داستر اه .........داستر لا

**DOCTORBADRAN** · 11-07-2010 12:01 PM

المشاركة الأصلية كتبت بواسطة CryptonX

الف شكر ليك , انا مشفتش والله المشاركة دي الا دلوقتي .

قبل اي حاجة اعتراضي معترض على نفسه ! يعني ايه !

يعني بالنسبة للداستر .

شكلا .. شكلها من برة يمشي معايا .. مش شياكة اوروبية و مش ملل ياباني و مش عك صيني ... متحفظة شوية بس مش مشكلة .

ندخل جوه .. مشكلتي الكبرى مع اللوجان و العربيات دي .. جوه ... تقولي تقفيل محترم مش محترم ... مش فارق معايا .. تابلوه السيارة هو اكتر حاجة حتقضي وقتك فيها !

اعقتد توزيعة الفلوس كانت ممكن يروح " اهتمام " اكثر شوية للداخل السيارة ... في اللوجان اتقبلت علشان سيارة سعرها ممتاز بالنسة لموصافتها و حجمها .

انما لما نطيت و كسر حاجز ال 100 ... ايه حجتك ؟؟؟

سيبك بقى من تكنولوجيا ال 4x4 و نيسان و الكلام الكبير ده ..

لان ملوش اي لازمة بالنسبة ل 80% من شعب مصر ! لا عندنا طرق OFF ROAD ولا غيره الا بقى لو ساكن في جبل او بتشغل في سفاري ولا حاجة :)

الي بيبص لسيارة 4x4 او جيب مصر لاحد السببين الاتيين :

- عايز سيارة عائلية و اسعة و كبيرة ( 60 % )
- فاكر ان اي عربية جيب تبقى هيبة و برستيج ( 30% )
- بيشتعل في مواقع او حتت مش حتسحمل عربية ( 10% )

بالنسبة للعايز عربية عائلية وواسعة حيكون غالبا راجل من سن 35 و انت طالع و ده مش حيضيع وقته مع عربية مانوال او عاى الاقل حيفضل الاوتوماتيك و ده مش متوفر ..

وبالتالي لو انا من مكانه حبص لسيارة مثل الكارنز بدون تفكير , بصراحة انضف الف مرة في كل شيء من الداستر كسيارة عائلية و بنفس التمن و اوتوماتيك مليانة كماليات و و و وو

بالنسبة للي عايز عربية برستيج ... و فاكر ان اي عربية عالية تبقى هيبة ... يا حيجيب تييجو بما انه مش فارق معاه الماركة .. بس يوفر فلوس .. يا اما لو ربنا فاتحها عليه .. يا حيجيب تريوس - فيتارا -- Xtrail ونت طالع .

فضل ال 10% الي عايز عربية كدة فعلا .. و ده لو مهندس كبير في السن او مرتاح ماديا مش حيبص للفئة دي خالص , انما لو لسة في متقبل العمر او يجيبها كسيارة اضافية لسيارته الاساسية .

انا ليه بقول كدة ؟؟؟

علشان انا قعدت مع 3 دكاترة شغال معاهم ( مهندسين انشائيين )

كل واحد فيهم تقريبا في فئة معينة من المجتمع ( حاجة تضحك )

واحد مرتاح ماديا كان معاه اوكتافيا A4 ... اتبهلدت منه اخر بهدلة في المواقع و التراب و النيلة ..

نزل يتشري 4X4 .... ساعتها مكانش في غير التريوس و اX-trail و الجيب بقى و فما فوق ..ز

انا رشحتله ال X-trail ..را ح بص عليه , قالي بالحرف " ايه القرف ده يا كريم ! " شكلها ممل جدا م قديم جدا و من جوه مملة جدا ( انا قلت جايز :P )

طبعا بص على التريوس قالي دي " لعبة " مش عربية ..قلتله ماشي !

شاف الفيتارا .. قالي 2 باب لأ .... شاف الجراند فيتارا عجيبته .. بس بعدها بيوم لقينا الفولكس فاجن تيجوان ال 150 حصنا ) 1400 TSI )

الراجل مفكرش و اشتراها على طول .. و هي عربية تحفة طبعا بعد ماشفتها و انضف من كل اللي فات بس اغلى طبعا .

نيجي للدكتور التاني ... مبيشتغلش مواقع اوي .بس عايز عربية جيب برده ! ده من غير تفكير و تدوير ...

عربية عائلية و اسعة اوتوماتيك و ياباني ز.. = تريوس و مضيعش وقته ! اوتوماتيك برده

التالت نفس النظام بس عايز حاجة رخيصة .... كانت التيجو .. اوتوماتيك

حبيت بس اوضح امثلة ..

**marwan_147** · 11-07-2010 05:08 PM

والله سيارة رائعة

**pointer** · 13-07-2010 02:02 AM

ها افسحكم النهارده
جوه الداستر وشوف كل حاجه بادق التفاصيل

DACIA Duster 3D Interior Panorama - autoevolution

**pointer** · 22-07-2010 02:32 AM

المشاركة الأصلية كتبت بواسطة marwan_147

والله سيارة رائعة

بما ان حضرتك من ملاك الميجان و العربيه دي فيها موتور الميجان 2 او 3 مش متاكد
هل فعلا الميجان عربيه زنانه بمعني كل شويه العدادات تحمر وتقول عوزه كزا ولا عادي لما تحصل حاجه كبيره بس
ولا دي سمعه انتم اللي طلعتوها عليها ولا ايه
او اي حد ميجاناوي يرد علي الكلام ده
من الاخر ما مدي اعتماديه رينو ميجان

**Ahmed Nouh** · 23-07-2010 05:12 PM

متفق مع كريبتون

العربية اساسا فكرتها انها تكون اوفرودر رخيصة وده مهم لكتير من سكان اوروبا الشرقية وجنوب امريكا وروسيا , وهى ال 3 مناطق الاساسية فى خطة تسويق العربية

فبالتالى اللى هيشترى اداء بالرخص ده وأسلوب حياتة يتضمن طرق بالقسوة دى مش هيبص للرفاهية فى المقصورة

ده كان المفروض يعالج شوية من التسويق بتاع رينو هنا بالاستغناء عن بعض مميزات العربيه فى الاداء واضافتها كماليات علشان ده الجزء الاهم هنا لكن الله اعلم مقدروش او راحت عليهم الفكرة دى

المهم ان الداستر أقوى 4×4 فى كل الرنج ده لحد ال x-Trail مثلا

لكن كعربية يومية محتاجة شوط طويل فى راحة الركاب وامتاعهم , من الاخر مملة قوى على الطريق

**pointer** · 23-07-2010 09:04 PM

المشاركة الأصلية كتبت بواسطة Ahmed Nouh

متفق مع كريبتون

العربية اساسا فكرتها انها تكون اوفرودر رخيصة وده مهم لكتير من سكان اوروبا الشرقية وجنوب امريكا وروسيا , وهى ال 3 مناطق الاساسية فى خطة تسويق العربية

فبالتالى اللى هيشترى اداء بالرخص ده وأسلوب حياتة يتضمن طرق بالقسوة دى مش هيبص للرفاهية فى المقصورة

ده كان المفروض يعالج شوية من التسويق بتاع رينو هنا بالاستغناء عن بعض مميزات العربيه فى الاداء واضافتها كماليات علشان ده الجزء الاهم هنا لكن الله اعلم مقدروش او راحت عليهم الفكرة دى

المهم ان الداستر أقوى 4×4 فى كل الرنج ده لحد ال x-Trail مثلا

لكن كعربية يومية محتاجة شوط طويل فى راحة الركاب وامتاعهم , من الاخر مملة قوى على الطريق

و الله كل التقييمات بتاعه بره بتشكر فيها
هي برضو مش متقشفه اوي كدا بس بيني وبنكم فيه حركات غبيه انا قلتها قبل كدا
الهوايات مش اد كدا بس الابيزا برضوا نفس النظام برضو
العربيه فيها

قضبان للتحميل على سقف السيارة
نظام إمبوليزر
اقفال خاصة بالاطفال
وسادة هوائية للسائق
نظام تدفئة للزجاج الخلفى
باور ستيرنج
تحكم كهربائى فى النوافذ الامامية
مكيف هواء
راديو CD
عتب جانبى مطعم بالكروم
وسادة هوائية للراكب الامامى
نظام ABS
نظام EBD
نظام BAS
مصابيح ضباب امامية
كمبيوتر رحلات
تحكم كهربائى فى النوافذ الخلفية
تحكم كهربائى فى المرايا الجانبية
راديو CD قادر على تشغيل صيغة MP3
جنوط سبور قياس 16 بوصه
ناقل حركة سداسى النسب
مفتاح للتحكم فى الاندفاع بالعجلات بثلاث وضعيات

طبعا هو مش وحش اطلاقا بس يعني عيب ما يبقاش فيها جهاز انذار
بس فيها Bosch
ABS 8.1 system, an EBD (electronic break distribution) and EBA (emergency brake assist).
وطبعا كدا اعلي من كل اللي في تمنها عدا سياره واحده

فبلاش نفتكر اننا هنشتري توارج وبلاش نحسس الناس انها نيفيا
الموضوع ده للنقاش يا ريت نشوف وجهات نظر اكتر

**liveinlove** · 01-08-2010 08:57 PM

أنا شايف إن عربية بالسعر ده و المواصفات دي دفع رباعي و عليها علامة رينو هاتبقى تحفة و أظن كمان إن سعرها هيغلى لما الناس تشوفها و تركبها و تبقى أغلى من التريوس. كفاية إنها صناعة أوروبية بإسم كبير. دا التيجو بقى ب115ألف فما بالك بدي؟

**pointer** · 04-08-2010 11:16 PM

المشاركة الأصلية كتبت بواسطة liveinlove

أنا شايف إن عربية بالسعر ده و المواصفات دي دفع رباعي و عليها علامة رينو هاتبقى تحفة و أظن كمان إن سعرها هيغلى لما الناس تشوفها و تركبها و تبقى أغلى من التريوس. كفاية إنها صناعة أوروبية بإسم كبير. دا التيجو بقى ب115ألف فما بالك بدي؟

السياره من وجهه نظري المتواضعه سعرها معقول جدا وده طلعا اثر علي ثمن التيجو اللي بقي من 82000 يعني ابتدت المنافسه قبل ما تنزل
هتعمل ايه دي في علم الغيب بس كل التست درايف بره ليشكروا فيها والله اعلي واعلم

**pointer** · 14-08-2010 01:22 PM

بعد زباده الاسعار انا اسف جدا

,,,, رىنو كلها لا و الف لا ,,,,

احجز ,,, استني ,,,, غليت ,,,, اصل الدولار ,,,, اصل اليورو,,, اصل الحكومه ,,,
فين اصل انا دفعت ,,, اصل انا ورايا التزامات ,,, اصل انتم اللي سعرتم ,,,, انا تميت التعاقد ,,,, اصل فين العملاء ,,, اصل انا داخل انام ودمتم

**pointer** · 14-08-2010 01:35 PM

معلش بعد زياده الاسعار وبدايه النهايه لرينو بسبب سياسه التسويق الفاشله و العيش في وهم وخيال ده فيديو للدستر من تحت بكل التفاصيل الممله

YouTube - Dacia Duster 4x4 Unterboden Fahrwerk 16V 1.6 110 K4M 105PS

[marq="3;right;3;scroll"]
و ابقوا قابلوني لو رينو باعت واحده من دي ولا فلوانس بعد زياده الاسعار
[/marq]

الموضوع: داستر اه .........داستر لا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

محتار سول ولا داستر ؟

داستر /تيريوس

داستر 2012

رينو داستر

سعر الرينو داستر

الكلمات الدلالية لهذا الموضوع

المفضلات

المفضلات

ضوابط المشاركة