الحل الجذرى والنهائى لمشكله سخونه التمبرا

**heshamzaky** · 22-06-2010 10:43 AM

المشاركة الأصلية كتبت بواسطة ZALABANY

هشام باشا أنا مش بشكك في كلامك بس كده واضح ان ممكن يكون في حاجه مفقوده
احنا عايزين حد عربيته ما حدش لمسها ونشوف يعني لا كهربائي عدل فيها كل حاجه على اصلها
لو فصل المقاومة وعمل كوبري هل المروحة هاتفضل شغاله على طول ولا لا
الغريبه اني رحت للكهربائي امبارح قالي اصلا المقاومه دي ملغية وحتى لو ما وصلتش السلكتين ببعض المروحه هاتشتغل ودي حاجه غريبه لأنها من يومين ما كانتش شغاله الا لما بحط السلوك في المقاومه العربية دي شكلها ملبوسه ولا ايه مش عارف المفروض دلوقتي انها شغاله على السرعة العاليه على طول

صباح الفل و الورد يا باشا و حتى لو بتشكك فى الكلام هى دى يعنى حاجة تزعل يا راجل كبر دماغك ما تبقاش حساس كدة خليك براحتك بص يا معلم انا لما غيرت المروحة جبتها ب 150 جنية كاملة يعنى بالمقاومة مجرد وصلت السلوك عند الكهربائى ما لعبتش فى الكهرباء على حالة الفابريكا ما عدا كتاوت خارجية ودى للتكيف مالهاش دعوة و الى انا متأكد منة ان المكثف الاخضر المهبب دة لو مش سليم بيعمل لخبطة جامدة و متأكد مليون فى المية ان المروحة ذات نفسها ليها سرعتين و الدليل المادى الملموس انا عامل مفتاح شدة واحدة مركبة لمروحة الرادياتير على السرعة العالية يعنى لو شديت المفتاح من الصالون المروحة بتدور على السرعة العالية حتى لو العربية مطفية و دة انا عاملة احتياطيا علشان لو لاقدر الله وانا ماشى و التريموستات باظت ممكن اشغل المروحة يدويا و طبعا لما كنت عند الكهربائى وصلة الاول على سرعة المروحة البطيئة قوليلة لا طبعا أعملة غلى السرعة العالية ودة الى مخلينى متأكد ان المروحة بذات نفسها ليها سرعتين و المكثف الاخضر دة بتاع قطع الغيار قال لى ان فائدتة مجرد تدوير المروحة زى start بس و طبعا كلامى دة ممكن ان يحمل الخطأ او الصواب

**ZALABANY** · 22-06-2010 11:07 AM

صباح الجمال يا h باشا
أنا اختلف مع سيادتك
وأتوقع التالي الثرموستات هي المسئوله عن تشغيل المروحه يعني هي اللي بتدي الاشاره لتشغيل المروحه وكلنا متفقين على ده لما العربية بتسخن من غير تكييف بتشغل المروحه عن طريق المقاومه على السرعه البطيئة ولما يتوصل للدرجه الأعلى من الحراره بتشغل المروحة دايركت دون المرور بالمقاومه بدليل انك لو فصلت المقاومه المروحة بتشتغل على السرعه الأعلى وكده المفروض ان التكييف يخلي المروحة تشتغل على السرعه الأكبر دون المرور بالمقاومة واظن هنا لو المقاومة بايظه هو ده اللي ممكن يخلي المروحة تشتغل بشكل مش مظبوط وده برده يفسر وجود 3 رجول او اطراف للثرموستات ده تخيلي للقصة ماشيه ازاي ياريت لو انا غلط حد يصلحلي
فينك يا جاليليو

**heshamzaky** · 22-06-2010 12:03 PM

بص يا باشا الترومستات الى ب 3 رجول فعلا بتدى درجتين حرارة عالى و واطى و على هذا الاساس المروحة بتدور اما بالسرعة العالية او البطيئة دة لا خلاف علية طب فسر انت ليا لية لما انا الاول كان راكب عندى مروحة أوبل و الترموستات الى ب 3 رجول راكبة و المكثف الاخضر برضو راكب المروحة كانت بتشتغل على سرعة واحدة ؟؟؟ و لما رحت أظبط التكيف الراجل قال لى لو سمحت هات المروحة الاصلية علشان فيها سرعتين قولتلة بس دى على مروحة الاوبل يعنى قوية جدا و سريعة قال لى دة تصميم العربية و الزيادة الوحيدة الى عملها انة ركب كتاوت خارجية مع كومبريسور التكيف بعد لما جبت المروحة الاصلية من عزبة شلبى بجد انا مش فاهم الكلام الى انا بقولة دة تجربتى و مبنية على كلام الصنايعى بتاع التكيف طب و فسر انت ليا ازاى انا عامل مفاح يدوى لتشغيل المروحة على السرعة العالية مش البطيئة حتى لو العربية مطفية خالص

**ZALABANY** · 22-06-2010 12:08 PM

مش عارف بأه استني حد يكون عربيته ما اتعدلش فيها حاجه ولا اتغير فيها حاجه ممكن يفيدنا

**heshamzaky** · 22-06-2010 12:20 PM

زلبانى فية حاجة مهمة انا مش عارف اتصرف فيها الموضوع بتاعنا رابطة التمبرا مش عارف أكتب اى موضوع فية فية رسالة بتقول علشان الموضوع من 320 يوم حاجة كدة بص على الموضوع و قول دة يتحل أزاى الرابطة بتاعت التمبرا دى أصبحت ثروة قومية يجب الحفاظ غليها

**galilio_mad** · 22-06-2010 12:39 PM

ده مسمار الهوا

و دى كوعة الترموستات , و دى يا هشام اللى بتبقى تحت الاسبراتير او الـ Black Box اللى عندك
و دى عبارة عن قطعة الومنيوم جواها ترموستات بيحجز الميه جوه الموتور لغاية ما تسخن و بعدين يمشيها عادى
و ده عشان الموتور يسخن بسرعة , و غلط جدا ان الترموستات ده يتلغى

**heshamzaky** · 22-06-2010 12:54 PM

تسلم الايادى يا معلم بس انا معنديش كدة لازم تبصلى على العربية بس فى النور و الصورة عندى كدة ومافيش محابس الهواء

**heshamzaky** · 22-06-2010 01:08 PM

زلبانى دة المكثف و هو راكب على الاصل تماما

**heshamzaky** · 22-06-2010 01:41 PM

يا جاليليو تسلم ايدك بجد بس انا مش شايف زى كدة انت قصدك بال black box العمة السودة الستطيلة ولا حاجة تانية

**galilio_mad** · 22-06-2010 02:19 PM

المشاركة الأصلية كتبت بواسطة heshamzaky

يا جاليليو تسلم ايدك بجد بس انا مش شايف زى كدة انت قصدك بال black box العمة السودة الستطيلة ولا حاجة تانية

لأ طبعا , قصدى على الـ Distributor , العلبه السودا اللى خارج منها اسلاك البوجيهات

الموضوع: الحل الجذرى والنهائى لمشكله سخونه التمبرا

LinkBack

أدوات الموضوع

عرض

-

-

المواضيع المتشابهه

Exclamation الحل النهائى لمشكله التنطيط و المساعديين التيت لل rb

الحل النهائى لمشكله mmt فى كورولا الجنوب الافريقى

ما هو الحل لمشكله تزييق ابواب الالنترا 2012؟

الحل المثالى لمشكله المرور فى القاهره

الحل لمشكله حراره الصيف. لكن هل هو موجود؟

الكلمات الدلالية لهذا الموضوع

المفضلات

المفضلات

ضوابط المشاركة