الموضوع: ادخل حط رايك فى الكارينز

المشاركة الأصلية كتبت بواسطة fadaky

العربية الكرينز حلوة بس اكيد لازم الناس تعرف ان البودي تقيل جدا علي الموتور
وال1600 ده مينفعش معها بس احنا احسن ناس تشتري من غير ماتعرف اي حاجة عن العربية
عيزين عربية كبيرة بموتور صغير علشان توفر في البنزين وكمان العربية لو نزلت 2000 هتعدي
ال200000 جم ومحدش هيشتريها في الحالة دي فلازم ترضي بالامر الواقع هي كده وعمرها مهتكون احسن من كده

ممكن نحسبها رياضيا. اننا نحسب كل حصان شايل كام رطل يعنى الوزن بالرطل/عدد الاحصنة= رقم . الرقم ده معظم العربيات المتداولة فى السوق هتلاقى رقمها يبدأ من 31 وانت نازل. كل ما الرقم ينزل كل ما كان احسن. الكارينز مثلا 3196 رطل/124 حصان=25.7 و شوف مثلا فورد فوكس 2009 2992 رطل/108 حصان=27.7 يعنى انت تطلع منه بكل سهولة. والرابط ده ممكن يوضحلك اكثر .Power-to-weight ratio - Wikipedia, the free encyclopedia .يا ترى لسه رايك زى ما هو اننا احسن ناس نشترى من غير ما نعرف اى حاجة؟. انا بيتهيألى اننا احسن ناس تتكلم وتفتى من غير ما تعرف اى حاجة.

اليكم تجربتى
فى خلال 10 ايام طلعت شرم و دهب و بعد ما رجعت بكام يوم الغردقه يعنى حوالى 2300 كم
العربيه كانت محمله (3 كبار فى دهب\شارم و 3 كبار و طفلين فى الغردقه) و الشنط كانت كتير (3-4 شنط كبيره و تقيله و 3-4 شنط متوسطه و 2 لابتوب على الاقل) كنت شايل القايم و راصص الشنط و مش شايف من مراية الصالون و ظابط الهوا على 34 نيتروجين (على القايم بيقول 33 لو العربيه فاضيه و 35 لو محمله فبعملها 34 على طول)
التكييف شغال على طول و مكناش بنجرى (110-130) اخرنا (طلعت ل 160 شويه بس مجرد للتجربه و مرضتش ازود) استهلاك البنزين كان 12 كم فى اللتر يعنى حوالى 240 كم فى الصفيحه 20 لتر... الهوا كان عادى و ده كان على طريق شرم (الاستهلاك محسوب على 550 كم طول طريق لحد دهب)
يوم الغردقه و انا رايح كانت العربيه فيها 2 كبار و طفلين و شنطتين كبار و بس و هوا عادى و عملت 12.5 كم فى اللتر (250 كم فى الصفيحه) بس و انا راجع محسبتش الاستهلاك لأن الهوا كان شديد اوى و فى وشى و كنت ماشى 110-120 بالعافيه و دى مش ظروف تحكم بيها على استهلاك بنزين اى عربيه

الخلاصه استهلاك بنزين مش عالى اوى
ثبات مع المنحيات
فى عربيات بطلع منها و فى عربيات بتطلع منى و ده ملوش علاقه باداء العربيه بس ليه علاقه بطريقة السواقه (اقرر اشد امتى و امتى لأ و حالة الطريق و اذا كنت عارف ان فى منحنيات ولا لأ و العربيات على الطريق عددهم و توزيعهم ايه)

حاجه مهمه ... على طريق العين السخنه الزعفرانه و ده للناس اللى مش عارفاه كله ملفات و طريق فرده واحده يعنى شدة العربيه معاك مهمه قوى علشان تعدى عربيه ماشيه بالراحه او نقل و ده اول مجبت العربيه كنت خايف منه بس فى الحقيقه العربيه ممتازه و مكنش فى اى مشاكل على الرغم ان الطريق كان زحمه ... كنت بشتغل ستبترونيك و بحرق على التالت و ساعات التانى ( اخرى 5000 rpm)

لو حد عنده اسئله يتفضل :)

شكرا لكل من وضع معلومة لكى يستفيد بها غيرة من الاعضاء
وياريت كل من له تجربة مع العربية يدخل ويحط التجربة حتى نجعل من الموضوع مرجع كامل للعربية

كل واحد اشوفه يقولى جبت بيها 160 وكل ما ازود مش راضيه تزيد و صوت الماتور عالى هى اخرها 160 ولا ايه

المشاركة الأصلية كتبت بواسطة b7b7mm

كل واحد اشوفه يقولى جبت بيها 160 وكل ما ازود مش راضيه تزيد و صوت الماتور عالى هى اخرها 160 ولا ايه

لا يا باشا بتجيب اكتر ... انا بحكى على السفريه دى و انا اللى مرضتش ازود ... صوت الموتور طبيعى انه يعلى لما ال RPM يعدى ال 5000 ولا ايه؟ زيها زى السيينا لمل بجيب 160 عادى ان الموتور يعلى

[QUOTE=mema75;3872846736]

المشاركة الأصلية كتبت بواسطة mohamed_selim

اليكم تجربتى
فى خلال 10 ايام طلعت شرم و دهب و بعد ما رجعت بكام يوم الغردقه يعنى حوالى 2300 كم )

السلام عليكم
فى الاول ادعو الله ان يبارك لك فى السياره ويعطيك خيرها ويكفيك شرها باذن الله تعالي
ثانيا ان بشتغل فى الغردقة وان من سكان القاهره ومن اهل المنيا و معايا صني 2008 وعارف كويس جدا قدر المعاناه الي الواحد بعانيها وهو راجع من الغردقه لما بيكون فى هوا شديد وكذلك وصلة السخنه وما ادراك مالسخنه وانا معاك فى ان الواحد صعب جدا انه يحكم علي اداء العربيه فى ظروف مناخيه مثل هذه الظروف خصوصا ان منطقه الزعفرانه هي من اشد المناطق سرعه للرياح فى مصر ( هي انسب مكان لتوليد الكهرباء من طاقة الرياح ) اسف على المقدمه الطويله لكن :
انا معجب جدا بالكارينز وعايز اشتريها ان شاء الله فا ايه رايك فى العربيه من حيث الاداء والاعتماديه انت عارف اننا مش بنجيب عربيه كل سنه والواحد لما بيفكر فى عربيه بيعمل حساب الورثه
ان مش من النوع الي بيشد وبيجري بالعربيه وانا عارف ان الكارينز بالحجم ده مش هيا عربيه الشد وخلافه حتي لو كان الموتور 2000 مش 1600
لكن ان يهمني ان يكون اداء العربيه مناسب لاحتياجتي زي ما حجمها ووسعها مناسب جدا لاحتياجاتي العائليه
انا اقصد باحتياحات هي الاعتماد عليها فى السفر لمسافات طويله (اطول من 400 ك فى السفريه الواحده ) في طرق معدومة الخدمات وكذلك العمر الافتراضي لقطع غيار السياره مع افتراض الالتزام بمواعيد الصيانه الدوريه
يعني الصني مع فارق الحجم والامكانيات لكن هي من السيارت الي الواحد يسافر بيها وهو مطمئن ان هايوصل هو واسرة باذن الله تعالي دون اي مشاكل مادمت متبع التعليمات الخاصه بالصيانه الدوريه

اسف مره اخري للاطاله لكن ارجو النصيحه ورايكم المحايد فى السياره
ولكم حزيل الشكر
مصطفي

ربنا يخليك
بص انا بسافر على طول و كنت بعمل المشاوير بالالف كيلو فى يومين (اطلع الغردقه يوم الخميس بليل و ارجع السبت المغرب) فبالتالى عارف انت عايز ايه ... الحجم و الوسع اكتر من ممتازه .. انا كنت بقول على شنطة السيينا واسعه بس لمل حملت الكارنز و كان لسه فى مكان عرفت الفرق ... و الصالون من جوه ما شاء الله .. انا طولى 190 سم و برجع الكرسى على الاخر .. فى السيينا محدش بيقعد ورايا فى الكارنز 3 كبار فى الكنبه بيقعدو مستريحين ...

اى عربيه المفروض لو بتراعيها فى الصيانه و قطع الغيار الاصليه هتدى معاك .. مقدرش اقولك الكارنز بعد 10 سنين هتبقى عامله ازاى لأن مفيش كارنز قديمه كده بس شوف موديلات كيا القديمه المنتشره هتلاقيها مش بطاله و حط فى دماغك ان مع السنين اللى عدت اكيد الناس دى بتتعلم و بتتقدم ...

اتمنى اكون قدرت افيد حضرتك و لو فى اى استفسار انا تحت امرك

شكرا يا استاذ محمد وربنا يباركلك فيها