الموضوع: معركة اسكندرية امس

المشاركة الأصلية كتبت بواسطة eng.octooo

احنا ممكن نعمل مظاهرة ونحاكم الغلطانين منهم بس مش بالطريقة دى !!!!!!! دلوقتى اية الفرق بين البائعين دول والناس الى ضربوا خالد والللبنانين والاسرائليين؟؟؟؟
كلهم يتحطوا تحت بند واحد ( عدوانيين) صح !!!

ههههههههههههههههههههههههه هههههههههههههه
واله العظيم انت راجل طيب يا اكتو
يا اما عمرك ما شفت مظاهرة مش مشيت في مظاهرة
يا راجل مظاهرة ايه بس الله يهديك
دي اي مظاهرة لاي سبب لو المتظاهين 20 تلاقي عليهم الفين امن مركزي وهاتك يا ضرب لغاية ما يبان لهم اصحاب
وبعدين فرق كبير بين البياعين واللى قتلوا خالد واللبنانيين والاسرائيليين
البياعين بيحافظوا على لقمة عيشهم مع اختلافي ورفضي لاخلاقياتهم لكن في الوقت نفسه لو بطلوا يبيعوا تانى يوم هيسبتوك ويسرقوك تفضل ايه يبيعوا ولا يسرقوك ويمكن يقتلوك كمان ؟؟؟؟؟؟؟؟
ماهو انت متقفلش كل السكك في وشهم وتقولهم يبقوا مواطنين شرفاء
اما اللى قتلوا خالد فكلاب السلطة التى توحشت وظنوا انهم الاسياد وهم عبيد في ايد السيادهم اللى هما نفسهم عبيد في ايد اسياد تانيين وهلم جرا
اما اللبنانيين فكانوا بينفذوا القصاص اللى شايفين انه مش هيتحقق وبردو مع رفضي التام للى عملوه
اما الاسرائيليين فمفيش اي تعليق عليهم لانى لو عملت فيهم منتديات مش هتكفيهم حقهم في لاخسة والحقارة

المشاركة الأصلية كتبت بواسطة أبو حمزة

بالمناسبة موقف عمرو أديب غريب جداً
تلاقيه بيتحمس لقضايا بشكل مش طبيعي ويقعد يُسهب في الحديث عنها بالساعة متواصل وقضايا تانية تلاقيه يدخلك في قضايا فرعية

المشاركة الأصلية كتبت بواسطة gassarian

رجل بتاع الحكومة في أي موضوع كبير زي مواضيع غزة مثلاً و مانساش حلقة أبو الغيط... و لكن في أي موضوع صغير شوية أو مش في حاجة كبيرة ، يقعد يكبره و يدلدل شفايفه و يتعصب و يتنطط و يسخن الناس اللي هي أصلاً سخنة من قبلها، فالناس تروح وراه من غلبها...... يعني بيركب الموجة مع الناس في أوقات الحاجة الفرعية عشان الناس تركب معاه موجته في الحاجة الكبيرة
ديل من ديول إعلام الحكومة متنكر في شكل معارض

الله ينور عليك يا جسار
عمرو اديب بوق من ابواق السلطة بيقول المطلوب منه وفي الحدود المطلوبة منه زيه زي اي مخبر بيكتب تقرير زي ما الباشا الظابط عايز
اوع يا ابو حمزة تامل فيه خير ابدا هو شغلته يلهي لاناس وبس زيه زي بقية المذيعين الجهلة

المشاركة الأصلية كتبت بواسطة seiffoz

لو الموضوع بتاع ضرب الشرطة ده عجبكم قوى ..

معناها إن بلطجية هيجوا يقتجموا بيتك و يطلعوك برا و محدش يقدر يعملهم حاجة

يا سيدي قول يا باسط
مش فارقة
ماهو لو البلطجة مكانتش من البلطجية هاتبقي من الشرطة نفسها
وبعدين انت فاكر الشرطة بتحميك ولا هتفكر تحميك ولا ايه
يا راجل انا عملت حادثتين وطلبت النجدة اخدت بالك النجدة
اول مرة كانت الساعة 2 بالليل جت العربية الساعة 3 ونص
تاني مرة كانت الساعة 5 المغرب جه امين شرطة في تكتك الساعة 7 واربعين دقيقة يعني لو واحد بيتقتل يكون اتقتل واندفن كمان تقولي الشرطة تحميك
الحامي ربنا يا باشا

المشاركة الأصلية كتبت بواسطة muslima

كثير خاييفين وبيقولوا لما ثورة الجياع تحصل اللي حيضيع فيها الطبقة المتوسطة لان التانيين حيخدوا طيارتهم ويخلعوا لفلوسهم اللي متهربة برة

اقسم بالله يا مسلمة الكلام ده بتاعي من اكتر من 3 سنين ان ثورة الجياع قادمة من العشوائيات والشوارع المجهولة والمنسية وخصوصا في القاهرة والاسكندرية وهتدمر كل حاجة في طريقها والكارثة انها مش هتدمر الا ابناء الشريحة العليا من الطبقة الفقيرة اللى بيعتقدوا انهم طبقة متوسطة من صغار الموظفين والاكاديميين هما دول اللى هيضيعوا في الرجلين الكبار طياراتهم جاهزة والصغيرين هيكونوا بيكسروا طيب هيكسروا ايه مفيش غير ممتلكات الطبقة شبه المتوسطة
نصيحة بجد لو حصلت الثورة دي اللى يلحق يروح على اهله في الارياف هناك الخطر هايبقي اقل بكتير لان لسة فيه عيلة واقارب والقري بيبقي كل القرية قرايب ومناسبين بعض يعني الخطر اقل غير القاهرة والاسكندرية محدش يعرف حد ولا حد بيهمه حد ولا بيخاف على حد ولا بيحترم حد

المشاركة الأصلية كتبت بواسطة badblood

قومي يا مصر بقى

يا خوفي تموت قبل ما تقوم
خايف عليها بجد فوق ما تتخيل

أكيد الهمجية مش هي الحل

بس الواحد بيفرح لما يكون في أي مقاومة للأحتلال المصري لمصر

مفيش حد مش مكبوت