هل تؤيدون شراء سياره من الخارج وجمركتها وإحضرها مصر

**AMA** · 16-06-2010 12:59 AM

المشاركة الأصلية كتبت بواسطة gadix

حضرتك متأكد من موضوع ال 3 شهور ده؟

كان فيه واحد قريبنا مسافر فى ليبيا و سأل على الموضوع دة لأن العربيات هناك بتراب الفلوس
بيقولى لو أشتغلت شهرين ممكن تجيب عربيه هناك و عربية نضيفة جدا كمان
قالى هيعلق نمر الجماهيريه عادى و ينزل بيها مصر
المصريين إلى هناك قالولة كل 3 شهور لازم ترجع بيها ليبيا تانى و هوا طبعا كان رايح فى شغل سنتين أو مدة زى كدة و مش راجع تانى راح مكنسل الموضوع لما لقاه وجع دماغ كدة
لأن فين الصحه إلى توديك ليبا كل 3 شهور

**ramy01011** · 16-06-2010 08:34 AM

يا جماعة هو صاحب الموضوع اعد برة فترة و راجع كمان كام سنة و لا بس هيسافر علشان يجيب العربية و يرجع تاني ؟
عموما في كل الاحوال يعمل زيي لو اعد برة فترة كبيرة يجيب عربية للبلد اللي اعد فيها و تكون عربية فخمة يمتع نفسه بيها و كل اللي اعدين برة عارفين العربيات كسر زيرو بتبقي رخيصة ازاي و قبل ما ينزل يشتري عربية من مصر

**AMA** · 16-06-2010 05:53 PM

المشاركة الأصلية كتبت بواسطة ramy01011

يا جماعة هو صاحب الموضوع اعد برة فترة و راجع كمان كام سنة و لا بس هيسافر علشان يجيب العربية و يرجع تاني ؟
عموما في كل الاحوال يعمل زيي لو اعد برة فترة كبيرة يجيب عربية للبلد اللي اعد فيها و تكون عربية فخمة يمتع نفسه بيها و كل اللي اعدين برة عارفين العربيات كسر زيرو بتبقي رخيصة ازاي و قبل ما ينزل يشتري عربية من مصر

أكيد كسر الزيرو هناك سعره قليل جدا
بس عندى سؤال محيرنى
لما المدة بتاعة السفر تخلص و هوا لسه مباعهاش يعمل أيـــه ؟
ماهى كدة تبقى جت عليه بخسارة برضه

**fadod** · 16-06-2010 05:57 PM

المشاركة الأصلية كتبت بواسطة esam_comm

مين قال ان لما تشتري عربيه من بره وتنزلها مصر بتبقي ارخص ده كلام مستحيل وينم عن عدم خبره مع احترامي للجميع وشكرا

كلام صح 100%. هتقف عليك أغلي ،بعد الرشاوي

**fadod** · 16-06-2010 06:10 PM

المشاركة الأصلية كتبت بواسطة sampo1100

التربيتك 3 شهور وتجدد تانى 3 شهور ولازم تطلع العربية تانى يعنى بعد 6 شهور تطلع برة مصر او تتخزن من الجمارك مدة 6 شهور وتطلع تانى

الكلام داه صحيح ،وانا سمعتو قبل كدة ، بس ماكدة ممكن الواحد ينزل عربتين ورا بعض ب-6 شهور ،لما وحدة تكن محجوزة في جمرك يكون معه الثانية برا وهكذا .
أنا نفسه أنزل بالوحش بتاعتي من أمريكا بس شحنها عالي أوي علي المركب من هنا . وكل داه علشان شهر واحد بس في مصر مش تلاتة.suv باتفيندر 4600cc ،هتعمل أحلي شغل

حد ياشباب يعرف يجب لي نمرة حد في جمرك اسكندرية أحاول أظبته من هنا .عندي شوية أسئلة عايز أعرفها

**sniperfox** · 21-06-2010 06:34 AM

المشاركة الأصلية كتبت بواسطة fadod

كلام صح 100%. هتقف عليك أغلي ،بعد الرشاوي

مع احترامى لكلام حضرتك لم حينزلها مصر اغلى من سعر الوكيل يبقا الوكيل فتحها تضامن اجتماعى ول معاه شويت فلوس زياده فال افتح توكيل واجيب عربيات واساهم مع العميل فى تمنها اعتقد كلا حضرتك محتاج شويت تفكير بالاضافه ان لم حضرتك بتجبها من بره مصر بتكون المكونات اجود والخامات احسن والكمليات اكتر من الى بتنزل فى مصر وحضرتك ممكن تتاكد من ده لو اشتريت عربيه خليجى واشتريت نفس الموديل من مصر حتلاقى ان العربيه الى اشترتها من مصر حتظهر فيها تلفيات اسرع بكتير من العربيه الخليجى او الى جايه من اوروبا

**omaroof** · 23-06-2010 01:58 AM

اكيد من بره احسن من ناحية المواصفات وتبقى ضامن العربيه 100%
وعلى فكره اول مره اسمع عن مشاكل حراره فى العربيات الخليجى من الاخ سامبو لان الخليجى معروف من زمان انه احسن عربيات من حيث المعالجه الحراريه وانه كمان مستحيل يسخن وطلائه اجود من الانواع الاخرى

**osama.m** · 23-06-2010 02:18 AM

مش عارف بس حاسس ان حكاية اجيب عربية من برة و ادفع الجمارك و تترخص مش هتبقى عملية
عشان انت هتدفع جمارك كتير .. و بعد كدا العربية هتمشي على الاسفلت اللي زي الحرير و هتتعامل مع سواقين النقل اللي مش بيخرج بالعربية غير و هو مغطى الحمولة بتاعتة و الميكروباصات اللي عمرة ما بيزنق و الملاكي اللي بيشوف المراية اكتر من طريقة و عمرة ما بيرد على الموبيل و هو سايق .. و البنوتة اللي بتسوق زي الكتاب ما بيقول .. و اللي ماسك منصب و عمرة ما قال انت عارف بتكلم مين
بصراحة هتبقى صعبانة عليا العربية

شكلي لخبط في الكلام

**hazemhassan** · 23-06-2010 03:24 PM

انا ايؤيد انك تجبها من برة بس اكيد هتكون عربية ماركة مش كرولا ولا اى حاجة تانية ساعتها الفرق فى الفلوس مش هتكون اغلى من هنا
بس المشكلة التوكيل والصيانة
يعنى مثلا لو هنزل ( لكزيس) اى العمل
اما عربيات اقل من كدة تتجاب من هنا ايا كانت نوعها

**elewey** · 24-06-2010 03:06 AM

يا جماعة موضوع انك تجيب عربيه من برة و تقف عليك ارخص من هنا دة مش مضبوط خالص هى فعلا سعرها برة ارخص لكن لما حتدخل الجمرك عندنا بعد الجمارك و الضرايب و الشحن حتقف اغلى من تمنها من عند الوكيل دى لو زيرو و حتى لو مستعمله حتقف تمنها اكتر من سعر السوق هنا ودة نظام الدوله عملاة عشانتخلى الناس تشترى العربيات اللى بتتقفل فى مصر و لو الموضوع غير كدة معلش مكانش فى حد فى مصر حيشترى عربيه من هنا اصلا سواء زيرو او استعمال لان طبيعى احنا مقتنعين و مدركين ان العربيه اللى جايه من برة انظف من هنا بمراحل

الموضوع: هل تؤيدون شراء سياره من الخارج وجمركتها وإحضرها مصر

LinkBack

أدوات الموضوع

عرض

-

-

-

-

-

المواضيع المتشابهه

مطلوب سياره مرسيدس مستعمله من الخارج

شراء قطع غيار جديدة من الخارج

شراء كماليات او قطع غيار من الخارج

كيف أشترى سياره مستعمله من الخارج

شراء سيارة استيراد الخارج

الكلمات الدلالية لهذا الموضوع

المفضلات

المفضلات

ضوابط المشاركة