نصائح هامه عند شراء صنى جديده

**mohamedbook** · 26-06-2010 11:24 AM

المشاركة الأصلية كتبت بواسطة noon_eg

البطاريه فى جميع موديلات صنى 2010 عاديه ماركه كلورايد اعتقد 55 امبير

انا مليش خبره بموضوع البطاريات بس الي اعرفه ان البطاريه الجافه احسن من العاديه هل الكلام ده صحيح ولا لا
وبعدين هو انت متاكد ان البطاريه في النيسان مش جافه

**Ahmed.TV** · 26-06-2010 12:06 PM

ايوة البطاريات اللى بتنزل مع نسيان كلها عادية مش جافة , وطبعا الجافة افضل ,

حتى عندى فى التيدا عادية مش جافة , بس طبعا البطارية العادية فى التيدا يابانى اصلى

وبعدين لما اللى راكبة تاخد وقتها ممكن الواحد يغيرها بجافة

**LOVER** · 27-06-2010 03:28 AM

المشاركة الأصلية كتبت بواسطة mahdy003

ألف شكر على النصايح دى بس ممكن حد يوضحلى ازاى اضبط رجلاش الدبرياشواعمله فين وهل يأثر على الضمان

مينفعش تلعب في الدبرياج عشان علي ضغط زيت
يعني لا ينفع يوطي ولا يعلي

**sameh200005** · 04-09-2010 10:34 AM

المشاركة الأصلية كتبت بواسطة ahmed.tv

تسلم ايدك على الكلام الجميل ده ,
وبعد اذنك احب اضيف بس بعض النقاط الهامة ايضا عشان يبقا كل حاجة موجودة فى الموضوع عشان الاستفادة الكاملة للاعضاء

:oc_sun1[1]:

1-حاول تستلم العربية بالنهار افضل من الليل عشان تبص عى صاج العربية وتطمن انه خالى من اى خرابيش او خبطات

2-شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله

3-شوف الكاسيت شغال ولالا

4-اسال على الضمان بتاع العربية وضمان الكاسيت والكتالوج بتاع العربية

5- شيك على الولاعة بتاعت العربية وطفاية السجاير

6-شيك وبص على المياة بتاعت العربية

7- اتاكد من وجود الاستبن (الكاوتش الاحتياطى )

8-نبص على شنطة العدة

9- نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان

10-تشغيل الانوار كلها ونجربها سواء الانوار الداخلية جوة العربية من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية

11-تتاكد من عمل المساحة وتشغل المياه بتاعت المساحة كمان

12-تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا

13- نتاكد من ان السنتر شغال ونتاكد من الريموت شغال ولالا

14-ركز فى استلام المفاتيح , معاها مفتاحين وريموت

15-نبص على عداد الكيلومتر واهم حاجة انه لايزيد عن 70 كيلو وكدا كتير كمان

16-التاكد من ان التكيف شغال ,لانك حتشغله بعد 1000 فتكون مطمن ان مفيش مشكلة فى المروحة او تلاقيه مش شغال اصلا ,
وطبعا كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع وتلاهيه ,المهم عشان بس تكون مطمن ان كل حاجة ميه ميه
وتاخد بالك هل فى اى قلق وهى واقفة ولالا مع تشغيل التكيف

17- اتاكد من ان الماتور صوته ناعم وهادى فى بداية التشغيل

18-حرك الدريكسيون يمين وشمال عشان تتاكد من عدم وجود اى مشكلة , وكمان شوف ظبط الدريسكيون لفوق ولتحت اخباره ايه

دول اهم النقاط اللى تركز عليهم وانت بتستلم
وياريت لو حد عنده اضافة تانية يمدنا بيها وجزاكم الله خيرا

وتقبلو تحياتى

لو السيارة عاملة 39 ك هل ده يبقى معقول ولا كتير ؟؟؟؟؟

**أحمد علاء** · 04-09-2010 10:42 AM

المشاركة الأصلية كتبت بواسطة sameh200005

لو السيارة عاملة 39 ك هل ده يبقى معقول ولا كتير ؟؟؟؟؟

معقول

**egypt0777** · 04-09-2010 01:49 PM

ده كده الواحد يجيب معاه كهربائى و ميكانيكى معاه عند الاستلام

هههههههه

**Ahmed.TV** · 04-09-2010 03:38 PM

اللى حابب يجيب امة لا اله الله معاه وهو بيستلم مش عيب ولا حد يقدر يقوله لا

ولكن

النصائح اللى بنقولها هنا دى عشان خاطر الناس تاخد بالها كويس وخصوصا اللى تعبانين فى القرش ونففسه ياخدوا عربية مفهاش اى مشكلة وميجوش يشتكوا بعد ما يستلموا العربية ويزعلوا

وبعدين كل اللى اتقال ده مش محتاج ولا لميكانيكى ولا لكهربائى ولا لاى حد ههههههههههه,

محتاج بس انك تركز وانت بتبص على الحاجات دى

والنصائح دى لوجه الله , اللى عاوز ياخد باله منها على راحته واكيد بتكون لمصلحته
واللى مش عاوز خلاص دى حرية شخصية

**hany_mohamed** · 04-09-2010 03:46 PM

المشاركة الأصلية كتبت بواسطة ahmed.tv

اللى حابب يجيب امة لا اله الله معاه وهو بيستلم مش عيب ولا حد يقدر يقوله لا

ولكن

النصائح اللى بنقولها هنا دى عشان خاطر الناس تاخد بالها كويس وخصوصا اللى تعبانين فى القرش ونففسه ياخدوا عربية مفهاش اى مشكلة وميجوش يشتكوا بعد ما يستلموا العربية ويزعلوا

وبعدين كل اللى اتقال ده مش محتاج ولا لميكانيكى ولا لكهربائى ولا لاى حد ههههههههههه,

محتاج بس انك تركز وانت بتبص على الحاجات دى

والنصائح دى لوجه الله , اللى عاوز ياخد باله منها على راحته واكيد بتكون لمصلحته
واللى مش عاوز خلاص دى حرية شخصية

انا خلاص حرمت اروح اشترى عربية من غير ما اخد احمد بك مصطفى معايا

**Ahmed.TV** · 04-09-2010 05:25 PM

طبعا اوعى ازعل لو روحت مكان ومخدتنيش معاك
انت عارف انت تؤمرنى يا هانى بجد واجيلك على عينى

الموضوع: نصائح هامه عند شراء صنى جديده

LinkBack

أدوات الموضوع

عرض

-

-

-

-

-

-

المواضيع المتشابهه

معلومات هامه قبل شراء الجنوط ..

نصائح هامه في صيانة السيارات الحديثة

نصائح هامه لقياده امنة وسياره سليمه طول العمر

نصائح هامه ليوم الاستفتاء غدا السبت

نصائح هامه لمستخدمى السيارات

الكلمات الدلالية لهذا الموضوع

المفضلات

المفضلات

ضوابط المشاركة