الموضوع: سامحك الله يامصـــــــر .... اعمل ايه دلوقتي

المشاركة الأصلية كتبت بواسطة أحمد كمال

يا ريت تقول اسم الشركة عشان نقاطع خدماتها و منتجاتها

ماهو ما ياخدوش خيرنا و يبخلوا علينا !!!!!!

يااستاذ احمد مش الشركة اللي رافضة !! اللي انا عرفته من واحد صاحبي سوري شغال فيها
ان دي حاجة زي المنح وللاسف مصر ما قدمتش الموافقة اللي المفروض ان الطلبة بتوعها يقدموا للمنحة

على الجانب التاني ان الشركة بتوظف المصريين عادي جدا جدا..... انما بالطريقة الاولى زي ما قولت لك مصر غير مشاركة

معلش ربنا يكرمك بالى احسن منها ان شاء الله, و انت بتقول اهوه لسه مخلص و بتقدير عالى ما شاء الله ياعنى قدامك فرصه كبيره تبدا career ناجح ان شاء الله, بس معلش سؤال, حضرتك واخد البكالريوس من جامعه ايه؟ و كنت ميكانيكا عادى طوال سنين الدراسه و اتخصصت فى الاخر ولا تخصصك ميكاترونيكس من اول الدراسه؟ و دراستها صعبه فى جزء المواد الى خاج ميكانيكا؟ ايه الى شجعك عليها؟ اصل انا ميكانيكا عادى و بفكرر جدياً فى تخصص الميكاترونيكس و عايز اعرف عنه شويه,
شكراً.

من المعروف ان شعبة ميكاترونكس تندرج تحت قسم ميكانيكا والتخصص بيكون في سنة تالتة

المهم ان الدراسة فيها لو انت بتحب الهندسة ممتعة جدا بغض النظر ان انت بتحس انك تايه لانك بتاخد كل مادة في مجال يعني تدرس تصميم ميكانيكي وجنبها Electric machines و Digital signal processing المهم انت بقى اللي تربط كل ده ببعضة واهم حاجة لو عندك المقدرة انك تشتغل عملي

انا كنت ناوي ادخل ميكانيكا من الاول وكنت بحب الالكترونكس والبرمجة وبصراحة واحد من خريجي القسم هو اللي رشحلي القسم وصليتت استخارة واجهدت والحمد لله ربنا وفقني (ادعولي بقى المشروع يخلص على خير)

شكرا على ردك, و ربنا يوفقك فى مشروعك, و ان شاء الله بدرجه امتياز هو كمان.

المشاركة الأصلية كتبت بواسطة kareemz

ربنا ييسر الامور ان شاء الله
صدقنى ما دام انت مخلص فى دراستك و جايب تقدير كويس و فاهم .. ان شاء الله ربنا هيكرمك بشغل فى حته كويسه جدا .. يمكن أحسن من الشركه دى كمان
نصيحه متبصش فى الفلوس فى الاول .. شوف أكتر مكان تاخد فيه خبره و بعدين الفلوس هتيجى بعد كده.

الموضوع مش فلوس خالص ... انا عارف في الاول لازم تكافح والفلوس هتيجي ان شاء الله
انما الشركة دي كويسة من ناحية انها كانت هتديني خبرة في التخصص بالاضافة الى الفلوس

سبحان الله وبعد ايميلات واتصالات با HR بتوع الشركة والحمد لله طلعت HR Administration Supervisor مصرية وست محترمة وكلمتها وقلت لها اني من مواليد المملكة العربية السعودية وبعتلها شهادات الميلاد واني مقيم هناك لمدة 21 سنة والكلام ده كله وبعتلها صور جواز السفر والاقامة وقالت لي ان انا كده اقدر اعمل apply تاني واكتب ال residence country KSA وال Birth country KSA

بس ده كله ب application جديد وخطوات جديدة من الاول للاخر بس برضه مشكلة ال nationality لسه موجودة ولكن ان شاء الله تعدي

ادعولي ربنا يسهلها لي

وتحيا المملكة العربية السعودية ...... لن انسى لها هذا المعروف ما دمت حيا

والله يجازي كل من كان السبب في تخلفنا