بإي ذنب قتل خالد (ضحية جديده للتعذيب بالاسكندرية ) و السبب رفض التفتيش !

**maybe** · 11-06-2010 01:57 PM

كان في الماضي يقولون :
إذا لم تستحي فأفعل ما شئت
فما بالك لا خوف ولا خشى ولا حياء ماذا تنظرون ؟؟؟ !!!!!
هذه هي البداية ... والنهاية في مصر
فقر ومجاعة وحروب أهلية وطائفية ونقابية ... من غضب الله

**factorialx** · 11-06-2010 02:11 PM

الشرطة تضرب وتعتقل نشطاء تظاهروا أمام قسم سيدي جابر للمطالبة بمحاسبة قتلة (شهيد الطوارئ).. وجنازة شعبية السبت

وكان قسم سيدي جابر قد شهد وقائع مشابهة كان أبرزها تعذيب مواطن عمره 60 عاماً وتكسير قدميه ويديه وكيه بالنار وجرجرته في الشارع لمسافة 150 متراً بسبب تشابه في الأسماء.

إيه الطغيان ده و لا ده جحود
كلمة ظلم قليله و الله

**yuyu0000yuyu** · 11-06-2010 02:36 PM

يا فرعون مين فرعنك قال ملقش حد يلمنى
لو قتل خالد ف كلنا خالد

**أبومعاذ** · 11-06-2010 02:48 PM

المشاركة الأصلية كتبت بواسطة olaosman

هات لنا مصدر الخبر ده الله يكرمك يا أبو مريم.

الخبر واحد قالهولي بس لقيت كلام مشابه أهو على مصراوي
[frame="1 80"]وقال: "عندما جاءت الاسعاف ورفعت الجثه بالامر ذهبت به الي المستشفي الميري، حيث قاموا بعمل تقرير ابتدائي لوفاته بسبب تعاطيه أقراص مخدره علي حسب الاوامر التي صدرت من الضباط لهم".[/frame]

الشرطة تضرب وتعتقل نشطاء تظاهروا أمام قسم سيدي جابر للمطالبة بمحاسبة قتلة (شهيد الطوارئ).. وجنازة شعبية السبت

**youssefmustang** · 11-06-2010 02:51 PM

بصراحة يا جماعة انا قولت كلمة قبل كده وناس زعلت منى فى الادارة واتوقفت 10 ايام تقريبا
الكلمة اللى انا قولتها (الاغتيال) معلش مع احترامى للجميع والحكومة واداررة المنتدى وكل الناس لما واحد زى كده يتقتل بدون ذنب وما يتاخدش حقه دى قمة الظلم والقهر قعدنا نقول حقوق انسان ومش حقوق انسان وبردو ما اخدناش وضعنا بين الحكومة رجال الشرطة مقدرش انكر نهائى ان فيهم ناس محترمة ومحترمة جدا ومتربية لكن بردو فى منهم صهاينة مش يهود يستاهلو الحرق فى ميدان عام .
طب انا اعرف ناس سنية (ملتحية) وكانو بيتاخدو امن دولة ولما كنت بسألهم عملو معاكم ايه؟؟ كانو بيقولولى عملو معانا كل خير
قولتلو يعنى مافيش تعذيب ولا الكلام ده قالولى لالالالالا دول كانو بيسألونى انت ماشى مع مين وكده مجرد تحقيق عادى بس الكلام ده كان زمان دلوقتى بقو محترمين فبقوله ليه يعنى قالى عشان زمان حصل انهم اخدو واحد وعذبوه جامد وبعد ما طلع من امن الدولة راح للجماعة اللى كان ماشى معاها واتصرفو فى اسلحة نارية وعرفو يوصلو لرجال امن الدولة اللى عملو زميلهم كده واصطادوهم وصفوهم كلهم ......
الكلام اللى كاتبه ده مش من خيال ولا من تأليفى لا ده واقع وسمعته من كذا واحد ..... مقصود الكلام مش بولع الدنيا وبقول نقتل الناس اللى عملو كده انا قصدى انى لو فى قانون من وزارة الداخلية يقمع الناس دى ويعملهم حدود فى شغلهم ما كنش ده حصل نهائى.
تحياتى للجميع
وحسبى الله ونعم الوكيل وفى جنات الخلد يا خالد
اخوكم يوسف

**أبومعاذ** · 11-06-2010 03:09 PM

قصة تانية للحادثة إن خالد الله يرحمه كان واقف مع ناس أصحابه وشاف واحد يعرفه بيجري واتنين بيجروا وراه (المخبرين كانوا مشتبهين ان الشاب التاني معاه مخدرات وعشان كدا كانوا بيجرو وراه) وصاحبه دا استنجد بيه فخالد بيجري على صاحبه عشان يشوف في ايه لاقاهم بيجروا وراه هو كمان فدخل السايبر فدخلو وراه ومسكوه هو و صاحبه هرب ولما حاولوا يفتشوه اعترض فحصل اللي حصل...والله أعلم فين الحقيقة
المصدر...أحد المدونات وصاحب المدونة بيقول إن مصدر الكلام دا أهل خالد الله يرحمه