس احنا نفرق عنهم كتير
الكلام علي اليهود مش الصهاينه (المتطرفين)

احسن ناس تشتغل معاهم
كلمتهم في الشغل عقد
بيعملوا من التراب دهب
تقدر تقولي مين عمل عندنا محلات كبيره ؟؟؟
بنزايون وعدس وصيدناوي ؟؟؟؟؟؟
وكانت المحلات دي سمعتها زي هارودز في لندن ؟؟؟
هما اليهود
احنا عملنا ايه؟؟؟؟
عملنا مولات وبيعنا وخصخصنا وطلعنا بوز الشعب
كان واحد صاحبي قاعد معايا من كان يوم وقال حكمه
قالي احنا البلد الوحيده اللي المواطن الغلبان هو اللي بيصرف عليها من جيبه
كل ما ينقصهم حاجه يمدوا ايدهم في جيوبنا

انا جاتلي فاتوره تليفون ب170 جنيه وانا مش بتكلم فيه ولا والدتي بتتكلم فيه
مع اني في عز ما كنت اقل مكالمه بعمل فيها 3 ساعات يوميا كانت الفاتوره بتيجي اقل من كده بكتير
الزياده دي جت منين وراحت لمين ؟؟؟؟
اكبر فاتوره كهربا دفعتها في المحل كانت 80 جنيه وساعتها بعتولي فنيين يكشفوا علي العداد لاني معدلي 30 و40 جنيه
الشهر ده دافع 144جنيه ونص
ليييييييييييييييه؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
ولمين
زي ما احنا بنصرف علي البلد دي مش هي اللي بتصرف علينا
يبقي علي الاقل نتعامل باحترام
مش شويه كلاب ينهشوا لحم شاب في حاله
ولو حتي مش في حاله
ولو كان داخل مولعلهم في القسم وواجب قتله
يتقتل بالوحشيه دي؟؟؟؟
كانو ضربوه بالنار اهون عليهم وعلينا وعليه من العذاب اللي شافه

**M.almaghraby** · 11-06-2010 05:25 AM

انا ان شاء الله حشارك فالوقفة قدام وزارة ال............* يوم الحد

الي عايز ييجي معايا يقولي

**احمد عبدالله** · 11-06-2010 05:41 AM

حسبي الله و نعم والوكيل

**factorialx** · 11-06-2010 08:19 AM

الفوضى قادمه
الباعه الجائلين في الإسكندرية يرشقوا البوليس بالحجاره و البوليس يهرب من المكان
الكلام ده إمبارح يا جماعه

YouTube - ‫ط§ظ„ط³ط§ط¹ط© طھط´ظ‡ط¯ ط.ط±ط¨ ط¨ظٹظ† ط§ظ„ط´ط±ط·ط© ظˆ ط§ظ„ط¨ط§ط¹ط© ط§ظ„ط¬ط§ط¦ظ„ظٹظ†.mp4‬&lr m;

**factorialx** · 11-06-2010 08:29 AM

ملخص لما حدث في قسم سيدي جابر: تجمع حوالي 70 متظاهر على الرصيف المقابل للقسم و في الساعة 12:15 أغلقت أنوار القسم و بعدها بقليل ظهر مأمور القسم وهو يخرج من سيارة بيجو. قامت قوة من مخبرين و ضباط بضرب كل الموجودين. تفرقوا و بعضهم ضرب و سحل وهرب البعض من الهجوم بالعبور للجهة الأخرى من شارع عمومي و يقول شهود عيان أن الشرطة أتت بكلاب مربوطة كنوع من التهديد ولكن لم تطلقها.
أسماء المعتقلين هم:

حسن مصطفى عبد الفتاح،
محمود الهادي،
أحمد جابر،
أحمد رمضان بالدستور وأخذت منه الكاميرا
وفيق عامر بصوت الأمة ومعد ببرنامج الحقيقة
مهدي محمد مهدي
أحمد محمد يوسف

متواجد حتى اللحظة: 3 محامين ونقيب محامين الاسكندرية في الطريق.
برجاء ارسال برقيات للنائب العام
في الساعة 2:15 ص خرج كل من شطب على أساميهم بالأعلى و الباقي سيعرض على النيابة المسائية غدا بتهمة التجمهر و التظاهر.

ط¹ط§ط¬ظ„: ظ‚ط³ظ… ط³ظٹط¯ظٹ ط¬ط§ط¨ط± ظٹط¶ط±ط¨ ظˆظٹط¹طھظ‚ظ„ ط§ظ„ظ…طھط¸ط§ظ‡ط±ظٹظ† ظ…ظ† ط£ط¬ظ„ ط®ط§ظ„ط¯ ظ…ط.ظ…ط¯ ط³ط¹ظٹط¯ | ط§ظ„ظ†ط¯ظٹظ…

-

-

الموضوع: بإي ذنب قتل خالد (ضحية جديده للتعذيب بالاسكندرية ) و السبب رفض التفتيش !

LinkBack

أدوات الموضوع

عرض

-

-

-

-

-

-

-

المواضيع المتشابهه

مشكله جديده مش عارف ايه السبب فيها

التفتيش عن الشنطة و المثلث

الكلمات الدلالية لهذا الموضوع

المفضلات

المفضلات

ضوابط المشاركة