الموضوع: بتشرب مياه من الحنفيه ؟؟!!

المشاركة الأصلية كتبت بواسطة adham

مش اي فلتر الفلتر اللي بيشتغل بطريقة التناضح العكسي الريفرس اوسمزس هو الافضل اللي هوة بيبقى 6 او 7 مراحل علشان دة فعلا بيمرر المياة على غشاء رقيق و بالضغط الاوسموزي المياة بتطلع منة خالية من الاملاح و المعادن الثقيلة المذابة او الصدأ و الكلور و اي حاجة ممكن تكون في المياة

الفلتر دة سعرة حوالي 1200 جنية 6 مراحل

و فية مرحلة (شمعه املاح) لاضافة الاملاح المطلوبة و بالنسبة الصحيحة و بيبقى فية مرحلة بحبيبات جوز الهند علشان تدي للماة الطعم الطبيعي

ممكن لو سمحت حضرتك تعرفنا نوع و ماركة الفلتر ro اللى عندك.. و المكان اللى اشتريته منه.. و سعره..
و معدل تغيير الشمعات كل كام شهر مع تكلفة التغيير..

انا ناوى اجيب واحد باذن الله لكن محتار اجيب اى نوع..

اصل المياه هنا فى القليوبية اجارك الله..

اشرب مايه من الفلتر و كل اما مراحل التنقيه اكتر اعتقد يبقى افضل وخليك فى الأصلى و ابعد عن اى حاجه صينى و ربنا يستر من السولار اللى وقع فى النيل

المشاركة الأصلية كتبت بواسطة hefnawy77

ممكن لو سمحت حضرتك تعرفنا نوع و ماركة الفلتر ro اللى عندك.. و المكان اللى اشتريته منه.. و سعره..
و معدل تغيير الشمعات كل كام شهر مع تكلفة التغيير..

انا ناوى اجيب واحد باذن الله لكن محتار اجيب اى نوع..

اصل المياه هنا فى القليوبية اجارك الله..

uniontech اللي هما يونيون اير بيجمعوة هنا مصري لتوكيل امريكي على ما اعتقد و اشتريتة من يونيون تك اللي في مكرم عبيد و اعتقد ان تمنة كان حوالي 1200 جنية من تقريبا سنة و نص سنتين دة ال 6 مراحل بتانك و موتور طلمبة

فية شمعه بتتغير كل شهرين ب 10 - 12 ج

و شمعه كل 3-4 شهور ب 20 تقريبا

و شمعه كل 6 شهور ب 25 تقريبا

و شمعتين تانيين بيعيشوا من سنتين لتلات سنين (شمعه الغشاء الاسموزي و شمعه جوز الهند) دول ماغيرتهمش لسة

احنا بنشرب ميه نسلة على طول بقالنا سنين ! عندنا الفلتر البيركفيلدبس بمنستخدمهوش الحج بس الي مقتنع بيه و مبيشربش ميه معندية :( احنا لما نروح اي مكان عند ناس مبشربش ميه و الكافيهات و القهاوي لازم تكون قزازة ميه معندية :(

نسلة انا شايف انها افضل شركة بركة طعمها مش حلو خالص و داساني و اكوافينا عادي في نفس مستوي نسلة بس انا شايف ان نسلة عليها سحب اكتر :) علشان كدة بفضلها !

الفلتر الست مراحل احسن واحد وطعم المياة جميل وللمعرفه الفلتر بيعزل كل حاجه وعلي فكرة دي مش دعايه

المراحل
1:- فلتر اولي للشوائب الكبيرة
2:-فلتر كربوني لرفع الرائحه
3:-فلتر مصمت لرفع مزيد من الرائحه والطعم
4:-مقطر للمياه لتحويل المياه لمياه مقطره بدون املاح تماما وعلي فكرة دي تنفع في مياه السياره لانها زي مياه البطارية بالظبط
5:-وحده وضع املاح المياه بالنسبة المطلوبه وهذا هو المسؤل عن وضع الاملاح في المياة وهذه اهم مرحله وضبطها سهل جدا وذلك علي حسب مرضي الكلي او الناس العاديين
6:-فلتر البكتريا
7:فلتر اختياري فوق البنفسجي لمزيد من قتل البكتريا
او
فتلر تحت الحمراء لمزيد من ادخال الاكسجين داخل المياه ومزجها لضمان النشاط والحيوية للجسم

انا جربت 6ىمراحل وهجيب ليا واحد في شقتي بعد الزواج ان شاء الله