معركة اسكندرية امس

**Hondawy_2008** · 13-06-2010 03:50 PM

رجالة مجدع والله عقبال القاهرة

**mada121977** · 13-06-2010 05:27 PM

من الواضح ان الحرب الاهليه اصبحت على الابواب ..
اقتربت ساعه النهايه

**Mostafa.Mahran** · 13-06-2010 05:37 PM

اصل احنا لو نبص للموضوع
هتلاقى البائع مثلا كل ثروته فرش ب100جنيه هيبيعه ب120 جنيه علشان يكسب ال20 جنيه و كل يوم على كده
لما تيجى شرطة المرافق و الازالة تاخد منه الفرش تتوقعو رد فعله هيكون ايه؟

**gassarian** · 13-06-2010 06:18 PM

المشاركة الأصلية كتبت بواسطة أبو حمزة

انا مكلمتش الحلقة،
حاولت أتصل بيهم عشان أسأل عمرو أديب على سر تصميمهم على الوجود المستفز للمشاعر بتاع أحمد موسى في البرنامج
الراجل ده أراؤه دايماً صادمة
وبجد وجوده شئ في قمة الاستفزاز

بالمناسبة موقف عمرو أديب غريب جداً
تلاقيه بيتحمس لقضايا بشكل مش طبيعي ويقعد يُسهب في الحديث عنها بالساعة متواصل وقضايا تانية تلاقيه يدخلك في قضايا فرعية

رجل بتاع الحكومة في أي موضوع كبير زي مواضيع غزة مثلاً و مانساش حلقة أبو الغيط... و لكن في أي موضوع صغير شوية أو مش في حاجة كبيرة ، يقعد يكبره و يدلدل شفايفه و يتعصب و يتنطط و يسخن الناس اللي هي أصلاً سخنة من قبلها، فالناس تروح وراه من غلبها...... يعني بيركب الموجة مع الناس في أوقات الحاجة الفرعية عشان الناس تركب معاه موجته في الحاجة الكبيرة
ديل من ديول إعلام الحكومة متنكر في شكل معارض

**amir** · 13-06-2010 08:34 PM

انا زهلت لما قريت الخبر
اول مره اعرف الموضوع ده
للاسف الشديد الموضوع مش سهل
و علشان نحكم علي اي من الاطراف لازم الاول نشوف ايه الاسباب و الدوافع
بالنسبه للامن الموضوع كان موضوع اوامر بأزاله التعديات في الشارع
بالنسبه للبائعين ده كان تعدي علي لقمه عيشهم هم و اسرهم
النتيجه الحتميه الصدام
الموضوع كبير قوي قوي
و يلخص في كلمات قليله
سوء اداره
و احب اقول مثل علشان الكلام يكون واضح
انت كل يوم بتركب عربيتك علشان تروح الشغل
لما بتوصل بالسلامه بتركنها و تطلع شغلك
في يوم من الايام لقيت يفط ممنوع الانتظار في المكان اللي بتركن فيه كل يوم
و مفيش مكان تاني تركن فيه
هتعمل ايه بقي؟!!!!!!
في كل الحالات
انت مظلوم و اللي حط اليافطه مش في ايده حاجه
ربنا معانا

**SeiffoZ** · 13-06-2010 11:50 PM

لو الموضوع بتاع ضرب الشرطة ده عجبكم قوى ..

معناها إن بلطجية هيجوا يقتجموا بيتك و يطلعوك برا و محدش يقدر يعملهم حاجة

**Abo_Lina** · 14-06-2010 12:07 AM

البلد بتترنح !

**بحري** · 14-06-2010 12:13 AM

المشاركة الأصلية كتبت بواسطة tyler_durden

البلد بتترنح !

هي دي المشكلة
الموضوع أعقد من باعة يفترشون الطريق أو سلطة أصبحت ضعيفة الهيبة أو ناس مبسوطة من اللي حصل للشرطة
المشكلة إن دي بوادر انهيار حقيقي وكامل ،،،،انهيار اجتماعي واقتصادي وسياسي وأمني
بعد كده فعلا الناس هتتحول لوحوش حقيقية وشحنات الغضب ستتوجه في أي اتجاه.....قنبلة موقوتة توشك على الانفجار