الموضوع: عيوب لوجى هى أجمل مميزاتها....

المشاركة الأصلية كتبت بواسطة Moh_Ibrahim

والله يا جماعه مكان الكلاكس ده رائع و سهل فى التعامل معاه و العربيه شكلها جميل جدا ( من وجهة نظرى)
بصراحه الواد الفرنساوى اللى صممها جامد قوى ، يبانلك من الوهله الاولى انها شكلها مش عصرى بس لما تشوفها كذا مره تحس ان هى من كوكب تانى و انا شايف ان شكلها عصرى جدا
و انا عايز اقول ان العيوب اللى الناس اظهرتها فى هذا المنتدى عيوب عاديه و موجود اكثر منها فى عربيات اعلى منها سعرا ، بس هى ظاهره قوى فيها لان تقريبا اكثر مشاركات فى المنتدى فى قسم اللوجان و هى العربيه الوحيده اللى لها قسم لوحده نتيجة كثرة المشاركين

و هذا يدل على ان العربيه ده الناس حباها ، اى حد بيشوفها فى الشارع بيروح على النت يدور على تفاصيل ليه

وانا متاكد بفضل الله تان العربيه ده احسن من عربيات كورى كثير زى الاكسنت و الفيرنا .... و اللانوس

و هنتشر بشكل كبير

لا زلت اسمى ما يقال عن عيوب اللوجان مميزات ففعلا لم أجد عيبا فيها الا كان ميزة
طبعا الكمال لله وحده و لا يوجد صناعة كاملة مائة فى المائة و لكن عندما تكون 90% بيكون انجاز راااائع
لكن اللوجان بصراحة 97%
المهم ان واحد كان راكب فيرنا ماشى جنبى و يبدو انه فرحان بعربيته و لأنى فى فترة تلين الموتور ما حبتش اسرع بيها
ففوجئت بصاحبنا طار من جنبى عايز يبين لى انه ركب صاروخ المهم مشى شوية و كان فى مطب فى وشه
شفت العربية من ورا قلت الله يعوض عليه اتهبد هبدة و اللوجان حفظها الله لقيت نفسى زى ما قال الأخ نادر نبيل فى موضوعه كأنك راكب على ريش النعام....
ما شااااااااء الله لا قوة الابالله

انا مش عارفة ايه اللى يضايق لو الكلاكس كان فى الدراع ,هو الواحد بيشترى عربية علشان يكلكس بيها
أعتقد أن الفروق البسيطة (زى الكلاكس و أماكن الأزار مثلا) مش عيوب لمجرد ان باقى العربيات مفيهاش نفس النظام

اولا مبروك عليك العربيه
ثانيا العربيه من وجهه نظري العيوب ديه مش عيوب والعربيه ممتازه كفايه العفشه وارتفاع العربيه وشنطتها و.......

عفارم عليكم يا اصحاب اللوجان . أهو اللي الناس شايفاه عيوب في العربية احنا شايفينه مميزات . و ده صحيح و اكبر دليل علي كده انتشار العربية بشكل جامد قوي . العمارة اللي انا ساكن فيها 4 يملكون لوجان اما الشارع فحدث و لا حرج و علي فكرة ناس ركيبة . يعني لو عربيه مش قد كده اكيد الناس مش حترمي فلوسها في حاجه مش مضمونه . فالله يبارك لكم جميعا فيها و يكفيكم شر الطريق .

طيب بالنسبة للصاج بتعها الضعيف وخرطوم البنزين البلاستيك الواصل بالتنك و حد فتح غطى الموتور وبص عليه المكتوب انو رينو لكن ده حاجة تاني خالص كانت فاشلة واتباعت اسمها داتشيا ,مش بتكلم عن تقفيل العربيه أنا بتكلم عن العربيه من جوه روح لاي ميكانيكي بيفهم في العربية وفرجو عالموتور واسمع رأيه.