بإي ذنب قتل خالد (ضحية جديده للتعذيب بالاسكندرية ) و السبب رفض التفتيش !

**OlaOsman** · 10-06-2010 11:35 PM

المشاركة الأصلية كتبت بواسطة ahmedgen2

أفتكر مش من حق المخبر انه يفتش لازم أمر من النيابة ، على الأقل المخبرين دول يكونوا مصحوبين بقيادة ظابط ولديهم أوامر بتفتيش المكان خاصة ، مش لوحدهم كدة هيدخلوا يفتشوا السايبر أكيد صدر ليهم تعليمات.

اللى اعطاهم الجرأة لمد الإيد والضرب هو قانون الطوارىء اللى بيعطى الحق لأى كلب منهم يعمل اللى هو عايزه فى أى واحد حظه الأسود انه حامل للجنسية المصرية ، دة لو كان ليه معارف ولا معاه باسبور أمريكانى مكنش حد لمسه.

ماهو في ظل قانون الطوارئ مش لازم أصلا إذن تفتيش من النيابة.

لأ و كنا زعلانين من همجية اللبنانيين و اللي عملوه مع القتيل المصري؟ أمال دول يتسموا ايه؟ و أهو مصري زيهم الله يرحمه.

**badblood** · 10-06-2010 11:37 PM

الحق اقول قصيدة للخال (عبد الرحمن الابنودي) قبل ما كريم يقفل الموضوع :)
معلش القصيدة فيها لفظ مش قد كده بس مش مهم ما احنا بنشوف انيل من كده كل يوم عليه العوض فيكي يا مصر خلاص

................................*
م ع 5

**AhmedGen2** · 10-06-2010 11:38 PM

المشاركة الأصلية كتبت بواسطة olaosman

ماهو في ظل قانون الطوارئ مش لازم أصلا إذن تفتيش من النيابة.

أمال ايه لازمة الإذن؟ ، يعنى جاى يفتشنى بطلب الإذن يقولى قانون طوارىء امال امتى يبقى فيه اذن؟.

**factorialx** · 10-06-2010 11:38 PM

بصوا يا جماعه المضووع مش سياسي خالص

دي جريمة فييين السياسه هنا

**factorialx** · 10-06-2010 11:40 PM

المشاركة الأصلية كتبت بواسطة ahmedgen2

أمال ايه لازمة الإذن؟ ، يعنى جاى يفتشنى بطلب الإذن يقولى قانون طوارىء امال امتى يبقى فيه اذن؟.

يبقى في إذن لما تكون إنت مش إرهابي

بس لو شك فيك أصل الغرهابيين و تجرا المخدرات مليين ابلد و إنت شبه واحد إرهابي المخبر يعرفه يبقى ليه الحق

يفتشك و يبيتك في القسم و يوديك السجن بدووووون محاكمه

**OlaOsman** · 10-06-2010 11:40 PM

المشاركة الأصلية كتبت بواسطة ahmedgen2

أمال ايه لازمة الإذن؟ ، يعنى جاى يفتشنى بطلب الإذن يقولى قانون طوارىء امال امتى يبقى فيه اذن؟.

و الله يا أحمد ياخويا ده اللي سمعته و فعلا هنا بأه محتاجين رأي حد قانوني يفهمنا.

**ahmed-moga** · 10-06-2010 11:41 PM

نفسي أأقولها بأعلي صوت ليه حتي يصل لكل مصري يتسم بالسلبيه

(قوم يامصري مصر بتناديك قوم ده نصري دين واجب عليك )

**badblood** · 10-06-2010 11:44 PM

المشاركة الأصلية كتبت بواسطة olaosman

ماهو في ظل قانون الطوارئ مش لازم أصلا إذن تفتيش من النيابة.

لأ و كنا زعلانين من همجية اللبنانيين و اللي عملوه مع القتيل المصري؟ أمال دول يتسموا ايه؟ و أهو مصري زيهم الله يرحمه.

لو اعتبرنا اننا كلنا اخوات (كمصرين) واحنا بنعمل في بعض كده وده اللي ظهر في كتير كتييييييييييير جدا
يبقى مانزعلش لما لبناني يدينا على قفنا وجزائري بشلوت وخليجي يقولك يا مصري يا كذاااا
منزعلش
لما نقتل بعض عشان 10 جنيه منزعلش
لما واحد يقتل جاره عشان ابن جاره شنكل ابنه في الشارع
منزعلش
لما عم يتقل عيال اخوه عشان طرده من الشغل
منزعلش
لما نمسك في بعض في شارع عشان زنق عليه
منزعلش
كفايه نحترم بعض الاول وبعدين نخلي العالم يحترمنا