الموضوع: الحل الجذرى والنهائى لمشكله سخونه التمبرا

ما شاء الله على رجالة التمبرا ايه النشاط ده كله طيب مش تقولولي عشان اشترك معاكم انا كمان الحرارة عندي بقت بتوصل ل 100 مع التكييف ومن غير التكييف 92 وما كانتش كده قبل كده
مع العلم اني مغير غطا الرادياتير الأصلي
الرادياتير سليم مش مخروم
دورة المية سليمه
المروحة شغاله تمام
انا فكرت في موضوع دكتور ضياء بالنسبه للحراره اللي بتخرج من السربنتينه انه يكون منطقي في الحر والرطوبه الشديده ان العربية تسخن عشان كده المروحه بتبرد السربنتينه والرادياتير
في نقطتين بأه عايز اتكلم فيهم
الأولى موضوع الكتاوت الخارجي عشان المروحة تلقط مع التكييف عشان الموضوع ده كلفني كتير اوي انا كنت شاري العربية المروحة ما بتشتغلش مع الكتكييف ما بتشتغلش غير في السخونيه ورحت لبتاع التكييف قالي ان مجموعة المروحة العلبه السودا بايظة وعشان كده هاعملك كتاوت خارجي المهم بعد ما عملها وكلفتني حوالي 200 جنيه( اشتغلوني من الأخر)
المهم رحت اشتريت المجموعة ورجعتله فلتله شلي بأه الكتاوت والعك ده ورجعلى العربية على فبريكتها فك الكتاوت ووصل العلبه وبقت المروحة تشتغل مع التكييف من غير كتاوت خارجي ولا حاجه يعني المفروض ان المروحه تشتغل مع التكييف من غير كتاوت ولان العلبه بتاعة الفيوزات دي فيها حاجه بتسخن ويتضرب ودي تقريبا منتشرة فالصنايعية بقوا يعملوا موضوع الكتاوت الخارجي
الحاجه التانيه المكثف اللي راكب في المروحة
في الحقيقه هو مش مكثف هو مقاومة وهو ليه دور في سرعات المروحة بالاضافة لوظيفة الثرموستات بس تكنيك شغله ايه بالظبط مش عارف بصراحة لو المهندي ahmed _su شاف الموضوع ممكن يفهمهولنا لأنه فاهم القصة دي كويس جدا

المهم دلوقتي موضوع لحراره اللي بتوصل ل 100 مع التكييف ده عادي نكير دماغنا ولا كده في مشكله ندور على حلها ايه رأيك يا دكتور ضياء
أنا كمان عايز الخرطوم اللي فيه محبس بتاع الهوا اجيبه منين يا هشام

[quالأولى موضوع الكتاوت الخارجي عشان المروحة تلقط مع التكييف عشان الموضوع ده كلفني كتير اوي انا كنت شاري العربية المروحة ما بتشتغلش مع الكتكييف ما بتشتغلش غير في السخونيه ورحت لبتاع التكييف قالي ان مجموعة المروحة العلبه السودا بايظة وعشان كده هاعملك كتاوت خارجي المهم بعد ما عملها وكلفتني حوالي 200 جنيه( اشتغلوني من الأخر)
المهم رحت اشتريت المجموعة ورجعتله فلتله شلي بأه الكتاوت والعك ده ورجعلى العربية على فبريكتها فك الكتاوت ووصل العلبه وبقت المروحة تشتغل مع التكييف من غير كتاوت خارجي ولا حاجه يعني المفروض ان المروحه تشتغل مع التكييف من غير كتاوت ولان العلبه بتاعة الفيوزات دي فيها حاجه بتسخن ويتضرب ودي تقريبا منتشرة فالصنايعية بقوا يعملوا موضوع الكتاوت الخارجي
ote=zalabany;3872764840] بص يا زلبانى بك الفكرة بتاعت الكتاوت كالاتى الكهربائى بيوصل من الكومبريسور الى الكتاوت وصلة فرعية يعنى لو مش مشغل التكيف خالص المروحة برضو بتشتغل زى الفابريكا على السرعتين طبقا لقياس درجة حرارة الموتور و المياة و تعمل فى ضوء تلك البيانات ( على ابوها يعنى زى الاصل بالظبط ) اما بالنسبة للكتاوكت يا معلم انا تقريبا دفعت 70 جنية تمن الكتاوت و مصنعية التركيب مش متذكر بس مش اكتر من 80 جنية نهائيا بالشاى و القهوة و الاكرامية و كلة هيييييييييه و صدقنى هى مفيدة مش مأثرة نهائيا على اى حاجة فى دورة التبريد الاصلية لا من قريب و لا من بعيد و المروحة بتفصل عادى جدا حتى و التكيف شغال

معلش يا زلبانى بك اصل لما بعمل كوبى ساعات كلام بيقع من المشاركة الخرطوم دة انا سألت الرجل علية فى عزبة شلبى هو عندة بس ما قاليش بكام أصل هو شايف انى بسأل على حاجات هو بيعتبرها كماليت زيادة و يقولى يا أستاذ هشام انت بتطلب حاجات عجيبة بس انا تحت أمرك و الحل محلك بس لو روحتلة و المحل فاضى مفيش زباين و الدنيا هادية بعمل الى انا عاوزة و حا ابقى اقولك الخرطوم دة راكب من فين لفين و بكام و الدكتور ضياء ممكن يفيدنا جدا لان عربيتة فيها الخرطوم الى بصمام دة يعنى عملى فى عربيتة

هشام باشا انا ما قصدتش ان الكتاوت دي مالهاش لازمه او مكلفه انا اقصد ان الفابريكه بتاعة العربية ان المروحة تشتغل مع التكييف من غير كتاوت
وغالبا يا هشام باشا المقاومه بتاعة المروحة ليها دور في تشغيل المروحة مع التكييف من غير كتاوت خارجي
ولا زالت مشكلة الحرارة مطروحة

المشاركة الأصلية كتبت بواسطة zalabany

هشام باشا انا ما قصدتش ان الكتاوت دي مالهاش لازمه او مكلفه انا اقصد ان الفابريكه بتاعة العربية ان المروحة تشتغل مع التكييف من غير كتاوت
وغالبا يا هشام باشا المقاومه بتاعة المروحة ليها دور في تشغيل المروحة مع التكييف من غير كتاوت خارجي
ولا زالت مشكلة الحرارة مطروحة

هييييه يا معلم انت دوختنى انا بقيت متلخبط انا بكتب فى اى موضوع مشاركة هيييييه بص يا سيدى سيبك من موضوع المكثف دة مش دى القضية ما هو انا قلت ان المروحة بتشتغل برضو زى الفابريكة بالظبط بس الكتاوت دى عامل مساعد انا قلت للراجل بتاع التكيف انى بعد ما غيرت المروحة وجبت المروحة الاصلية ال سرعتين لما الكباس بتاع التكيف يشتغل المروحة ستعمل مع اى زيادة فى الحرارة على الدرجة السريعة قالى يا باشا ممكن تريح دماغك و سيبنى اعمل الى انا بعملة فى 100 عربية و على فكرة الراجل دة متعاقد مع بعض الهيئات و الشركات و بيجيلة عربيات بالهبل اللهم لا حسد و حافظ تكيف التمبرا و مش معنى كلامى ان دة الواجب اتباعة و المشى على منهجة بس انا مستريح لموضوع الكتاوت و مطمئن لة لانى اول ما بشغل التكيف السرعة العالية بتاعت المروحة تشتغل و بالتالى ببعد عن موضوع السخونة و بالنسبة لموضوع المقاومة بتاعت المروحة الى انا سمعتة ان كل دورها هو تشغيل المروحة زى start بس و الدليل فك سلك من الى داخل على المقاومة حتلاقى ان المرحة مش حا تشتغل انا مش عايز ادخل فى نقاش علمى بحت بس الكلام دة الى انا سمعتة من بتاع قطع الغيار و الصنايعية

صباح الفل و العسل و الياسمين يا عم جاليليو فينك يا استاذ الاول حا تجيبلى بيبسى ولا لآ و بعدين نتكلم هييية