تويوتا كورولا 2002 ب 50000.........

**mamdouhharbi** · 15-02-2008 10:35 AM

يا جماعة ممكن أعرف رأيكم فى إنى قدامى عربية كورولا موديل 2002 بخمسين الف إستعمال شركة...
بس عاملة حوالى 300000 كم أغلبهم سفر......صيانة توكيل......الشكل الخارجى والداخلى نقول حالة جيدة..
يا ريت تردوا عليا برأيكم هل السعر دة كويس للمواصفات دى........؟

**mohameduoser** · 15-02-2008 10:48 AM

300000 كم كتير اوى انا راى بلاش منها

**mody8310** · 15-02-2008 07:54 PM

:) السيارة دى مانيوال ولا اتوماتيك ؟
اذا كانت مانيوال فالاجابة نعم
واذا كانت اتوماتيك فالاجابة لا

**Dr Ahmed** · 15-02-2008 08:27 PM

سعر عادل متناسب مع الكيلوهات
لكن أظن التدقيق والسؤال مهم
مش عارف ليه حاسس انها مغيرة ربع وللا سقف وللا حاجة زى كده ويارب ظنى يخلف.

**NaderNabil** · 15-02-2008 10:07 PM

50000 تحفة طبعا....ولو علي الموتور و العفشة طوظ:)

أهم حاجة في العربية هي الجسم...لو حالته كويسة و مش ملعوب فيه كتير...و حالة الصالون معقولة...تبقي تمام قوي

هتصرفلك عليها بالكتير قوي قوي 10000-15000 ده لو ضايعة و مفهاش حاجة سليمة...

اكشف عليها في أكتر من حتة و وجيها التوكيل و اعمل اللي تقدر عليه عشان تتأكد منها

و لو طلعت كويسة يبقي ألف مبروك مقدما :)

**mahamedaraby** · 16-02-2008 04:17 AM

هو السعر تحفه طبعا ومش هتلاقى زيه ولا فى الاحلام انا نفسى مصدقتش وانا داخل الموضوع

لكن بص روح اكشف عليها فى التوكيل وشوف هقولك ايه لو قالك كويسه توكل على الله وعليك خير ومبروك عليك مقدما

ربنا يباركلك فيها و يعطيك خيرها ويبعد عنك شرها.
ربنا يكفيك شر الطريق.

**mamdouhharbi** · 16-02-2008 11:42 AM

متشكر أوى يا جماعة على ردودكم .........
من الحاجات اللى نسيت أقولها إن العربية اتوماتيك.... وإنها دايما فى صيانة دورية فى التوكيل وعليها تأمين شامل... بس يمكن هية الحاجة الوحيدة اللى مخوفانى إن العربية دى إتغير عليها 5 أو 6 أشخاص يعنى تقريبا كل سنة واحد.....وزى ما إنتو عارفين إن تغيير الرجل على العربية كتير مش حلو ...دة غير إنى أنا حركبها ولو حصرف عليها كمان فى عمرة أو حاجة هل بعد سنتين حعرف ابيعها بسعر مش خسارة كبيرة ليا ولا حبيعها خردة...........؟

**araberphilosoph** · 16-02-2008 12:31 PM

انا عارف النوع ده من العربيات
دي افراج جمارك سياحه بعد 5 سنين
بص هي العربيه مش هتلاقي فيها حاجه لان شركات السياحه للاوم تكون متامن عليها
شرمكتي بتبيع الانوس موديل 2004 ب 25000 بص لوط علي بعضه بس عامله 500000 كيلو
مش عارف انصحك بس في رايي استعمال الشخص الواحد هيفرق
اكشف عليها وتوكل علي الله

**Karim_Monir** · 16-02-2008 04:33 PM

انت تجيبها وتسقط فيها مكنة 1600 اتوماتيك وعفشة كاملة
ممكن الموضوع ده مع تجديد الصالون يصرف معاك 20 الف
بس انسى بقت عربية 1600 تمنها 130 الف جنية النهاردة

-

الموضوع: تويوتا كورولا 2002 ب 50000.........

LinkBack

أدوات الموضوع

عرض

-

-

-

المواضيع المتشابهه

تويوتا كورولا 2002

تويوتا كورولا 2002 للبيع

شراء تويوتا كورولا 2002

للبيع تويوتا كورولا 2002

تويوتا كورولا 2002 ب 50000.........

الكلمات الدلالية لهذا الموضوع

المفضلات

المفضلات

ضوابط المشاركة