سير الكاتينه اتقطع مني وانا علي طريق السويس الصحراوي

**محمد الشامي** · 15-06-2010 11:06 PM

المشاركة الأصلية كتبت بواسطة elakawy

طيب يا جماعة معنى كده ان سير الكاتينة مالوش عمر افتراضي ...يعني بيكون جديد وممكن يتقطع ؟؟!!

اتوقع نوع السير و جوده التصنيع هي الفيصل في الكلام , مش حكايه قديم ولا جديد !!!

**dr.hany** · 15-06-2010 11:30 PM

المشاركة الأصلية كتبت بواسطة se_coralsea

قدر الله و ما شاء فعل لعله خير و يمكن مش مكتوب لك تكمل في الطريق ده , صدقني انا كل يوم و انا راجع من السويس بالليل أول ما أوصل عند مدخل الرحاب بأتشاهد

ربنا يعينك و يقويك علي اللي أنت فيه و أبقي طمننا علي اللانوس

111111111111111111111111111

**samirayad** · 15-06-2010 11:35 PM

طيب يا جماعة معنى كده ان سير الكاتينة مالوش عمر افتراضي ...يعني بيكون جديد وممكن يتقطع ؟؟!!

أنا كنت مركبه وألمانى وماركه محترمه وكنت شارى أغلى حاجه

وعملها وأنقطع على 15 ألف

وكنت مغلب التاجر وأنا بأشتريه منه

وقعدت أنقى لأنى شكاك بطبعى فى حكاية سير الكاتينه وعقله وشقوقها

وبعدها حسيت أنها مسألة حظوظ مش أكتر ( بسبب خطأ تصنيع أو

خامه مش تمام مثلا )

عامله زى أول جنيه مزور وقع فى أيد نجيب الريحانى

**khalid9411** · 16-06-2010 12:00 AM

لا نظلم السيور ممكن السير يكون كويس وحالته ممتازة
ويكون سبب قطعه البليه صح ولاغلط

**samirayad** · 16-06-2010 12:09 AM

ويكون سبب قطعه البليه صح ولاغلط

صح طبعا

لو أى حاجه فى المجموعه اللى بيشغلها السير كانت تقيله ومزرجنه فى دورانها

حتقصف عمره بدرى

زى طلمبة ميه - شداد - ضغط زيت ضعيف وغيره

بس أنا بأتكلم لما تكون كل أمورك تمام وتقع فى جنيه مزور

تعمل أيه .............يبقى بخت ونصيب

والحمد لله طبعا

شوف ياحج : خالد

أنا كنت شارى العربيه أستعمال وفيها سيرها القديم ( أتحاد أوروبى )

ومرضيتش أسافر بيها أول مره إلا أما أغير السير

غيرته ....وشيلت القديم فى الشنطه

وبعد كذا مشوار ( كنت عملت بيه 15 ألف )

ومطمنله وحاطط فى بطنى بطيخه صيفى من جهته

طلعت بطيخه قرعه للأسف

لأنى شغلت العربيه بالقديم تانى ولا حصل منه أى مشكله على نفس المكونات والظروف

**khalid9411** · 16-06-2010 12:54 AM

كيف حالك يا ابو احمد وحشتنى والله
ما هى لما تكون قصرانه هتبقى قصرانه برضه
الحمد لله على كل شئ
فاكر طبعا السير الانا قلتلك عليه الالمانى عامل به الان 11000 كيلو مش عارف اغير ولا لا
لو غيرت هغير جميع السيور وبلية الكاتينه وطقم التيل والفلاتر وبوجيهات وسلوك والخ؟
يش ارجع واقول شويه يا واد مش عارف

**احمد المصرى** · 16-06-2010 08:49 AM

الحمد لله على كل حال والحمد لله انك بخير

بس والله الواحد بدا يقلق دا كدا ممكن فى ثانيه الموضوع يبوظ منه

بس انا عايز اعرف منك لو العرفيه فصلت وهيا ماشيه من الواحد يعرف منين ان دا سير كتينه مقطوع ولا اى عيب اخر وهل لو الواحد العربيه بطلت منه ومدورهاش هل برضوا يحصل مشكله فى الصبابات ولا الصبابات بتبوظ علشان بندور وسير الكتينه مقطوع

**=ISLAM=** · 16-06-2010 10:12 AM

المشاركة الأصلية كتبت بواسطة M.Zaher

الحمد لله قدر الله و ماشاء فعل

معنى كده ان البليه هيا سبب قطع السير؟؟؟؟

الحمد لله , بص معرفشي ممكن تكون البليه وممكن لأ بس مجملا عايز اقولك ان السير تقريبا كله كويس ماعدا القطع متبهدل علي الاخر.

المشاركة الأصلية كتبت بواسطة elakawy

طيب يا جماعة معنى كده ان سير الكاتينة مالوش عمر افتراضي ...يعني بيكون جديد وممكن يتقطع ؟؟!!

ممكن تقريبا انت ونصيبك.

المشاركة الأصلية كتبت بواسطة محمد الشامي

اتوقع نوع السير و جوده التصنيع هي الفيصل في الكلام , مش حكايه قديم ولا جديد !!!

مش هاتفرق برده انا كنت جايبه الاصلي ب100 ج واتقطع بعد 17 الف ك

المشاركة الأصلية كتبت بواسطة samirayad

أنا كنت مركبه وألمانى وماركه محترمه وكنت شارى أغلى حاجه

وعملها وأنقطع على 15 ألف

وكنت مغلب التاجر وأنا بأشتريه منه

وقعدت أنقى لأنى شكاك بطبعى فى حكاية سير الكاتينه وعقله وشقوقها

وبعدها حسيت أنها مسألة حظوظ مش أكتر ( بسبب خطأ تصنيع أو

خامه مش تمام مثلا )

عامله زى أول جنيه مزور وقع فى أيد نجيب الريحانى

كلام صح تماما

المشاركة الأصلية كتبت بواسطة khalid9411

لا نظلم السيور ممكن السير يكون كويس وحالته ممتازة
ويكون سبب قطعه البليه صح ولاغلط

صح والله اعلم

المشاركة الأصلية كتبت بواسطة احمد المصرى

الحمد لله على كل حال والحمد لله انك بخير

بس والله الواحد بدا يقلق دا كدا ممكن فى ثانيه الموضوع يبوظ منه

بس انا عايز اعرف منك لو العرفيه فصلت وهيا ماشيه من الواحد يعرف منين ان دا سير كتينه مقطوع ولا اى عيب اخر وهل لو الواحد العربيه بطلت منه ومدورهاش هل برضوا يحصل مشكله فى الصبابات ولا الصبابات بتبوظ علشان بندور وسير الكتينه مقطوع

بص انا اول لما حصل معايا كده اصحابي اللي كانوا راكبين معايا قالولي دي طرمبه بنزين

بس انا جربت اشيل السلك اللي رايح علي فلتر البنزين وفتحت كونتاكت لقيت البنزين بيضخ كويس

في واحد صاحبي قاللي ده ممكن يكون سلك معرفشي ايه كده اللي بيوصل دوره البنزين اتقطع

دي طبعا كلها اجتهادات

اول لما رحت للميكانيكي قاللي دور العربيه ,دورت وقالي بطل وعلي طول راح فاكك وش الكفر اللي علي السير ووراني السير وهوه مقطوع وقلبي كان بيتقطع معاه.

بعد كده قولتله طب ممكن يكون سير وبليه فقط ومعملشي حاجه تانيه ,المهم اشتريناهم ال GM الاصلي ب 245 ج الاتنين . وجربناهم لقينا تقريبا الموتور صوته ورجرجته مش طبيعيه,,فقاللي زي ماقولنلك يا باشا ان لازم خراطه وطقم صبابات و جوانات و .... و ....

انا اللي مزعلني في الموضوع ده اني لسه مغير زيت الموتور موبيل 1 10الاف الاسبوع اللي فات لسه مكملتش اسبوع يعني بيه واصلا انا مغيره الاسبوع اللي فات وكنت عامل بيه 4 الاف كيلو من 10 الاف علشان مسود اوي فتقريبا بغير زيت كل اسبوع

انا ان شاء الله هاستلم الانوس النهارده بليل كده وهابقي اقولكم ايه الاخبار....