استلمت اللوجان و الفضل لله ثم ليكوا

**alzobalzo** · 18-06-2010 06:29 PM

السلام عليكم و رحمه الله و بركاته اولا اريد ان اشكر كل من يشارك في هذا المنتدي المحترم الذي ساعدني في الاقتناع و اختيار اللوجان واحمد الله علي هذا القرار اللي كل يوم بحس انه سليم ...ثانيا ارجوا منكم ان تقبلوني اخ ليكوا في هذا المنتدي و ان استفيد من خبراتكوا....اخر حاجه بقي انا عندي سوءال بسيط انا لسه مستلم من حوالي اربع ايام و طول الاربع ايام دول كنت بشاغل التكييف عادي بس كنت بتبع التعليمات الي انتوا قلتوها بتاعت فتح الزجاج و تشغيل المروحه...الخ ..بس كنت بحس بفرق في سحب العربيه عن بدون التكييف فكلمت التوكيل قالولي متشغلش التكييف الا بعد 1000ك فهل هذا طبيعي وبعد كده مش هيبقي في فرق ولا هيفضل برده في فرق في السحب و هل الربغ ايام دول اللي استخدمت فيهم التكييف ممكن ياثروا علي الماتور....معلش يا جماعة انا خبرتي قليله و مستي اهل الخبره يفيدوني ..جزاكم الله خيرا

**amr.elsayed** · 18-06-2010 06:38 PM

اولا الف مبروك وربنا يباركلك فيها ويكفيك شرها ويعطيك خيرها
ثانيا مافيش اى مشكلة من تشغيل التكييف فى اول عمر السيارة ... لكن فى نفس الوقت انت فى مرحلة التليين والعربية لم تصل الى افضل اداء ليها بعد (3000 كيلو)
بالاضافة ان الجو الايام دى حر بزيادة شوية وبيكون فى حمل على كومبروسيسور التكييف ومن المعروف ان التكييف بيقلل من عزم السيارة لكن بتشعر بيه فى الحر الشديد وبتشعر بيه اكتر فى اول عمر العربية
اصبر شوية على العربية وانت حتلاحظ تحسن تدريجى فى الاداء ولا تقلق ... سيارة جميلة وتستحق الاحترام

**Mah_Badawy** · 18-06-2010 06:44 PM

أولاً ألف مبروك يا زعيم و ربنا يخليهالك ثانياً يفضل متشغلش التكييف إلا بعد 1000 كيلو بس لازم تأثر على شد العربيه لا مفر والله أعلم......

**zkralla** · 18-06-2010 11:37 PM

الف مبروك يا باشا
اى عربيه مجرد تشغيل التكييف بتحس أن العربيه بقت مخنوقه لزياده التحميل على الماتور
بالنسبه للوجان التأثير ضعيف
بالنسبه لعربيه فى التليين اكيد التأثير هيكون اكتر

**ahamed7405** · 19-06-2010 12:58 AM

مبارك ان شاء الله
ربنا يعطيك من خيرها و يكفيك شرها
و الله يا اخى كل يوم ان شاء الله سوف تحب هذه السيارة اكثر من اول
ربنا يباركلك فيها ان شاء الله
و اى حاجة محتاجها بسم الله ماشاء الله هنا مجموعة اخوة 100% اى سؤال بيردوا بسرعة و بمنتهى الامانة و انا مجرب ده

**alzobalzo** · 19-06-2010 02:42 AM

بجد انت احسن منتدي سيارات مش في مصر في الدنيا....شكرا ليكوا و ربنا يجعلكوا دايما عون لنا ...جزاكم الله خيرا

**nomercy22** · 19-06-2010 09:01 PM

مبرووووووووووك

**shshmoh** · 19-06-2010 09:11 PM

مبرووووووووووووووووك

**bishoy02010** · 19-06-2010 10:09 PM

الف الف الف الف مبروووووووك ربنا يديك خيرها ويكفيك شرها وممكن يكون الفريون عايز يتظبط لأنه 90% هيكون فيه شحن زيادة وبعدها شغل التكيف واعمل اللى انته عايزه وكله هيبقى تمام