عارفين ليه الناس كلها بتقول الألمانى هو التوب؟؟؟؟

**N.a.j.d** · 21-06-2010 01:46 PM

الماني الماني يا جماعه بس برده الكوري زي الهونداي دي شركه محترمه برده

**M.Mostafa80** · 21-06-2010 02:58 PM

[QUOTE=N.a.j.d;3872783379]الماني الماني يا جماعه بس برده الكوري زي الهونداي دي شركه محترمه برده[/QUO
ههههههههههههههه حاسيس انك عايز تفكرنا بأكرم مش عارف ليه صح ولا انا غلطان

**N.a.j.d** · 21-06-2010 03:40 PM

كلامي صح ولا لا ...؟

**egytamer** · 21-06-2010 03:49 PM

الالماني عربيات محترمة جدا ومنافستها تحتاج فكر معين لانهم مبينزلوش عربيات في الفئة السعرية الرخيصة لذلك هما مركزين علي جزء معين من السوق ومتربعين علي مبيعاتو

**m_kamal** · 22-06-2010 07:07 AM

المشاركة الأصلية كتبت بواسطة horas3000

مع احترامي الشديد ليك
مين اللي قال كده يا زعيم
انا عايش في الخليج و عارف كويس قيمة الامريكاني بحكم اني كنت بمتلكه كمان
و سقت الجمس و الكابريس و الكونكورد
من الاخر عربيات متوسطة الجودة مفيهمش الا متور و جير و مينفعوش الا علي الطرق المستقيمة غير كده متلقيش
و لو قلبك شديد و بتبحث عن مغامرة حاول تاخد ملف حاد باي عربية امريكاني بسرعة فوق ال 140
اما انتشارهم في الخليج فيعود الي اسعارعم المعقوله و قوة المواتير الغبية و الراااااحة اللي فيهم
لكن مفيش حد بيجبهم عشان الرفاهية او الجودة

بالنسبة للحادث اللي حضرتك تعرضت له
الف الحمد لله علي سلامتك
بس انت بتقول ان الحادث وصل للمتور اللي دخل علي الطبلون و عربيتك موديل 2008
ده المرسيدس موديل التمانينات المتور بينزل تحت العربية لما الحادثة بتوصل للمتور
فازاي بتقول ان الامريكي يتفوق علي الالماني في النقطة ده

خلاصة الكلام انت جبت ميزتين من اقوي ما يميز العربيات الالماني و هما الجودة و الامان و اللي هما في نفس الوقت من نقاط ضعف الامريكاني و هنا تبان وجهة نظري ان المقارنه بالالماني فيه ظلم للعربيات التانية

تمام كدة يا زعيم

**hamdy** · 22-06-2010 09:01 AM

ياباني ايه بس اللي بيتقارن دلوقتي بالالماني يا جماعة
الالماني مكنة عفية عمر افتراضب اطول تقفيل انضف خامات اقوي رفاهية ملهاش حدود

**skoda1996** · 22-06-2010 06:41 PM

طب انا بقلك عن خبرة ان الالماني يكسب و مش في العربيات بس
و الاختلاف في الراي لا يفسد للود قضيه

**ahmedbeirut123** · 22-06-2010 09:34 PM

المانى ايه بس

مفيش بعد الاسبرانزا هههههههه

**otefa** · 22-06-2010 10:26 PM

الألماني كقاعدة عريضة الأفضل كأداء وخامات وأعتمادية..............الجاجوار تتفوق في فخامة الصالون لكنها ليست أعتمادية............الأمريكي عربيات علي أدها تكنولوجيا وأستهلاك بنزين عالي بس مريحة في قاعدتها ومواتير بتستحمل جاااامد وتكييف رائع وصيانة أرخص بصفة عامة في الخليج
عايز تركب ألماني ولا أوروبي يبقي زيرو لأنه وخصوصا في الخليج مابيوصلش لل 120000 ويبدأ قرفه مشاكل حرارة وعفشة متصممة علشان الأداء العالي تبدأ تفتح بقها بغباء سواء مرسيدس ولا بي أم ولا ألفا روميو ولا جاجوار ولا ولا
وبما أني مش غاوي ياباني أخترت مؤخرا الكابريس بصراحة عربية عملية وتكييف تلاجة وباور عالي وتراكشن كنترول بس فتيسها عليه شوية علامات أستفهام....................وده بعد تجربتي لمرسيدس أس كلاس وألفا روميو وفورد ثندربيرد وتويوتا سيليكا وبي أم 535 وبي أم 540 وجيمس يوكن وجيب جراند شيروكي وهوندا سيفيك وفيات كوبيه تيربو وجولف ..............وكفاية كده طولت عليكوا وده الي فاكره دلوقتي
الملخص الألماني كعربية رقم واحد عند مقارنتها باي عربية تانية في نفس فئتها بأسلوب النقاط
الألماني الحديث(سينسورز وأيرفلوميتر وووووو) للي عنده أستعداد يبدل عربيته بالزيرو بتاعها كل 5 سنين أو 130000 كيلو يعني عنده الأستعداد النفسي والمالي للرفاهية هههههههههههههههههه

**ahmedyehia515** · 22-06-2010 10:53 PM

أنا شخصياً شايف انو فعلاً الألمانى هو التوب لأسباب بسيطة اوى ، أقل عربيات بتسحب بنزين هى الألمانى، أطول المواتير عمراً هى الألمانى ، يهنى لو دورت على جولف موديل75 حتلاقيه مغير كل حاجة فى العربية إلا الموتور حتى متعملوش عمرة ، أكتر العربيات أماناً بالذات على السرعات العالية و ده سببه انو ألمانيا مفيهاش حاجة اسمها رادار، يعنى تمشى على قد موتور عربيتك ما يجيب.

و بعدبن يعنى إيه ألمانى ، يعنى بى أم و مرسيدس و أودى و أوبل و فولكس فاجن

و الموضوع سببه ان الناس ده بتصرف على البحث العلمى للعربيات، يعنى لو بصيت على أى اختراع فى العربيات حتلاقيه بدايته فى عربية ألمانى، يعنى بتلاقى العربيات التانية ورا الألمانى ب 5 سنين.

و أكبر دليل قارن الكامرى بالبى ام 320 ، الكامرى ركوبة و سرعة بس البى ام فيها كل التكنولوجيا اللى فى عالم العربيات.

الحاجة الضعيفة فى الألمانى هو تصميم العربية و هنا تتفوق فرنسا بالذات بيجو و إيطاليا ألفا روميو فى النقطة ده بس الأوروبى ييجى فى المرتبة الثانية بعد الألمانى

و برده الأختلاف فى الرأى لا يفسد للود قضية

الموضوع: عارفين ليه الناس كلها بتقول الألمانى هو التوب؟؟؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

الناس الي بتقول عن الكورولا الجديدة وحشة !!!

الناس بتقول شكل للبيع

ليه الناس بتقول على الكينوود ال 500 مسرسعه؟

لية الناس كلها بتقول ان السوق واقع فى رمضان

الناس الى بتقول ان السير عكس عقوبة السجن الكلام دة غلط ودة الدليل

الكلمات الدلالية لهذا الموضوع

المفضلات

المفضلات

ضوابط المشاركة