الحل الجذرى والنهائى لمشكله سخونه التمبرا

**ZALABANY** · 21-06-2010 08:35 PM

هشام باشا ميكولوجي باشا دكتور ضياء جاليليو كل رجالة التمبرا العظماء انا روحت النهارده ولغيت المقاومة خالص عملت كوبري والحرارة ما زادتش عن شرطة بعد ال 90 كده يبقى في مشكله في المقاومة والمروحة كانت على السرعه البطيئة على طول يبقى الحل غيروا مقاوماتكم او الغوها خالص في الحر ده والدنيا هاتبقي تمام انا هاشتري مقاومة جديده واجرب تاني بكره وهابلغكم

**heshamzaky** · 21-06-2010 08:37 PM

1000 مبروك يا باشا الحمد لله مقاومتى سليمة

**ZALABANY** · 21-06-2010 08:47 PM

امال الحراره عندك وصلت ل100 ازاي يا باشا

**heshamzaky** · 21-06-2010 08:50 PM

المشاركة الأصلية كتبت بواسطة zalabany

امال الحراره عندك وصلت ل100 ازاي يا باشا

الكلام دة أمبارح و النهاردة فقط الجو كان ملهلبب و حر بصورة غير طنيعية و بصراحة انا كنت بستغبى يعنى مروح من التحرير الى مدينة نصر و بشد و التكيف شغال فى عز الحر دة

**mlav_cbr** · 21-06-2010 11:41 PM

المشاركة الأصلية كتبت بواسطة zalabany

هشام باشا ميكولوجي باشا دكتور ضياء جاليليو كل رجالة التمبرا العظماء انا روحت النهارده ولغيت المقاومة خالص عملت كوبري والحرارة ما زادتش عن شرطة بعد ال 90 كده يبقى في مشكله في المقاومة والمروحة كانت على السرعه البطيئة على طول يبقى الحل غيروا مقاوماتكم او الغوها خالص في الحر ده والدنيا هاتبقي تمام انا هاشتري مقاومة جديده واجرب تاني بكره وهابلغكم

انا جربت انى الغيها اللى حصل ايه بعد ما تقف بالعربيه المروحه هتفضل دايرة فا لازم تغيرها بواحدة جديدة عشان الدنيا تتظبط

**heshamzaky** · 21-06-2010 11:56 PM

المشاركة الأصلية كتبت بواسطة mlav_cbr

انا جربت انى الغيها اللى حصل ايه بعد ما تقف بالعربيه المروحه هتفضل دايرة فا لازم تغيرها بواحدة جديدة عشان الدنيا تتظبط

و الله ما انا قولت كدة بأمارة ما قلت ان بطارية العربية نامت بسبب كدة لازم تكون موجودة ما ينفعش تتلغى الكهرباء بتاعت التمبرا سيستم متكامل

**heshamzaky** · 22-06-2010 12:02 AM

المشاركة الأصلية كتبت بواسطة heshamzaky

على فكرة المقاومة الخضراء دى لو بايظة المروحة تفضل تشتغل لغاية البطارية ما تفضى الكلام دة حصل معايا مرة

انا قلت دة يا رجالة صدقتونى يا مينز

**ZALABANY** · 22-06-2010 12:24 AM

لا الكلام ده مش بيحصل عندي المقاومه ملغية والمروحة ما بتفضلش شغاله ولا حاجه والمقاومة دي اصلا مالهاش علاقة بتشغيل المروحة من عدمه المقاومه دي مجرد بتقلل من التيار اللي داخل للمروحة عشان تشتغل على السرعة البطيئة زي ما جاليليو قال
كون ان المروحه تفضل شغاله على طول بيبقى عيب من اتنين اما الترموستات علق ودي حصلت معايا وغيرته بواحد اسباني
او ان في مشكلة في مجموعة المروحة السودا ودي برده غيرتها بعلبه استيراد
من الاخر انا شايف في الحر الفظيع ده ان اللي عربيته بتسخن يلغي المقاومه ويعمل الكوبري ده واكيد هايحس بفرق ان شاء الله ولما يومين الحر دول يعدوا يبقى يرجعها تاني

**heshamzaky** · 22-06-2010 12:32 AM

المشاركة الأصلية كتبت بواسطة zalabany

لا الكلام ده مش بيحصل عندي المقاومه ملغية والمروحة ما بتفضلش شغاله ولا حاجه

جننتونى يا زلبانى انا حا اشد شعرى ههيييييييييه انا قولت لو بايظة و الدليل حتلاقينى مصور صورة لعدد 2 مقاومة واحدة منهم بايظة امال انا غيرتها لية و فى نفس الوقت انا ما عنديش محل لقطع الغيار اذن انا غيرتها و لعلمك بقى انا مرة وانا بقكها و هى بايظة بتبقى سخنة جدا جدا و لسعتنى فى صباعى و صباعى فأ فأ من سخونة المقاومة لما لمستها من الحتة الخضراء

**ZALABANY** · 22-06-2010 09:54 AM

المشاركة الأصلية كتبت بواسطة heshamzaky

جننتونى يا زلبانى انا حا اشد شعرى ههيييييييييه انا قولت لو بايظة و الدليل حتلاقينى مصور صورة لعدد 2 مقاومة واحدة منهم بايظة امال انا غيرتها لية و فى نفس الوقت انا ما عنديش محل لقطع الغيار اذن انا غيرتها و لعلمك بقى انا مرة وانا بقكها و هى بايظة بتبقى سخنة جدا جدا و لسعتنى فى صباعى و صباعى فأ فأ من سخونة المقاومة لما لمستها من الحتة الخضراء

هشام باشا أنا مش بشكك في كلامك بس كده واضح ان ممكن يكون في حاجه مفقوده
احنا عايزين حد عربيته ما حدش لمسها ونشوف يعني لا كهربائي عدل فيها كل حاجه على اصلها
لو فصل المقاومة وعمل كوبري هل المروحة هاتفضل شغاله على طول ولا لا
الغريبه اني رحت للكهربائي امبارح قالي اصلا المقاومه دي ملغية وحتى لو ما وصلتش السلكتين ببعض المروحه هاتشتغل ودي حاجه غريبه لأنها من يومين ما كانتش شغاله الا لما بحط السلوك في المقاومه العربية دي شكلها ملبوسه ولا ايه مش عارف المفروض دلوقتي انها شغاله على السرعة العاليه على طول