الموضوع: بتشرب مياه من الحنفيه ؟؟!!

المشاركة الأصلية كتبت بواسطة Egyzizo

أنا عندى نفس الفلتر ..
وفيه ملاحظة
السباك قال لى لما الشمعة لونها يغمق ، تتغسل بليفــة أو أى حاجة خشنة لغاية ما تبيض وتستعمل تانى .. هل الكلام ده صحيح؟

طيب امتى الشمعة تتغير؟

الشمعة في فلتر بريتيش بيركفيلد اللي بتيجي معاه درجة تنقيته واسمها(super sterasyl او sterasyl) ودي شمعة من كذا نوع شمعة بيركب عالفلتر ده ودي اقل درجة تنقية وده اللي انا فاكر انه كان مكتوب في الكتالوج بتاعه انها قابلة للغسل لغاية 100 مرة وبعد كده تتغير ومكتوب تحطها في ماء ساخن او مغلي علي مااتذكر لأن للاسف الفلتر اتكسر مني ومجبتش غيره

المشاركة الأصلية كتبت بواسطة windofchange

الشمعة في فلتر بريتيش بيركفيلد اللي بتيجي معاه درجة تنقيته واسمها(super sterasyl او sterasyl) ودي شمعة من كذا نوع شمعة بيركب عالفلتر ده ودي اقل درجة تنقية وده اللي انا فاكر انه كان مكتوب في الكتالوج بتاعه انها قابلة للغسل لغاية 100 مرة وبعد كده تتغير ومكتوب تحطها في ماء ساخن او مغلي علي مااتذكر لأن للاسف الفلتر اتكسر مني ومجبتش غيره

أنا لسه مغير الشمعة لأول مرة بعد الشمعة الأصلية اللى كانت فيه.
الشمعة الأصلية كانت supersterasyl
بس اللى جبتها للأسف اسمها standard أوشمعة عادة
قريت الورق اللى جاى مع الشمعة ، لقيت ان الـ Supersterasyl و نوع كمان اسمه Supercarb دول فيهم فضة بتمنع نمو البكتريا ، فمافيش احتياج للتعقيم بالغليان.
لكن العادة زى اللى أنا جبتها محتاجة تتعقم الغليان كل فترة.
بس هو مش محدد كل أد ايه
ومش محدد برضه فى الورق المفروض تتغير بعد كام شهر.

موجود عندنا فى اسكندريه فى المنشيه

المشاركة الأصلية كتبت بواسطة no comment

الفلتر ده كنا جايبينه من بره هو وكام شمعة سبير ليه ...لاكن دلوقتى مركون لاننا مش لاقيين شمع ليه .
فيا ريت لو حضرتك تعرف مكان الشمع بتاعه ده بيتباع فين وبكام أكون شاكر ...؟

أنا لسه جايب شمعة من يومين
جابها لى السباك اللى باتعامل معاه لغاية البيت لأن عنده محل قطع غيار
وفيه نوعين صينى وانجليزى
أنا جبت الانجليزى بـ 75 جنيه ، وماعرفش الصينى بكام.
بس الكلام ده فى المنوفية
بس أكيد طالما موجودة فى المنوفية تبقى موجودة فى القاهرة

المشاركة الأصلية كتبت بواسطة syd

لا هي دي طبيعته كدة
لأنه شغال علي انه يتملي مياة ويمتصها من خلال الشمعة الخزف ويطلع المياة من الحنفية بتاعته
فبالتالي علي ما يمتص المياة ويطلعها من الحنفية بتاخد وقت
والفلترة كلها في الأمتصاص دة
وبعد فترة هتلاقي الشمعة لونها بقي بني وبالتالي درجة الأمتصاص هتقل
وبالتالي ضغط المياة هيضعف اكتر

هتفك الشمعة وتديله غسلة محترمة بسلك المواعين
هتلاقي الضغط رجع تاني بقي قوي

وهكذا كل مثلا شهر او اتنين

والله المستعان
،
،

لو الميه ضعيفه ميشتغلش ؟ والف شكر ليك

معلش استفسار كمان
انا مركب نترة ل خلاط الميه وعامل وصله ل الفلتر الوصله اللى مركبها المرنه اللى جواها خرطوم كاوتش من جوة هل لو ركبت الوصله الناشفه ممكن تخلى الميه اقوى شويه ولا مش هتفرق اصل بردة الميه ضعيفه اوى اوى وفكيت الشمعه ونضفتها ( هى اصلا ملحقتش بقالها اسبوع بس ) والميه بردة ضعيفه
واستفسار كمان انا بركب الشمعه على حنفيه الفلتر لغايه اخر الصاموله وبعدين اركب الوش بالشمعه هل كدة صح ولا اسيبها مهويه شويه