بإي ذنب قتل خالد (ضحية جديده للتعذيب بالاسكندرية ) و السبب رفض التفتيش !

**factorialx** · 11-06-2010 12:00 AM

المشاركة الأصلية كتبت بواسطة ahmedgen2

اللى أعرفه قانوناً إن طلب التفتيش من حقى أشوف كارنيه الظابط وإذن التفتيش ، ولما يتم التحقق من إذن التفتيش لو سليم والمتهم اعترض بيتكلبش ويتم تقييد حركته ، إنما مفيش أبداً شوية مخبرين يدخلوا ملكيتى ويفتشونى بالعافية ويشتمونى ويضربونى حتى الموت!!! السيناريو اللى أتوقعه إن القوة اللى دخلت تفتش كان معاها إذن تفتيش فعلاً وحصل شد وجذب فى الكلام خاصة إن ظباط المباحث عندهم نرجسية حادة أدت لتطور الأحداث بالشكل دة ، على الرغم إنها جريمة ، إنما مش مقنع أبداً أبقى قاعد فى ملكيتى وألاقى شوية غجر داخلين عليا وهاتك يا ضرب.

عامة عقاب المجرمين دول هو عقوبة القتل العمد.

المعلومات دى انا جايبها من كتاب عشان متنضربش على قفاك ، بس واضح كدة انك هتاخد على قفاك سواء عارف حقوقك أو لا.

حتى لو مكنش في ضباط في مخبرين يعملوا كده عادي صحابي مره إتفتشوا من مخبرين

**factorialx** · 11-06-2010 12:03 AM

بوست لايمن نور على الفيس بووك

..المشهد فى تلك المنطقة كان مثيرا للذعر والرعب فى نفوس الناس,حيث انتشرت مباحث سيدى جابر بالمنطقة ليس بحثا عن الجناة ,بل بحثا عن محمول مزود بكاميرا التقط صورا للجناة وللجريمة البشعة التى اقترفوها..

..مباحث سيدى جابر ,مارست كل أنواع الضغط لأثناء شهود الواقعة عن الإدلاء بشهادتهم على تفاصيل ما حدث ,بل استعانت بعدد من "تجار الوصلة" ليكونوا شهود نفى لحماية المخبرين من العقاب على جريمتهم البشعة!!

..ورغم هذا الإرهاب شهد بعض شهود الواقعة على تفاصيل الجريمة البشعة ,وحررت اسرة القتيل عريضة للنيابة العامة برقم 1545, بتاريخ الاثنين 7 يونيو 2010 وقررت النيابة استدعاء الطبيب الشرعى ,الا أن الجناة مازالوا طلقاء يعبثون بالادلة ويرهبون الشهود!!

**AhmedGen2** · 11-06-2010 12:07 AM

المشاركة الأصلية كتبت بواسطة factorialx

حتى لو مكنش في ضباط في مخبرين يعملوا كده عادي صحابي مره إتفتشوا من مخبرين

المخبر أو العسكرى وأمناء الشرطة مش من حقهم التفتيش لان ملهمش سلطة ، أخره لو شك فيك يسألك عن البطاقة.

مش من حق حد يفتشك بدون إذن من النيابة أو المحكمة أو من غير سبب طالما مفيش عليك حكم ولا طالعلك إذن تفتيش ولا ممسوك متلبس.

**2faster** · 11-06-2010 12:11 AM

الصراحة دول مش يتعدموا دول يتربطو في ميدان عام

والناس تعمل فيهم اي حاجة هي عيزاها
(يتف _ يشتم _ يولع _ يضرب _ يـــ(مش عايز اقول حاجات تانية عشان متوقفش))

حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل

**M.almaghraby** · 11-06-2010 12:22 AM

حسب الله و نعم الوكيل فيكي يا بلد و فيك يا شعب يالي سايب حكامك يعملوا فيك كدا

**tarekmomo** · 11-06-2010 12:26 AM

حسبى الله ونعم الوكيل انا مش عارف امتى المواطن المصرى هيبقالة كرامة ويحترم فى بلدة وبرة بلدة

**OlaOsman** · 11-06-2010 12:29 AM

http://www.facebook.com/note.php?not...04224996294040

**factorialx** · 11-06-2010 12:43 AM

المرحوم خالد

**M.almaghraby** · 11-06-2010 12:44 AM

انا مضايق اوي يا جماعة

بجد زعلان عشانه جدا

لا حول ولا قوة الا بالله

انا بكرهك يا مصر ........................ انا مش وطني بقا

**factorialx** · 11-06-2010 12:47 AM

انا مضايق اوي يا جماعة

بجد زعلان عشانه جدا

لا حول ولا قوة الا بالله

انا بكرهك يا مصر ........................ انا مش وطني بقا

و أنا كمان و الله و دمي محروووق

بس مصر هي أم الدنيا و أبوها

مصر هي بلدنا مهما كان و إحنا اللي خلينا حالها يوصل لكده

بس تعتقدوا إن الوطنية اللي فينا قلت تعتقدوا إن فعلا الناس بقت تكره البلد

http://www.facebook.com/khaledkilled

10600 مشترك

الموضوع: بإي ذنب قتل خالد (ضحية جديده للتعذيب بالاسكندرية ) و السبب رفض التفتيش !

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مشكله جديده مش عارف ايه السبب فيها

التفتيش عن الشنطة و المثلث

الكلمات الدلالية لهذا الموضوع

المفضلات

المفضلات

ضوابط المشاركة